الجميلة والوحش

الجزء العاشر

- فارس : اتفضل
- بعد دخول علي : شكرا انك قبلتني
- فارس : اتفضل اقعد
- علي بعد جلوسة : انا كنت عارف انك مش هتضيع الفرصة دي من ايدك
-فارس : حاجة ذي كدة
- علي : الي اعرفة عنك انك مش بتحب الالغاز
- فارس : دة حقيقي يا استاذ علي
- علي : مفيش داعي لأستاذ دي خليها علي
- فارس وهو يجلس امامة : لا ازاي بس يا استاذ علي وانتا علشان مش اي حد مش هتتوظف ذي اي حد في الشركة
- علي : مش فاهم
-فارس : بما ان مدام فارس طلعت تعرفك كويس لازم اعمل معاك الواجب
- علي بدهشة : تعرفني.... احم قصدي عرفتك انها تعرفني يعني
- فارس : اكيد والا مكنتش جبتك تاني
- علي بسعادة : طب حلو اوى هبدأ امتة
- فارس : مش لما نمضي العقد
- علي : مفيش مانع فين العقد
- فارس بصوت عالي سمعة جميع. من بالشركة : ااااحمد
- تقدم احمد وبيدة الأوراق وهو ينظر لعلي المندهش من فعلتة كان من الممكن طلبة في هاتف الشركة.. وضع الأوراق أمام علي وخرج مرة أخرى
- فارس بأبتسامة : اتفضل القلم امضي
- التقط علي القلم وعند الامضاء
- فارس : خلي بالك بعد ما تمضي مفيش رجوع يعني اقرأ كويس جدا
-علي وهو يقرأ الورقة بدقة توقف واتسعت عينية بصدمة
....................................................................
- استاذ خالد
- خالد بصوت ناعس : ايوة انتي مين
- جوليا : انا جوليا لو لسة فكرني
- نهض خالد بسرعة : احم... ايوة ايوة انتي جوليا
- جوليا بأبتسامة : استاذ خالد صح
- خالد : انا خالد ايوة
- جوليا : طب ممكن نتقابل كمان ساعة في كافية علي النيل لو عارفة اسمة.....
- خالد : اه عارفة حالا هتلاقيني هناك
- جوليا : تمام اتفقنا
- خالد : مع السلامة
- جوليا : سلام
- خالد : خلي بالك من نفسك
- جوليا : نعم
- خالد : هاا.. ولا حاجه سلام
- جوليا : سلام
........................................................................
- في شركة علي سليم
- علي وهو يحطم كل شئ يأتي أمامة في المكتب : انا يعجزني كدة.. بقي انا يتعمل معايا كدة والله لدفعه التمن بس الصبر
- سوزى : هو انتا مش مضيت ولا ايه
- علي : مضيت... اتزفت ومضيت بيتحداني كان لازم اتزفت وامضي
- سوزى : طب اهدي بس علشان نعرف نفكر هنعمل ايه
- علي : نفكر لا انا. مش هينفع افكر دلوقتي
- سوزى : خلاص انا همشي ونبقي نتفق نتقابل تاني امتة بس انتا متفكرش لوحدك وانتا في الحالة دي
- علي : ليه شيفاني مجنون... امشي من وشي احسن دلوقتي
- سوزى وهي تنهض : سلام يا علي
- علي : في داهية
- بعد خروج سوزي طلب علي جميلة لمكتبة وعند دخول جميلة
- جميلة عندما رأت حاله المكتب اتسعت عينيها ووضعت يدها علي فمها تكتم شهقاتها
- علي : جميلة اي اجتماع او معاد انهاردة يتلغي اي زفت يتلغي
- جميلة : حاضر
- علي : متدخليش عندي اي حد مهما كان هو مين فاهمة
- جميلة وهي تنظر الي حالتة المزرية من شعرة المشعث وعينية الحمراء من الغضب وملابسه الغير مرتبة : حاضر... وبتردد... حضرتك كويس
- علي وهو يلتقط نبرة التوتر في صوتها : انتي شيفاني مجنون يا جميلة ما تروحي تشوفي شغلك
- جميلة وقد تجمعت الدموع في عينيها ولاكن أبت هطولها وبصوت مخنوق : انا اسفة بتدخلي يا فندم عن اذنك
- خرجت جميلة بحسرة علي قلبة القاسي وعلي قلبها الذي احب بدون وعي وبهذا الذي يحب غيرها فقد أصبحت متيقنة انه يحب ذالك البنت التي تسمي تقي فقد سمعت اسمها يتردد بغضب عدة مرات
....................................................................
- في كافية علي النيل
- جوليا : انا اتاخرت
- خالد : لا انا جيت بدري
- جوليا : ايه هو الموضوع المهم
- خالد : واضح انك عمليه جدا
- جوليا : دة حقيقي ممكن ندخل في الموضوع
- خالد : تمام.. انا عندي واحد صاحبي اسمة علي بيحب تقي الي هي مرات فارس احنا كنا في جامعة واحدة وهو كان عاوز يوصلها باي طريقة وهي مكنتش بتصاحب حد ولا حتي بنات
- جوليا : طيب الي فهمتة انا صاحبك كان بيحب تقي الي هي مرات فارس وهي مش بتحبه وانتو كنتو في جامعة واحدة كدة تمام
- خالد : بالظبط
- جوليا : تمام كمل
- خالد : طب نشرب حاجة ونكمل لو مش هتدايقي يعني
- جوليا : مفيش مشكلة... قهوة مظبوط
- اتي الجرسون وطلب خالد القهوة ورحل
- خالد : انتي ممكن تشيلي النظارة دي يعني ولا انتي عنيكي وحشة
- جوليا: لا مش ممكن وندخل في الموضوع بقي
- خالد : انتي حرة... بصي بعد لما تقي اتجوزت هو عرف وادايق وقرر انه يشتغل في شركة فارس وفعلا راح أتقدم لوظيفة
- جوليا : اتقبل
-خالد : اول مرة راح متقبلش ويعتبر اتطرد بالزوق وكان مدايق وعلي آخرة وقرر انه يودي السي في بتاعة ومعاه جواب
- جوليا: جواب ايه
- خالد : جواب فية ان تقي تعرفة وكانوا صحاب
- جوليا : وفارس صدق
- خالد : مش عارف ايه الي حصل بعد كدة
- اتي الجرسون وضع القهوة للاثنين ورحل
- جوليا: وانتا ايه الي خلاك متروحيش لفارس علطول وتقولة
- خالد : قولت مش هيصدق وانا معرفش طبعة ايه وكان لازم اقول لحد قريب منه الاول... بس انتي ازاى صحبتة ومش عارفة حاجة عن الموضوع
- جوليا : حاجة من طبع فارس ان اي حاجة عن حد قريب منه مش بيقولها لأي مخلوق غير صاحب الموضوع نفسة
-خالد : تمام... انا قولتلك وانتي حرة بقي في الي هتعمليه
- جوليا : متخفش فارس مش بيسيب حقة
- خالد : ياريت يعرف يتصرف معاه انا اكتر واحد عارف ان علي مش بيسيب حقة برضو
- جوليا : طيب انا مضطرة امشي. وهي تنهض وتخرج من شنطتها بعض المال
- خالد : انتي بتعملي ايه
- جوليا : بحاسب علي الي انا شربتة
- خالد : انا هحاسب امشي انتي
- جوليا : وانتا تحاسب ليه يعني انتا تعرفني
- نهض خالد وأخرج مال من جيبة ووضعة علي الطاولة وقبل ذهابة : الظاهر اني كنت غلطان.... عن اذنك... وتركها وذهب
- ظلت جوليا تنظر الي اثرة بدهشة من فعلتة وأخذت نقودها وذهبت
........................................................................
- في القصر
- فارس : تعالي معايا
- تقي : مش عاوزة اروح في حتة
- فارس : تقي بقولك ايه انا معنديش خلق اتحايل عليكي هتيجي ولا لا
- تقي : اجي فين
- فارس : مش لازم تعرفي... والتقط يدها وخرج من القصر
- تقي : طب حد يشوفني بالشورت والتيشيرت كدة
- فارس : محدش موجود هنا غيرنا حاليا
- تقي : صح ما انا نسيت انه مهجور
- اوقفها فارس عند غرفة خلف القصر مصنوعة من الزجاج وداخلها الكثير من الورود بالكثير من الأنواع والأشكال والألوان
- تقي باندهاش : مش معقول هو فيه جمال كدة
- فارس بأبتسامة : ادخلي
- تقي : مش قادرة حاسة ان رجلي مش شيلاني من المفاجأة خليني شوية هنا
- حملها فارس بين يدية ودخل بها بين الورود واخذ يطلعها علي جميع الورود وعرفها اسماءهن وهو مازال حاملها بين يدية
- تقي بخجل : خلاص نزلني وانا هتفرج لوحدي
- انزلها فارس وامسك يديها الاثنين برقة : كان في حد بيدلعني كدة.. مش فاكر قال ايه ما تفكريني
- تقي ظلت تفكر قليلا وفجأة تذكرت : انا هروح جوة بقي الجو سقعة
- فارس وهو ممسك بيدها بتملك : خدي هنا مفيش جوة دلوقتي خالص
- تقي بخجل : احم... نعم عاوز ايه
- فارس : سمعك انا ومش هعيد السؤال تاني
- تقي : هو مش احنا قولنا هنمثل اننا بنحب بعض قدام الناس بس علشان كدة دلعتك
- فارس : نمثل.. مع انك اعترفتي يعني بس مش هضغط عليكي علشان اتكسفتي بس
- تقي : انا متكسفتش وانا حرة اقول ولا لا دة لساني مش لسانك
- فارس : انا ممكن اقطعلك لسانك بس للاسف بحب لماضتك
- تقي : سيب ايدي
- فارس : انا حر اسبها... امسكها.. دي حريتي
- تقي : بس دي ايدي يا فندم مش ايدك انتا حر في ايدك
- فارس : انا حر في اي حاجة تخصك
- تقي : علي كدة جوليا عاملة ايه لسة مدايقة
- فارس : أمم.. الحلو لسة زعلان بقي
- تقي : مش زعلانة انا بطمن عليها بس
- فارس : لا هي مش زعلانة انا صلحتها
- تقي : صلحتها كمان ماشي براحتك
- فارس : يعني طلعتك من القصر وعلي فكرة الأوضة دى انتي تاني حد يشوفها وبعد دة كلة تضربيلي البوز دة مش حرام
- تقي : اكيد جوليا اول حد يشوفة صح
- فارس : لا مش جوليا يا تقي وبطلي غيرة علي الفاضي كدة
- تقي : انا مش غيرانة واغير عليك ليه يعني انتا حر
- فارس بنبرة تحولت الغضب مع الحزم : اول حد كان امي يا تقي واخر مرة تتكلمي معايا بالطريقة دي انا مش عيل صغير علشان يدادي فيكي بالطريقة دي اعقلي شوية
- تقي : هي فين مامتك
- فارس : امي وبابا الله يرحمهم في حاجة تاني
- تقي : انا اسفة مكنتش اعرف والله... متزعلش مني
- فارس : عادي
- تقي : طيب ايه سر اني تاني حد يشوف المكان دة
- فارس : مش مهم تعرفي دلوقتي... انا كنت عاوز اعرفك حاجة عملتها لمصلحتك
- تقي : حاجة ايه
- فارس : انا عينت الي اسمه علي دة في الشركة وقولتلة انك عرفاه وبتسلمي علية كمان
- تركت تقي يدة : ايه... انتا مصدقتنيش صح.. طب ليه قولتلي انك مصدقني
- فارس : انا مصدقك بس كان لازم اكدب عليه علشان اشوف هو في عقل ولا فعلا مجنون ومقتنع انك تعرفيه
- تقي : وطلع مجنون صح
- فارس بقهقهه: لا... دة مفيش مجنون غيرك بجد
- تقي بزعل : انتا بتضحك عليا شكرا يا فارس
- فارس : استني بس... يعني بقولك ضحكت عليه يبقي عاقل واتهز اول ما قولتله انك تعرفية واتخض اني رحبت بالموضوع بس في حاجة محيراني
- تقي : ايه هي
- فارس : ازاي في حد مجنون بحب حد كدة
- تقي : هو مش بيحبني
- فارس : لا بيحبك... والا مكنش سلم نفسة بالطريقة دي
- تقي : سلم نفسة... يعني ايه سلم نفسة
- فلاش باااااك
- علي : ايه دة مليون جنية ليه يعني انا لو هشتري الشركة مش هكتب في العقد مليون جنية
- فارس : اولا انتا مستحيل تشتري الشركة.... ثانيا قولتلك انك غالي عند حببتي وحبايب حببتي حبايبي ولا ايه... ولو مش عاجبك الي انتا عاوزة يمشي انتا ليك واضعك برضو
- علي : بس دة مبلغ كبير يعني لو سبت الشغل لأي ظرف ادفع مليون جنية ليه يعني كتير جدا..
- فارس وهو يسحب الملف ببطء من أمامة : مفيش مشكلة يا علي احنا حبايب برضو وصح تقي بتسلم عليك
- علي التقط القلم بسرعة ومضي علي الأوراق بغضب : تمام كدة
- فارس بأبتسامة نصر : تمام اووى... تقدر تبدأ من بكرة
- علي وهو ينهض : شكرا اوى سلملي علي تقي
- فارس : يوصل بالسلامة
- خرج علي واخذ فارس يمسح عل وجهه وشعرة بغضب : انا تقولي سلملي علي تقي.. اصبرلي بس دة انا مش هرحمك... وبصوت عالي.... ااااحمد
- احمد بخوف : اا... ايوة يا فندم
- فارس : خد الملف دة وميطلعش لأي حد مهما كان وتخلي بالك منه كويس فاهم
- احمد وهو يلتقط الملف : اكيد يا فندم عن اذنك
- فارس : اتفضل
باااااااك
- تقي : هو انتا مش بتغير
- فارس : اغير ليه يعني
- تقي : ولا حاجة انا عاوزة اروح
- فارس : اكبري بقي
- تقي : انا كبيرة علي فكرة... بطل تعاملني علي اني طفلة وكل شوية تقولي اكبري
- فارس : انتي فعلا طفلة انا مغلطش وطفلة قصيرة كمان
- تقي : في حاجة تاني تحب تقولها
- فارس : لا لحد...
- وفجأة وجد تقي تتعلق به تضمة بقوة ورجليها تكاد تلامس الأرض..... ضمها فارس بخفة وهو يرفعها من الأرض حتي أصبحت لا تلامس الأرض
- فارس بحنان : انتي مجنونة يا بت انتي
- تقي بأبتسامة : شكرا
- فارس : علي ايه
- تقي : علشان انا تاني حد يشوف الورد وعلشان طلعتني من القصر
- فارس : في حاجة تاني عاوز اوريهالك بس مش دلوقتي
- تقي وهو تنظر له بسعادة طفلة : ايه هي هااا
- فارس : مش دلوقتي
- تقي : ماشي... نزلني
- فارس : عرفتي انك قصيرة
- تقي بخجل : احم... نزلني طيب
- فارس : ولو قولت لا
- تقي : هصوت والم عليك الناس
- فارس : محدش هيسمعك ولو حد سمعك مش هيتجرأ ويدخل القصر...
- تقي : خلاص نتفق نزلني وانا مش هصوت
- انزلها فارس بقهقهه : انتي مجنونة
- تقي وهي تبتعد عنه : مش اجن منك يا فروسي
-فارس : قولتي ايه
- تقي : ولا حاجة كنت بودع الورد اكيد مش هشوفه تاني
- فارس : لا ما انتي بعد كدة ممكن تطلعي براحتك
-تقي بدهشة : انتا بتتكلم بجد
- فارس : بس مش برة القصر انتي تقدري تطلعي لحديقة القصر ذي كدة والباب هيبقي مقفول محدش هيقدر يشوفك فاهمة
- تقي بسعادة : مش مهم المهم اني هشوف الورد دة تاني
- فارس : مفيش شكرا
- تقي : اكيد مليون شكرا طبعا
- فارس : مش هي دى شكرا الي عوزها
- تقي : ايه هي
- فارس وهو يشاور علي وجنتة : بوسة مثلا
- تقي بخجل : لا عاوزة اروح
- فارس : مش قبل ما تشكريني.. وعلي فكرة الباب مقفول
- تقي بارتباك وخجل طبعت قبلة رقيقة علي وجنتة وهي تتشبث بقميصة لتصل الي وجهه
- فارس : شطورة يا قصيرة
-تقي وهي تنظر للارض ووجنتها متوردين : نروح بقي
- فارس : هتختفي من كتر الكسوف... علي فكرة الباب مفتوح
- تقي وهي تنظر له بشرر : انتا بتكدب عليا.. مش عارف ان الكدب حرام
- فارس : يا شيخة دة انتي بتتقلبي في ثانية ازاي معرفش
- تقي : ذي الناس
- فارس : طب قدامي بقي علشان كدة كتير عليا انهاردة
- ذهبت تقي امامة وهي تشاهد. حديقة القصر باعجاب علي امل الخروج إليها مرة اخري بأمر من هذا المتحكم الذي ينظر إليها كأنه ينظر الي طفلتة التي لأول مرة تخرج للعالم منذ زواجهم