مهرة القلب

الفصل الثاني

عند حلول المساء كانت مهرة تجلس في غرفتها شاردة وكانت ترتدي فستان انيق باللون الوردي وتضع ميك اب هادئ ويقطع شرودها طرقات على الباب
مهرة:ادخل
نور:انا جيييت
مهرة:كويس انك جيتي انا متوترة اوي
نور: عشت وشفت مهرة مكسوفة ومتوترة
مهرة:انا ايه اللي خلاني اجيبك
نور وهي تتصنع الغرور:علشان متقدريش تعملي حاجة من غيري اصلا
مهرة:طبعااا طبعااا، المهم شكلي حلو؟الميك اب مظبوط ؟ والفستان حلو ولا اغيره
نور بضحك:اييه حيلك حيلك انتِ زي القمر والله اهدي انتي بس وبعدين ما انتِ بتشوفي مصطفى كل يوم وبتبقي عادي ايه الجديد بقى
مهرة: بس المرة دي هو جاي يتقدملي انا بجد مش مصدقة نفسي يا نور
فجأة تسمع مهرة طرق الباب
مهرة:ادخل
يدخل لؤي الغرفة
لؤي وهو ينظر لمهرة ويغمز لها:عريسك وصل
ثم ينظر لنور ويقول:اهلا اهلا نور بجلالة قدرها عندنا
نور:شفت بقى
لؤي: وانا اقول البيت منور ليه
نور:طب بس يا بكاش
لؤي وهو بيطلع لسانه:طب كويس انك عارفة اني بجاملك
نور وهي بتحدفه بالمخدة:طب اخرج برة بقى
لؤي:تؤتؤ مش خارج اوضة اختي
مهرة: بس بقى مش معقولة كل مرة تتقابلو فيها تتخاننقو كدة وانت يا لؤي يلا برة
نور وهي تشعر بالانتصار:احسن
لؤي:اشوف فيكي يوم..وانجزي يلا بقولك الناس وصلت
نزلت مهرة ونور وسلمت على اهل مصطفى
والدة مصطفى:ازيك يا حبيبتي عاملة ايه
مهرة بكسوف:الحمدلله يا طنط
والد مهرة:منورين يا جماعة
والد مصطفى:ده بنورك يا حج محمد
محمد:تسلم يا حبيبي كلك زوق
والد مصطفى:انا جاي النهاردة اطلب ايد بنتك الانسة مهرة لابني مصطفى
محمد:وانا مش هلاقي احسن من مصطفى لبنتي بس برضو لازم ناخد رأي العروسة ولا ايه
والد مصطفى:طبعا يا حج
محمد:ايه رأيك يا مهرة يا بنتي
مهرة بكسوف: اللي حضرتك تشوفه يا بابا
محمد:طب انا بقول نسيب العرسان يقعدو مع بعض الاول
والد مصطفى : اه اكيد اتفضل
بعد خروجهم من الغرفة فضلت مهرة باصة للارض
مصطفى بابتسامه: ايه اول مرة تشوفي سجادة بيتكم
مهرة بصتله باستغراب: لا ليه
مصطفى:اصل من ساعة ما خرجو وانتي باصة في الارض
مهرة بكسوف: لا عادي
مصطفى:ماشي يا ستي،طب في اي سؤال حابة تسأليهولي
مهرة:لا انا عرفاك من واحنا اطفال وتقريبا عارفة كل حاجة، انت حابب تسألني عن حاجة
مصطفى بثقة:لا انا عارف عنك كل حاجة بس عايز اسأل سؤال واحد
مهرة:اتفضل
مصطفى:انتي بتحبيني
مهرة وقد صدمت من جرئته : ايه
مصطفى:بتحبيني؟
مهرة:اي رد هقوله دلوقتي هيبقى حرام انت لسة غريب عني ومينفعش اقول اي كلام حب علشان ربنا يباركلنا في علاقتنا
مصطفى باحباط: مكنتش متوقع الاجابة دي
مهرة:انا اسفة بس متستعجلش كل حاجة في وقتها هتكون احلى
مصطفى: ماشي يا ستي خليني معاكي للاخر
وبعدما انتهو وجد الجميع قد اتو
منال:ها نقول مبروك
خجلت مهرة ولم ترد
والدة مصطفى:السكوت علامة الرضا
والد مصطفى:طب انا بقول بقى نقرأ الفاتحة
بعد مغادرة الجميع ذهبت نور ومهرة للغرفة
نور بتساؤل:قالك ايه هاا وقولتيله اييه احكي احكي
مهرة:مقلنااش
نور:نعممم اومال كل ده بتعملو ايه
مهرة بشرود:سألني بحبه ولا
نور:اييه! وقلتي ايييه
مهرة:مردتش قلتله انه مينفعش وان كل حاجة في وقتها احلى
نور:يا جامد، شااطرة هو فاكر نفسه ايه لازم يستحمل شوية وانتي اتقلي كدة
مهرة:عيب عليكي
نور:اسيبك انا بقى وامشي علشان لو اتأخرت ماما هتموتني
مهرة:خلي بالك من نفسك طيب
نور:سلام يا عروسة
بعد مغادرة نور جلست مهرة شاردة تفكر في مستقبلها مع مصطفى بفرحة ثم اغلقت النور واغلقت عينيها وسبحت في احلامها السعيدة...