الجميلة والوحش

الجزء الرابع والعشرين

- في المستشفي أمام تلك الغرفة وصل فارس وخالد وعند رؤيتة لعلي انقض علية يسدد له الكثير من اللكمات المتتالية
- جوليا : يا فارس سيبة هيموت في ايدك
- خالد بيحاول يشيل فارس من علي علي ومش عارف واتجمع أمن المستشفي ومحدش قادر علي فارس خالص ولا حد عارف يشيل علي لحد ما علي اغمي عليه وفقد الحركة خالص هنا ونهض فارس من فوقة والكل ساكت مش عارف يعمل ايه علي كانة مات نزل خالد يشوف نبض علي
- خالد : لسه عايش الحمد الله
- فارس : خسارة في حياتة كان نفسي يموت والعالم يرتاح من قرفة
- جميلة ببكاء رقدت بجانب علي تحاول افاقتة ولاكن بدون فائدة وبصراخ : انتا مجنون في حد يضرب حد كدة.. دة لو حيوان مش هتضربة كدة ولا هو علشان سكتلك تفتري كدة
- فارس : انتي اخر واحدة كنت فكرك تدفعي عنه كفاية انك فضلتي جمبة للآخر وبردو محسش بيكي ولا بحبك حتي مقدرش انتي عملتي ايه علشانة
- جملية : انا مش عوزة اسمع منك حاجه هو مش بيفوق ليه الله يخليكو الحقوة هو ملوش حد
- حملة خالد فورا وذهبوا به الي أقرب غرفة
- فارس : فين تقي
- جوليا : علي فكرة علي اتغير يا فارس وهو الي جبني هنا قلي علي كل حاجة عملها وندمان علي كل حاجة
- فارس : دي حاجة ترجعلة هو مش انا..  انا لسه مصفتش حسابي معاه يفوق بس
- جوليا : انتا من امتة والحقد والكرة دة كلة موجود في قلبك من امتة وقلبك واقف عند انسان معين كدة هاا... من أمته وانتا مش بتعرف تسامح
- فارس : دة خطف مراتي عرفة يعني ايه خطف مرات فارس زين يعني أقل حاجة ممكن اعملها تريحة من الدنيا هي القتل بس انا مستحيل انولهالو قبل ما اخد حقي وحق مراتي منه
- جوليا : مش انتا الي صدقت انها مشيت بمزاجها.. هي دي الثقة يا فارس حتي محولتش تعرف هي فين اصلا
- فارس : حطى نفسك مكاني بعد كل الحب الي حبتهولها دة ادخل البيت ملقيش مراتي الي لسه العالم كله متعرف عليها وسيبالي ورقة تقولي انا مشيت عوزاني اعمل ايه ادور عليها بعد ايه ما هي الي مش عوزة تبقي معايا
- جوليا : انتا قلبك بقي اعمي مش بيشوف غير التملك... عوزها ليك انتا ولا حد يعرفها ولا حتي يقرب منها لحد ما انخطفت من بين حصونك الي انتا عملتها
- فارس : كنت خايف اخسرها وخايف مع أول حاجة تحصل تقولي مع السلامة كنت خايف يحصلها حاجة وابقي انا السبب
- جوليا : اديك خسرت بدل خسرتها الف خسارة من تحكمك وتملكك وخوفك الهستيري عليها
- فارس : خسارة ايه الي انتي بتتكلمي عنها
- جوليا : تقي كانت حامل وسقطت
- فارس : ايه حامل
- جوليا : كانت.. كانت يا فارس
- فارس : هي فين
- جوليا : في الاوضة دي ومحدش عوز يدخلنا وبيقولولنا في حد من الشرطة جوة ومش عاوز يدخل حد
- فارس : يعني ايه محدش يدخل مش فاهم ومين الي بلغ اصلا
- جوليا : هو انتو مبلغتوش
- فارس : لا واكيد إدارة المستشفي مبلغتش ازاي دة جوة بقي
- جوليا : مش عارفة
- ذهب فارس ليفتح باب الغرفة وجدة مغلق اخذ يطرق علي الباب بدون فائدة فكسر الباب فورا وجد تقي بداخل حضن شاب اقل ما يقال علية قمة في الجاذبية والجمال الرجولي الملفت
- فارس بغيرة وعصبية آخذة من جانبها من ياقتة واسقطة علي الارض وعند اول لكمة وجد نفسة مكتف أسفل ذلك الشاب لا يقدر علي الحركة رغم صغر عضلاتة ولاكن جسدة اقوي من فارس بكثير
- تقي ببكاء : سيبة.. علشان خطري سيبة
-فارس : هو ايه الي سيبة مين دة
- تركة ذلك الشاب وذهب بجانب تقي علي السرير ياخذها باحضانه مرة اخري وفارس يكاد ينفجر من غيرتة وغضبة
- فارس : ايه الي بيحصل دة  انتي ازاي تقعدي في حضنة كدة
- انكمشت تقي بداخلة بخوف من ذلك الوحش الغاضب الذي قليلا وينفجر نارا من عينية التي أصبحت مثل الجمر
- صفية : حبيبي حمدلة علي سلمتك...
ارتمي ذلك الشاب بحضنها تحت صدمة فارس وجوليا
- اخذتة صفية بحضنها وصوت بكاءها ونحيبها يملا الغرفة
- فارس بتفكير  : هو دة  اخوكي خالد
- اومأت تقي بأبتسامة حنين ارتسمت فوق شفتيها الجافة واشرقت بشرتها الشاحبة... انتهز فارس فرصة انشغال خالد مع صفية وذهب الي تقي أخذها في قبلة طويلة من اشتياقه وعشقة ولم يأبة باي احد من في الغرفة بعد قلبة طويلة قطعها فارس لتستنشق تلك المسكينة الهواء واخذها بين ضلوعه كاد ان يكسر ضلوعها بداخلة من شدة ضمة لها واخذ يستنشق رائحتها بعشق وهي بدورها احتضنتة بكل قوتها التي  فقد أصبحت ضعيفة وهشة.. شعر فارس بشئ يخرجة من حضنها ويدفعه للوراء
- فارس : انتا ايه الي بتعمله دة دي مراتي انا سكتلك بس علشان اخوها مش اكتر
- خالد : وانا اخوها يعني ليا الحق اكتر منك مش كفاية انك سبتها بعد الي حصلها دة كلة ومحدش معاها
- فارس : وانا لو كنت اعرف انها مخطوفة كنت وقفت متكتف
- خالد : حتي لو مكنتش تعرف محبتش تطمن علي مراتك ليه وتعرف هي فين ولا عند مين ولا انتا استغنيت علطول كدة وجي بكل بجاحة تبوسها قدمنا يابجاحتك يا اخي
- فارس : ابوسها قدام اي حد في اي حتى انتا مالك يا عم انتا دي مراتي
- تقي بضعف : فارس لو سمحت انا تعبانة وعوزة اروح
- فارس : انا مقولتش حاجة هو الي بيبجح فيا وانتي سكتهاله ليه هاا ولا انتي مصدقة اني ممكن اسيبك ومعرفش عنك حاجة وانا عارف انك مخطوفة
- صفية : ياولاد مش هينفع كدة تروح الأول وبعدين نبقي نتكلم ونشوف هنعمل ايه ونتصالح وكل حاجة
- حمل خالد تقي بين يدية
- فارس وقف امامة يمنعه من الذهاب : رايح فين
- خالد : هنروح البيت اؤمر
- اخذ يمسح فارس علي وجههة يحاول تهدأة اعصابة : بيت مين دة الي هتروحو
- خالد : بتها بيت امها ولما تعرف قيمتها ابقي تعالي خودها منة
- فارس : لا لا لا كدة كتير والله صدقني انا ماسك اعصابي باعجوبة هات مراتي والا اقسم بالله لطبق ام المستشفي دي علي الي فيها واخليها خردة ولا هعمل حساب لحد هات مراتي بقولك
- تقي : خالد نزلني معلش انا هروح مع فارس
- خالد : هو لسة ميعرفش قمتك خليه الأول يعرف قمتك وبعدين روحيلة
- تقي : معلش سبني اروح معاه انا حقيقي تعبانة. وعوزة اروح ومش قادرة اتكلم علشان خاطري
- انزلها خالد وقبل رأسها بحنان ويديها
- فارس : خلاص يا عم تحب نسبكو لوحدكو شويه ولا ايه
- خالد وهو يقف أمام فارس بحزم وحدة : انا لسه معرفتكش بنفسي انا ملازم أول خالد عماد الدين ودي اختي يعني اقسم بالله لو حسيت مجرد احساس انك عملت حاجة ديقتها بس مش هرحم اي حد مهما كان هو مين
- فارس : انا مقدر انك خايف علي اختك بس انا جوزها وبحبها يعني مستحيل اتعمد اجرحها باي شكل من الأشكال وأرجو تفهمني يا خالد
- خالد : انا فاهم كل حاجة كويس جدا انا بس بعرفك مش اكتر 
- فارس : تشكر ينفع اخد مراتي من ضهرك بقي ولا هتفضل قافل الباب كتير كدة
- خالد وهو يفسح له الطريق وفارس عند وشك حملها
- تقي : انا هعرف امشي يا فارس انا كويسة اقدر امشي وتقدمت امامة تحت زهولة مما فعلت
- فارس فجأة : استني يا تقي... حجابك هتخرجي من غيرة
- انتبهت تقي لشعرها الغير مغطى وارتدت الحجاب وخرجت ووراءها فارس الذي لم ينطق حتي الآن ولم يظهر علي وجهه اي تعابير عن أي شئ
-بعد خروجهم وصولهم للبيت صعدت تقي غرفتهم بصمت وصعد معها فارس
- تقي بصدمة : ايه دة ايه الي عمل في الاوضة كدة
- فارس : اكيد انا
- تقي : ليه تعمل كدة
- فارس : عوزاني اعرف انك بعيدة عني ومعملش حاجه دي أقل حاجة عملتها صدقيني انا لسه مصفتش  حسابي معاه  بس انا مستنية يفوق بس
- تقي : بس هو مكنش في وعية
- فارس : انتي بتدفعي عنة بعد كل الي حصل دة انتي كنتي حامل وسقطى انتي عارفة دة اية ولا لسه مفوقتيش من البنج انتي ازاي بتفكري كدة
- تقي : بفكر برحمة ارحم نفسك علشان تعرف ترحم الناس هو إنسان ضعيف بعيد عن ربنا ميعرفش يعني ايه حلال وحرام وكان عاوز الي يفوقة منها والي حصل ربنا الي عوزة وهو فاق من الحياة الي كان عايش فيها دى وبقي انسان تاني
- فارس : انا مش مصدقك يعني يخطفك وتبعدي عني وتسقطي بسببة وكان عاوز يغتصبك كمان وبتدفعي عنه ازاي
- تقي : مكنش في وعية بقولك الشيطان كان عميه واحساس بالتمليك كان قتلة وهو ندمان وفاق من القرف دة كلة نسمحة ولا نقف في وشة خليك رحيم يا فارس
- فارس : لو انتي مسامحة في حقك انا مش مسامح في حق ابني الي راح ولا حق انه شاف شعرة واحدة من شعرك يا تقي ومش هرتاح غير لما اعذبة بدل المرة الف
- تقي : وبعدين وبعد ما تعذبة  قلبك هيبقي صافي هيقدر يحب ويعدي تاني لناس ولا هتفضل طول عمرك قلبك قاسي كدة مبتتهزش لحد
- فارس : انتي بتظلميني بكلامك يا تقي انا حربت العالم علشانك وكنت هموت لما لقيت الورقة الي مراتي بتقولي فيها انها هتسبني وتمشي وموت الف مرة لما عرفت انك سقطى ابني وانك اتخطفتي انا بعشقك يا تقي عرفة يعني ايه بعشقك ومعنديش اي فرصة اضيعك من ايدي تاني انا ممكن اكون ضعيف اه بس قدامك انتي بس معاكي انتي بس وممكن اكون قاسي علي اي حد الا انتي خلينا لبعض بلاش ندخل حد وسطينا يستاهل اكتر من الي هيحصلة
- استدار فارس ليذهب.. تقي مسرعة : استني يا فارس
- فارس : مش هقدر اتكلم اكتر من كدة ومش عاوز اخسرك او اخوفك مني انا.....
- انقطعت اخر كلماته مع اقترابها منة تتعلق برقبتة وتأخذ شفاهه في قبلة خجولة وقصيرة أكملها هو وهو يضمها إليه بعشق واشتياق لطفلتة تلك التي اوقعت حصونة والسلام
........................................................................
في المشفي في غرفة علي بعد استفاقته
- خالد : هي حالتة ايه دلوقتي يا دكتور
- الدكتور : هو عندة شروخ في مناطق متفرقة في جسمة ودراعة اليمين اتكسر.... انتو مش هتعملوا بلاغ ومحضر للي اتعدي علية بالمنظر دة
- علي بنبرة ضعيفة وتعب : لا
- الدكتور : انتا كدة بتضيع حقك يا فندم ودة سبب ليك مضاعفات كتير
- علي : انا حر قولتلك مش عوز اعمل حاجه
- الدكتور : الي انتا عوزة مفيش مشكله عن اذنك
- خالد : اتفضل
- جميلة بدموع : انتا كويس
- علي : انا كويس يا جميلة مش عوز الدموع دي
- جميلة : انتا كنت هتموت في ايده
- علي : حقة يعمل اكتر من كدة ومكنتش همنعة لو عمل اكتر من كدة كمان
- خالد : انتا ازاي اصلا تعمل الي عملتة دة احمد ربنا انه مبلغش عنك لحد دلوقتى
- جميلة : انتا ايه يا اخي ما تسيبة في حالة انتا مش شايف هو عامل ازاي
- خالد : هو لازم يفوق ويعرف ان الي هو فيه دة عقاب عن الي عملة مش اكتر
- جميلة : ويفضل يتعاقب لحد امتة هااا... مش كفاية ان امه ماتت عوزين ايه تاني
- خالد بشفقة علي حاله صديقة : البقاء لله يا صحبي مش عوزك تزعل مني انا بس خايف عليك وتهورك يوديك في دهية مكنش قصدي يحصل دة كلة ولا تزعل مني
- علي : انا مش زعلان منك والله وعارف انك كنت خايف علي مصلحتي بس انا الي فوقت متأخر
- جميلة : خلاص بقي متتكلمش كفاية عليك الشروخ الي في جسمك دي كلها والكسر
- علي : خالد عوز منك طلب
- خالد : اؤمريني يا صحبي
- علي : عوز مأذون يجي دلوقتي
- خالد : مأذون... ليه يعني هيعمل ايه هنا المأذون
- علي : جميلة تتجوزيني
- جميلة : ايه
- علي : تتجوزيني ودلوقتي كمان
- جميلة : بس انتا
- علي : انا عارف انك بتحبيني وانا لسة محبتكيش بس انا عوزك جمبي ودة مش هيحصل غير وانتي مراتي عوزك تفضلي جمبي ذي ما كنتي واكتر كمان تقبلي تتجوزيني
- جميلة بفرحة : اقبل... اقبل اتجوزك... موافقة
- علي بأبتسامة. لفرحتها : خالد هتعرف تجيب المأذون
- خالد : اه ياني انتو كلكو تتجوزو وانا اعد اتفرج عليكو كدة صح دي مصيبة ايه دي بس ياربي... هموت واعرف مين دة الي دعي عليا
- علي : انتا لسه هتحكي همك علي المأذون بقي يا خلو
- خالد : اه فيها مأذون ابقي خلو بقي
......................................................................
أمام المشفي وبالاخص أمام سيارة خالد
- جوليا بزعيق وهي بتخبط علي السيارة من الامام : انتا.... انزلي كدة
- نزل خالد : انتي لسه هنا
- جوليا : جيت مع امي انا علشان امشي معاها انتا ازاي يا استاذ انتا تسبني وتمشي كدة وانتا عارف اني لا معايا عربية ولا فلوس ولا فون حتي
- خالد : نسيت والله مكنش قصدي يا روحي انا بس كنت رايح اجيب المأذون ومستعجل
- جوليا : مأذون لمين بقا هااا... هتتجوز صح انطق قول هتتجوز مين اخلص
- خالد : ايوة هتجوز عوزة حاجة شغال اقولك نتجوز نتجوز وانتي ولا هنا اهو هتجوز عوزة ايه بقا
- جوليا بزعيق : انتا عوز تتجوز عليا دلوقت بعد كل الي حصل بنا والقعدة علي السلالم والمطعم يشهد والرومانسية ودة كله تسبني  وتتجوز عليا
- خالد : يخربيتك هتفضحينا احنا في الشارع سلالم ايه وحصل ايه انا جيت جمبك اصلا
- جوليا : وكمان بتنكر انتو كدة ميملاش عنيكوا غير التراب
- خالد : طب تعالي معايا نتكلم جوة العربية الناس ابتدت تتلم علينا
- جوليا : انتا لسه شوفت ناس دة انا هفضحك عوز تتجوز عليا
- خالد : يا بت انتي هتجننيني هو انا اتجوزتك علشان   اتجوز عليكي كمان
- جوليا : شوفت اديك بتتبري مني اهو
- خالد : طيب تتجوزيني ودلوقتي
- جوليا بارتباك : ايه دلوقتي... دلوقتي ازاي يعني
- خالد : انا رايح اجيب المأذون لعلي وجميلة نتجوز احنا كمان
- جوليا : ايه عوز تتجوزني كروتة يا سي خالد
- خالد : يا بت اعمل فيكي ايه بس هنكتب الكتاب وبعدين اعملك أحلي فرح هااا
- جوليا : لا سبني افكر الأول
- خالد : طب اركبي نجيب المأذون ونتكب وبعدين فكري ماشي
- جوليا بقهقهه : انتا مجنون والله
- خالد : كدة هنتمسك آداب بعد الي حصل بنا وقعدت السلالم والضحكة دي
- جوليا : عيب
- خالد : حاضر عيب عيب... مش يالا بينا بقي
- جوليا : يلا
........................................................................
- كنت حسة ان روحي بتطلع مني اول ما قالولي اني كنت حامل وسقطت
- فارس : عارف يا روحي عارف.... كل حاجة ليها سبب اكيد والي حصل دة اكيد ليه حكمة
- تقي : ممكن اطلب منك طلب
- فارس : بس كدة مولاتي تطلب من هنا لبكرة
- تقي : ممكن تسيب علي في حالة
- فارس وهو يخرجها من حضنة وينهض من الفراش : انتي مصدقة اني ممكن اسيب حقك
- تقي : طب اقعد نتكلم بهدوء
- فارس : مش هعد يا تقي بطلي تتعاملي معايا علي اني عيل صغير انا مش هسيبة
- تقي : طب اقعد هنتكلم مع بعض شوية انا عرفة انك مش عيل صغير
- جلس فارس بغضب : اومال ايه بقي يا تقي
- تقي وهي تتمسك بيدية : يا حبيبي انا عرفة انه غلط وغلط كتير كمان بس هو دلوقتي ندمان علي كل حاجه وأمة ماتت كفاية عليه دة كسرة لوحدة
- فارس : لا بردو لازم يتعاقب ذي الزفتة الي كانت بتساعدة
- تقي : انتا عملت فيها ايه يا فارس
- فارس : خدت عقابها خلاص
- تقي : عملت فيها ايه يا فارس بقولك
- فارس : متشليش هم يا قلبي كل حاجة هتبقي تمام وكل حاجه هتتعوض وكمان البيبي احنا نجيب بدالة دستة
- تقي : سبها يا فارس وسيب علي في حاله مش هينفع نعيش كدة
- فارس : كدة الي هو ازاي يا تقي هو احنا عرفين نعيش يومين عدلين علي بعض احنا كل شوية في خناق وبعد طلعي بقي الناس من حياتنا خلينا لبعض
- تقي بقلة حيلة : حاضر انا هسمع كلامك ومش هتكلم خالص الي انتا عوزة اعملة
- فارس : انتي اجمل هدية ربنا ادهاني  بعد حاجات كتير ضاعت مني
- تقي : بجد يا فارس... بتحبني اوى كدة
- فارس : انتي بتسألي طب اطلع الشارع دلوقتي واقول بصوت عالي بحبك يا تقي علشان تصدقي
- تقي بقهقهه : وتتصور وتنزل في الجرايد بقا الوحش جننتة الجميلة وخلتة يمشي يزعق بحبها في الشارع بصوت عالي
- فارس : وايه يعني هو انا بعبر عن حبي لحد غريب دة انتي احلي حاجة حصلت في حياتي يا سيدتي الجميله
- تقي : يارب تفضل ضحكتك منورة حياتي كدة دايما
- فارس : طول ما انتي منورة حياتي ضحكتي مش هتقرفني ابدا
- تقي : انا مقدرش ابعد عنك تاني خلاص هفضل في سجن عشقك وتحت حصون حبك لحد ما نعجز سوه
- فارس : ايه الكلام الحلو دة عوز مكافأة بقاا
- تقي : مكافأة ايه دي هااا
- فارس : هتفضلي حشرية كدة لحد امتة هاا
- تقي : الله يا فارس مش المكافأة دي ليا يبقي ليا الحق اعرفها
- فارس : يا قلب فارس انتي ليكي الحق تعرفي كل حاجة بس المكافأة دي احنا هنعرفها مع بعض
- تقي : ازاي
- فارس : ايدك في أيدي واقولك
- وضعت تقي يدها بيدة ونهضت معه للخارج
- تقي : استني رايح فين هطلع كدة
- فارس : متخافيش مفيش حد غيرنا
-تقي : احنا رجعنا للحبس الانفرادي ولا ايه
- فارس :انتي انهاردة هترجعي لحضني هتبقي ليا ومعايا انا بس مفيش غيرك هيبقي قدام عيني ولا عوز غيرك البيت دة ليكي انهاردة حتي انا ليكي انا بس انهارده عوز ذي ما شركتيني مشاكلي انا عوز اشاركك جنونك وطفولتك وكل حاجة ليها علاقة بيكي
- تقي بفرحة : بجد يعني هتلعب معايا ونتفرج علي كرتون ونجرى ونهبل وامشي حافية وكل حاجة انا نفسي فيها هتعملها معايا
- فارس : ومن دلوقتي كمان يا قلب فارس
- تقي وهي تحتضنة بسعادة : انا بحبك اوى يا فارس
- فارس : انا بعشقك يا قلب وروح وعمر فارس
- تقي : طب انتا موديني علي فين
- فارس : بصي وراكي كدة
- نظرت تقي خلفها.... شهقت تقي وابتسامة ارتسمت على شفاهها بسعادة
- فارس : ايه رأيك