الجميلة والوحش

الفصل الثالث

- انا عاوزة اسمع صوت بنتي انا حاسة انها جرالها حاجة
- عماد : مش هنبطل محن بقي ولا ايه بنتك عايشة احسن منك دلوقتي
- صفية : مش كل حاجة الفلوس بنتي مش مرتاحة انا حاسة بيها
- عماد : بقولك ايه مش عاوز زن امشي من وشي
- صفية بدموع : طب سمعني صوتها بس وانا اوعدك مش هتكلم تاني
- عماد : هقول للباشا لو رضي بقي
- صفية : يارب يرضي يارب
....................................................................
- فارس : بقولك ايه اهو اخر فستان كلمي بقي المصنع يجهزوا القماش ولا اقولك انا هروح بنفسي
- جوليا : ليه يعني تتعب نفسك ما انا هروح بنفسي
- فارس : لا ما انا بقالي كتير منزلتش المصنع فقولت اروح اشوف بقي الأمور ماشية ازاي
- جوليا : طيب الفرع الي في دبي اتصلوا وفية نقص في المصممين هناك
- فارس بغضب : يعني ايه في نقص في المصممين يا جوليا ايه لعب العيال دة مين استقال منهم
- جوليا بتوتر : محدش استقال هو بس واحد... هو
- فارس : ما تنطقي واحد ايه
- جوليا : تعبان بقاله شهرين وهو الأساسي بينهم
- فارس : ولما هو تعبان سيادتة بقاله شهرين ومشتغلش في بيته حتي ومترفدش مجبتوش غيرة ليه يسد مكانة ولا انا لازم اسافر كل يومين بلد علشان اتابع الشغل
- جوليا : لا انا هسافر وهحل كل حاجة بس انتا اهدي
- فارس : جوليا الحكاية دي لو اتكررت تاني مدير الفرع مهما كان هو مين او عذرة ايه هيترفد في سعتها ومن غير ما ترجعيلي
- جوليا : حاضر متقلقش
-صعد رنين هاتف فارس : نعم عاوز ايه
- عماد : باشا كان ليا عندك طلب صغير بس
- فارس : انطق مش فاضي
- عماد : ام البت كانت عاوزة تكلمها بس لو ينفع يعني
- فارس بغضب : حرم فارس زين مش اسمها بت لتقول اسمها لتبقي جمب اسمي غير كدة اقطعلك لسانك فهمني واغلق الهاتف
- جوليا : للدرجادي بتحبها
- فارس بحزم : جوليا
- جوليا : عن اذنك يا فارس
.......................................................................
- عند القصر ترجل فارس من سيارتة وهو ينتزع جاكت بدلته بغضب وعند فتح الباب شعر بشئ موضوع خلفة دفعة بقوة اكثر حتي فتح وهو ينظر خلف الباب
- فارس بصدمة وهو يحمل تقي : يخرب بيتك انتي بتموتي كام مرة طب حجتك ايه دلوقتي... ووضعها علي الاريكة بحزر وهو يستشعر نبضها بخوف..... الحمد الله عايشة اومال عاوزة ايه دي... اجيب الدكتور..... لا ميه... وهرول الي المطبخ وجلب زجاجة وبلل يدة بالماء واخذ يمسح علي وجهها برقة حتى فاقت.. وعندما راتة
- تقي واعتلي وجهها الخوف وعادت الي الخلف وضمن ركبتيها الي صدرها وأخذت دموعها تهطل بغزارة : ابعد عني عاوز مني ايه
- فارس بتعجب : انتي بتعملي كدة ليه
- تقي وهي مغلقة عينيها بقوة : سبني في حالي الله يخليك وانا مش هدايقك خالص
- فارس وهو يضع يدة علي وجنتها ويضربها بخفة : افتحي عينك قوليلي ايه الهبل الي بتقولي دة
- تقي وهي تفتح عينيها ببطء : هترميني امتة
- فارس بتعجب : ارميكي!!!
- تقي : اه قالتلي انك هترميني بعد كام شهر وحتي مش هتطلقني علشان الورث
- فارس : مين الي قالتلك وقالتلك ازاي
- تقي : يعني صح هترميني انا كنت عارفة انها مش بتكدب انتا هتموتني صح وترميني ومحدش هيعرف عني حاجة وهي تنهض وامسكها فارس يقيدها من يديها ورجليها بقوة ويحاصرها بعينية ووجهه يكاد يلامس وجهها
- فارس بصوت عالي : قولي مين وقالتلك ايه الا هقتلك بجد
- تقي بخوف وهي تنظر لعينية وامتدت شفاهها للامام بزعل : مش عارفة
- فارس بأبتسامة من طفولتها ايقن مدارتها : وبعدين طلعت عفريت
- تقي بتلقائيه : هقولك يا... هو انتا اسمك ايه صح.. ولم تجد رد وهو يشاهدها بأستمتاع.... خلاص مش لازم تقول انا قومت من النوم وكلت الاكل الي انتا جبتة كلة مش طبيعي صح بس هو كله جبن يعني هي تتاكل بسرعة المهم اني صليت وقعدت اروق لحد ما تعبت ماشي وبعدين لقيت حد بيخبط روحت افتح لقيتك قافل الباب ما انتا خايف اهرب... وقد هطلت دموعها من جديد... علشان هتموتني صح... ولحظات قصيرة من البكاء تحت تعجب فارس ونظرات المتفحصة في كل انش من وجهها.... المهم اني وقفت عند الباب وهي قعدت تقول انا عارفة انك جوة وهو شوية وهيسيبك وكمان مش هيطلقك وهير ميكي زي الكلبة ودة كله علشان الورث
- فارس : وانتي قولتي ايه
- تقي وهي تحاول التذكر : متهيألي ملحقتش اغمن عليا
- فارس : اسمها اغمي عليكي وبعدين
- تقي : هي دي وبس كدة... انتا هتموتني
- فارس وهو ينظر داخل عينيها : انتي لون عنيكي عامل زي العسل الأصفر كدة لية
-تقي بتعجب : العسل الأصفر.. اسمه عسل ابيض
- ترك يديها ورجليها ونهض وهو يبعث في هاتفة وسمعها صوت
- فارس وهو يسمعها صوت جوليا : اسمعي كدة كويس هو دة صوتها
-تقي : لا مش دة
- فارس وهو يسمعها صوت سوزي : دة صوتها
- تقي : اه هي دي بالظبط
- فارس وهو يجلس أمامها : تمام اووي كدة..قوليلي بقي انتي عاوزة تهربي
- تقي وهي تضم ركبتيها بخوف : ل... لا
- فارس : طيب انتي صدقتيها صح
-تقي : الصراحة اه
- فارس : يعني دلوقتي ممكن تهربي صح
- تقي : مش ههرب لا
- فارس : ليه... ايه الي هيخليكي عارفه اني ممكن اموتك وارميكي ومتهربيش
-تقي وهي تنظر لعينية : حاسة انك مش هتعمل كدة ومش ههرب علشان انتا جوزى وليك حق عليا واكيد انا مش هطلع من البيت من غير اذنك
- فارس : مع ان عماد ميطلعش منه التربية دي بس مصدقك
- تقي : عماد... انتا فاكر انه ابويا ولا ايه
- فارس : لا عارف انه جوز امك بس مربيكي من وانتي صغيرة
- تقي بنصف ابتسامة : محدش رباني غير امي... انا معرفش مين دة اصلا ومش بشوفة غير لما يبقي صوتة عالي او بيضرب امي واو يضربني انا كمان
- فارس بغضب : يضربك انتي ليه
- تقي : اه لما كنت بيبقي مش معايا فلوس كان بيضربني لحد ما تصرفلة في فلوس طول عمرة طماع... ربنا يسامحة معيشنا في عذاب... هو... هو يعني
- فارس مطمأنا : هو ايه
- تقي : ينفع اطلب منك طلب
- فارس : ايه هو
- تقي : ينفع اكلم امي اطمن عليها بس انا خايفة عليها منه
- فارس اخرج هاتفة واعطاه لها : بس بسرعة متطوليش
-تقي بدموع فرح : انا مش عارفه اقولك ايه بجد وسمعت صوت صفية فوضعت الهاتف علي اذنها بلهفة وهطلت دموعها بغزارة واخذ يشاهدها فارس بتعجب مع كل كلمة تقولها
- تقي : امي وحشتيني اوي
- صفية ببكاء تحاول مداراته : انتي اكتر يا توتي عاملة ايه جوزك كويس معاكي
- تقي بأبتسامة : انا كويسة ٢٤ قيراط وزى الحصان يا ستي وجوزي أطيب حد ممكن تقابلية في حياتك يا أمي متخافيش عليا احنا مبسوطين جدا وكان نقصيني بس اسمع صوتك وفرحتي تكمل واديني سمعت احن صوت في الدنيا هعوز ايه تاني
- صفية ارتسمت الابتسامة علي وجهها بسعادة لسعادة ابنتها : ربنا يخليكوا لبعض يا حببتي خلي بالك منة يا بنتي وراعية زي ما علمتك ومتخلهوش يزعل منك ماشي
- تقي : متخافيش يا امي هو في عنيا وفوق راسي كمان وبعدين انتي بتوصيني عليه احسن ما تقوليلي خلي بالك من نفسك
-صفية بضحك : هو ابن حلال وهياخد باله منك يا حببتي
- تقي : هو فعلا مش مخليني نفسي في حاجة... احم انا هقفل بقي علشان بينادي عليا
- صفية : ماشي يا حببتي روحي لجوزك
- اغلقت تقي وقبلت الهاتف بحب تلقائيا وهو مازال ينظر لها وأعطت له الهاتف بسرعة عندما لاحظت نظراتة لها
- فارس : احم فين شكرا
- تقي : شكرا اوي مش عارفة ارد جميلك دة ازاي
- فارس بهمس : مع ان مش دي شكرا الي كنت عوزها بس اهي ماشية
- تقي : قولت حاجة
- فارس : قومي اعملي اكل
- تقي بخجل : انا كلته كله
- فارس وهو ينظر إليها بتفحص اخجلت هي من نظرتة : انتي بتاكلي دة كله وبيروح فين مش فاهم
- تقي: بينزل في معدتي ويتهضم بقي وبعدين
-فارس مقاطع : مش عاوز اعرف ونهض وتركها وذهب
- تقي بغضب وهي تنهض وتنتزع الاسدال وتعطي شعرها الحرية دخل فارس في هذة اللحظة والاثنين ظلوا ينظروا لبعض