مهرة بدهشة:نور بصي
نور:الله يا مهرة ده حلو اوي
كان يوجد في الصندوق فستان باللون البنفسجي ومعه جميع مستلزماته وكانت نور ومهرة منبهرين به
نور:مهرة بصي في كارت
اخذت مهرة الكارت وقرأت محتواه بصوت عالي
مهرة:كنت عارف انك مش هتلاقي الفستان اللي يشدك علشان كدة حبيت اجيبلك الفستان ده واتمنى يعجبك
نور:مبرووك عليكي يا قلبي الفستان تحسيه متفصل علشانك يلا يلا خشي البسيه وريني
مهرة:ثواني يا نور انا عايزة اكلم ماما الاول
نزلت مهرة عند والدها ووالدتها
مهرة:ماما مين اللي جاب البوكس اللي فوق ده
منال:ام مصطفى يا بنتي قالت انه هدية من مصطفى وابوكي رفض وقال انه مش ملزوم يجيب حاجة بس هما صمموا ومحبناش نحرجهم...بس صحيح هو البوكس جواه ايه
مهرة:جواه فستان يا ماما وجزمة واكسسوارات تليق بيه...دي هدية غالية يا ماما وهو مش ملزوم يجيبلي حاجة انا لسة مش مراته
منال:والله يا بنتي رافضين يرجعوها وقال خليها تعتبرها هدية خطوبتنا وان هما شايفين اننا بنعتبرهم ناس غريبة
مهرة:ماشي يا ماما
صعدت مهرة لغرفتها
نور:ها يا مهرة حصل ايه ونزلتي ليه
مهرة:كنت عيزاهم يرجعو الفستان
نور:ليه يا بنتي
مهرة:هو مش ملزم انه يجبلي حاجة دلوقتي
نور:يعني انتي مفرحتيش بالهدية
مهرة:انا فرحانة جداا يا نور بس مش عارفة خايفة ابينله فرحتي دي حاسة اني قلقانة
نور:خير ان شاءالله يا حبيبتي،انا مضطرة اقوم اروح دلوقتي
مهرة:سلميلي على طنط
نور:عنيا
بعد ذهاب نور ظلت مهرة تنظر للفستان باعجاب ثم غطت في النوم وفي صباح اليوم التالي استيقظت مهرة وذهبت للاستحمام وارتدت ملابسها وذهبت لتتناول الطعام مع اهلها
محمد:صباح الخير يا حبيبتي
مهرة:صباح الخير يا بابا
محمد:طبعا انتي عارفة انك هتجيبي شبكتك النهاردة
مهرة:اه يا بابا
محمد: مبسوطة يا حبيبتي
خجلت مهرة ولم ترد فذهب محمد اليها واحتضنها وقال لها:انا اهم حاجة عندي فرحتك يا حبيبتي ولو في اي حاجة حابة تقوليها انا موجود
قبلته مهرة من خده وقالت له:ربنا يخليك ليا يا حبيبي
بعد الافطار اتصلت مهرة بنور لتأتي اليها
سمعت مهرة طرق على الغرفة
مهرة : ادخل
نور:اناا جييت
مهرة:نورتي
نور:جاهزة
مهرة:ايه مش باين عليا ولا ايه
نور:لا انا مقصدش كشكل انتي حلوة دايما اصلا انا بتكلم نفسيا
مهرة بحيرة:مش عارفة انا قلقانة
نور:ده طبيعي..شوية بس تاخدي على الوضع وتبقي فلة
يدخل لؤي الغرفة
لؤي:مش حابب اقاطع كلامكم اللي اكيد ملهوش لازمه بس يلا علشان هنمشي
نور:متشكرين اتكل انت على الله واحنا وراك
لؤي:انا بكلم مهرة على فكرة
نور:امشي يا بابا من هنا
لؤي:على فكرة دي اوضة مهرة لو تلاحظي وصاحبة الاوضة مطردتنيش
نور:وانا صاحبة صاحبة الاوضة
لؤي:وانا اخو صاحبة الاوضة
نور: انا صحبتها من 19 سنة
لؤي:وانا اخوها من 18 سنة
مهرة بصراخ:بس بقى اخرسوو اييه قاعدة مع اطفال
نور:انتي مش شيفاه بيتكلم ازاي
لؤي:انتي اللي بدأتي انا كنت ساكت
مهرة : انتم في بينكم عداوة قديمة ما تتهدو بقى ويلا كلكم برة انا نازلة اصلا
في الاسفل
محمد:يلا يا حبيبتي
مهرة:يلا يا بابا انا جاهزة خلاص
في الخارج تقابلت العائلتين وسلمو على بعضهم البعض
مصطفى:ازيك يا مهرة
مهرة : الحمدلله
مصطفى:وحشتيني
مهرة:مصطفى انا قلتلك مبحبش كدة خلي كل حاجة في وقتها مش عايزين نغضب ربنا
مصطفى:ماشي يا مهرة يلا علشان مستنينا
ركبو السيارات وذهبو لشراء الشبكة وبعد عناء طويل اختارت مهرة اخيرا ما يناسبها
مصطفى:اخيرا في حاجة عجبتك
مهرة بخجل:اسفة
مصطفى:لا متتأسفيش طبعا المهم انك مبسوطة
هزت مهرة رأسها ولم تتكلم
محمد:يلا يا حبيبتي علشان نروح
مهرة:حاضر
اوصلت مهرة نور للمنزل ثم عادت لمنزلها مع اهلها وذهبت لغرفها وظلت تنظر للفستان الذي اشتراه مصطفى ثم ابتسمت وذهبت لتستحم لتغرق بعدها في نوم عميق
وفي صباح اليوم التالي استيقظت مهرة على صوت لؤي
لؤي:مهرة قوومي بقى كفاية نوم
مهرة:حاضر حاضر قايمة
جلست ثم قامت بالاتصال بنور
نور بصوت ناعس:مين
مهرة:هو ايه اللي مين انتي مش المفروض تكوني لابسة وجاية علشان تبقي معايا من اول اليوم
نور:راحت عليا نومة هقوم البس اهو
مهرة:ماشي متتأخريش بس انا متوترة اوي
نور:حاضر يا قلبي
في منزل مصطفى
مصطفى:الو يا عز
عز:خير يا مصطفى
مصطفى:هتيجي امتى يا صحبي
عز: انا اسف يا مصطفى بس ماما تعبانة ومش هقدر اجي
مصطفى: ولا يهمك يا حبيبي خلي بالك من مامتك بس وطمني عليها
عز: متزعلش يا صحبي هردهالك في الليلة الكبيرة ان شاءالله
مصطفى: مش زعلان يبني والله اهم حاجة الحجة تقوم بالسلامة
عز: تسلم يا صحبي
مصطفى: عايز حاجة
عز : سلامتك
في منزل مهرة كانت نور تجلس معها
نور:اهدي يا بنتي مالك عمالة تلفي حوالين نفسك ليه
مهرة: انا خايفة
نور: يا بنتي دي خطوبة اومال لو كان فرح كنتي عملتي ايه
مهرة: مش عارفة
نور: اهدي وخدي نفسك كدة وكله هيبقى تمام ان شاءالله، المهم كلتي
مهرة: لا مكلتش مش قادرة خالص
كادت نور ان ترد ولكن
دخلت والدة مهرة الغرفة
منال: يلا يا مهرة عريسك وصل
مهرة: حاضر يا ماما
نزلت مهرة ثم ذهب الى والدها وهمست له بشئ في اذنه ثم ذهبت وجلست بجانب والدتها
والدة مصطفى: يلا بقى علشان العرسان يلبسو الدبل
محمد: حابب اقول حاجة بس
والد مصطفى: اتفضل
محمد:ياريت لو والدة مصطفى هي اللي تلبس الدبلة لمهرة لان اكيد حضرتك عارف انه حرام يلمس ايدها
مصطفى بحرج: اه اكيد يا عمي
مصطفى بهمس لمهرة: ده طلبك انتي
اكتفت مهرة بهز رأسها ولم يتحدث مصطفى ومرت الليلة بسلام وعاد الجميع الى بيته
****
مر اسبوع على ابطالنا ولم يحدث شئ جديد وفي صباح يوم جديد استيقظت مهرة وارتدت ملابسها ونزلت لوالدتها وقبلتها ثم ذهبت لترى والدها فوجدته يتحدث في الهاتف فوقفت وانتظرته حتى انهى مكالمته
محمد: صباح الخير
مهرة: صباح النور
محمد: مصطفى اللي كان بيكلمني
مهرة بفضول : كان عايز حاجة
محمد: كان عايز يخرج معاكي
مهرة: بس لسة مينفعش يخرج معايا
محمد بابتسامه: عارف يا حبيبتي بس لؤي هيروح معاكم
مهرة بابتسامة مماثلة: خلاص تمام يا بابا انا هطلع البس
جاء مصطفى وانتظرها حتى تنزل هي ولؤي
لؤي:اهلا بالعريس
مصطفى:حبيبي ازيك
لؤي:تمام يا درش
محمد: يبني احترم فرق السن اللي ما بينكم
مصطفى: لا يا عمي سيبه ده زي اخويا
لؤي: شفت يا حج قالك زي اخويا اهو
محمد:ربنا يهديك يبني
مصطفى:طب يلا ولا ايه وطبعا ده بعد اذن حضرتك يا عمي
محمد: اه يا حبيبي اتفضل خلي بالك منها
لؤي:متقلقش يا بابا معاها رجالة
محمد:ربنا يحفظكم
في الطريق هتفت مهرة : انا عايزة انزل اتمشى شوية
مصطفى:بس كدة حاضر يا ستي
نزلو جميعا من السيارة
لؤي: الجو جميل
مصطفى: اه جدا ولا ايه رأيك يا مهرة
لم يسمع ردها فنظر اليها وجدها تضع يدها على رأسها
لؤي بقلق:مهرة انتي كويسة
وفجأة فقدت مهرة وعيها وسقطت على الارض
مصطفى: شيلها بسرعة يا لؤي ودخلها العربية
حملها لؤي وادخلها السيارة وذهبو الى المشفى
في المشفى
مصطفى: مالها يا دكتور
الدكتور:اهدى يا فندم احنا بنعملها تحاليل وعلى ما النتيجة تطلع حضرتك ممكن تنزل تملى البيانات وتدفع الحساب
ذهب لؤي وقام بكتابة بيانته وصمم ان يدفع هو الحساب ثم ذهبو الى غرفة مهرة وانتظرو الطبيب
دخل الطبيب الى الغرفة
لؤي:التحاليل طلعت
الدكتور: ايوة يا فندم
مصطفى: طب طلع عندها ايه يا دكتور
الدكتور:.........
أنت تقرأ
مهرة القلب
Romance"نحن لا نهوى الإنسان الأجمل، بل نحب من نرى أنفسنا في حضوره بأجمل صورة، بخفَّة لم نعتدها في أنفسنا من قبل؛ وحينها فقط نشعر كيف أن الحيـاة سهلة وتلقائية."
