Skies' not the limit

Chapter 22

                             Nakatulala lang ako habang pinapanood si Aika na umiiyak. Nasa kwarto na kami ni ate Syd at nasa guest room na rin ang boys.

"Huy, ilang oras ka nang umiiyak." Sabi ni ate Syd na umiinom ng kape. She's sober now.

"Ang sakit, ate Syd, eh! Walang problema saakin ang pagiging bi. I will support him all the way, totally. Ang masakit lang, doesn't he trust me enough para sabihin saakin kung sino talaga siya? Hindi ba sapat na mahal ko siya?"

"Aika, honestly, may alam na ako rito. About two months ago. Inamin na ni Tosh saakin 'to," sabi ko kaya napa-tingin siya saakin. "Natatakot siya na baka maging disgrace mo siya." Malungkot akong tumingin sa kanya.

"Pero, bakit? Ganyan ba kasama ang tingin niya saakin? Or hindi niya talaga ako mahal? Gan'on ba kasama ang tingin niya saakin para pigilan siya?" Hirap na sabi niya.

"Aika, I'm sorry to say this. Pero- matulog ka muna. Itulog mo nalang muna saglit. Tsaka na tayo mag-usap bukas when sober na ang lahat."

"I agree, Aika. Matulog ka na muna."

Nahihirapan mang matulog, natulog talaga si Aika kahit umiiyak. Kinuha ko na ang pagkakataon na iyon para mag-half bath at magbihis ng pang-tulog kahit hindi ko alam kung makaka-tulog pa ako. Ala-una na ng madaling araw.

After my bath, I scanned my phone and may isang message si CJ doon.

From: Clavell Jairus na pinaka-pogi

Erin, just got home. Ingat kayo.

It was a message one hour ago. Ni-reply-an ko na siya dahil kelangan ko ng kausap ngayon, wether he's awake or not.

From: Erin Athena Razon

Sorry, ngayon lang nakapag-reply. Tulog ka na. Salamat.

Hindi na siya nag-reply kaya so I assumed that he's asleep or doing his requirements.

Hindi na stressing ang susunod na mga linggo para sa academics namin. Ang huling exam nalang ako kailangan namin, at graduation practice na nila ate Syd, kuya Aki at CJ.

"Goodnight, Erin. Matutulog na ako." Paalam ni ate Syd at tumabi na kay Aika na tahimik na natutulog.

Pumunta ako sa kwarto nila Eros at Tosh to check on them.

Umiiyak si Tosh kaya pakiramdam ko ay ngayon lang nag-sink in sa kanya ang mga pangyayari.

"Tosh, Eros." Tawag ko sa kanila.

"Erin, kumusta si Aika?" Bungad agad ni Tosh na umiiyak at umiinom ng kape.

"Tulog na siya. Nakatulog sa pag-iyak." I sighed.

"May- may sinabi ba siya sainyo?"

"Meron. Tosh, to be honest, nasasaktan ako para sa pinsan ko. Dapat hindi mo tinago 'to sa kanya. I mean- yes, nai-tolerate ko 'yung sinabi mong itago 'yun sa kanya. Alam mo sabi ni Aika? She doubts herself now. Akala niya wala kang tiwala sa kanya. Akala niya masama ang tingin mo sa kanya."

Malungkot na ngumiti si Tosh.

"Erin, I don't know how to fix myself. Ito ako, eh." Sabi niya.

"Naiintindihan ka namin, Tosh. There's nothing to fix, at walang masama sa pagiging kung sino ka talaga. Tanggap ka namin. Ang saamin lang, sana hindi mo tinago saamin. Alam kong dahil dun din nasaktan si Aika." Malungkot na ngumiti si Eros.

"Bukas, Tosh. May bukas pa. Tsaka natin 'to pag-usapan." Sabi ko at lumabas na ng kwarto.

Pag-pasok ko sa kwarto ni ate Syd, tinignan ko ulit ang phone ko at may text mula kay CJ.