مهرة القلب

الفصل الواحد والعشرون

شهاب:تتجوزيني يا مريم
مريم بصدمة:انت بتتكلم بجد
شهاب: ايوة..تتجوزيني
شعرت مريم بأن قلبها يرفرف من فرط سعادتها
مريم: اشمعنا انا
شهاب:انا هسافر قريب وكنت عايز استقر برة واكون اسرة...ومعنديش وقت ادور على بنت كويسة تكون ام لولادي..لكن انتي محترمة جدا وعارفك من زمان وبعزك وواثق انك تسستحقي تشيلي اسمي
نظرت اليه مريم بصدمة ثم قالت بجمود:انا اسفة بس طلبك مرفوض
شهاب بصدمة:ليه
ثم قال بتردد:هو في حد في حياتك
مريم بدون تفكير: اه
ثم تركته وغادرت

صعدت مريم الى غرفة النوم
مهرة:كان عايزك في ايه ها
مريم:عايز يتجوزني
مهرة بفرحة:بجد...مش مصدقة والله..واكيد وافقتي
مريم:رفضت
ثم قالت بتردد:وقلتله كمان ان في حد في حياتي
مهرة :ايييه انتي بتهزري يا مريم...يعني بتحبيه كل ده ولما يطلب الجواز ترفضي لا وكمان تقوليلو في حد في حياتك
مريم بعصبية:ما هو اللي غلطان...هو مبيحبنيش هو قالي انه عايز زوجة يستقر معاها برة وتكون ام لاولاده وانه مش عنده وقت يدور على بنت كويسة فهو علشان عارفني من زمان قرر يتجوزني
مهرة:واشمعنا اختارك انتي ما احنا قرايبنا كتير وكلهم محترمين وحلوين اشمعنا اختارك انتي من وسط كل البنات اللي يعرفها
مريم:معرفش بقى
مهرة:ربنا يهديكي بجد
مريم:متتكلميش في الموضوع ده تاني يا مهرة..هو اللي غلطان...انا فرحت في الاول بس لما قلتله اشمعنا انا وقالي كدة اتضايقت ورفضت
مهرة:اكيد في فقلبه مشاعر ليكي حتى لو قليلة وهو مش عارف ده او بس مش متأكد من مشاعره بس هو اختارك انتي...اختارك من وسط كل بنات العيلة وزميلاته في الجامعه اللي بيعجبو بيه..رغم انه مشافكيش من زمان بس جالك انتي
مريم بعصبية:انتي بتدافعي عنه علشان ابن خالتك
مهرة:وانتي بنت عمي واختي وصاحبتي
مريم: عايزة اقعد لوحدي شوية بعد اذنك
مهرة:ماشي يا مريم...انا هنزل اقعد معاهم شوية وانام كدة كدة بكرة اجازة من الشغل
مريم:تمام

في الاسفل
كانت مهرة جالسة في حديقة منزلها
شهاب:احم ممكن اتكلم معاكي
مهرة:اتفضل
شهاب:هي مريم رفضتني ليه..انا عرفت من خالتوا انها مش مخطوبة..اكيد قالتلك سبب الرفض وسبب انها قالتلي كدة
ثم قال:ولا هي بتحب ومش معرفة حد؟
مهرة:لا طبعا مريم محترمة
شهاب:اسف انا عارف والله...بس رفضتني ليه
ابتسمت مهرة ولكن سرعان ما قامت باخفاء ابتسامتها وقالت:اشمعنا
شهاب بتعجب:اشمعنا ايه
مهرة:ما البنات كتير يعني وكدة كدة انت بتدور على الاستقرار...اشمعنا مريم اللي اخترتها رغم انك تعرف كذا بنت محترمة وكويسة
شهاب:ما واضح انها قالتلك انا اخترتها ليه هتستفادي ايه لما اعيد نفس الكلام
مهرة:انا مش عيزاك تعيد نفس الكلام...ما چودي بنت خالوا بتحبك ومحترمة وكويسة ومتعلمة وجميلة
شهاب:مش مرتحالها..انا في الاول كنت هخطبك لاني عارفك من زمان وكنت برتاحلك وكنتي المفضلة عندي في العيلة...بس عارفة..لما لغينا الخطوبة محستش اني زعلان زي ما انا متوقع..ولما جيت هنا وعرفت ان مريم موجودة وهتيجي معاكي مش عارف ليه حسيت اني عايز اعرض عليها الجواز وكمان انا برتاح لمريم وبعزها
ابتسمت مهرة وقالت:اوعدك هكلمها تاني