الجميلة والوحش

الجزء الثامن عشر

- جوليا : جيت في وقت مش مناسب تحب امشي تاني
- فارس : احم.. لا طبعا تمشي ايه
- جوليا وهي تجلس : اؤمر عاوز ايه علي الصبح كدة
- فارس وهو يزيل يد تقي الممسكة به يبعدها عنه : بصي يا ستي انا عوزك تبقي مع تقي انهاردة اليوم كله
- جوليا : اعمل ايه معاها يعني مش فاهمة
- فارس : عايز تعمليها تمشي ازاي
- تقي بانفعال : نعم هو انا مش بعرف امشي ولا ليا رجل واحدة
- فارس وهو يمرر يدة علي وجهه : علميها تهدي شوية تفكر قبل ما تتكلم
- تقي : مجنونة انا صح ماشي يا فارس شكرا
- فارس : يا بت مش مجنونة انا قصدي تمشي ازاي بهدوء والكعب من غير ما تقعي وتتعلمي تفكري قبل ما تردي علي اي حد علشان الناس الي هتتعملي معاهم في الحفلة فهمتي
- جوليا بانفعال : قولي بقي كدة ايه بت الي مسكين فيها دى لزمتها ايه هه مش لينا اسم احنا
- تقي وهي تنهض وتجلس بجانب جوليا : ايوة بقي اموت فيكي
- فارس بتعجب : هو ايه الي حصل
- جوليا : مجوبتش يعني ولا ملهاش إجابة
- فارس : جوليا الخاتم الي في ايدك دة من مين
- جوليا بتوتر : م.. من.. خالد
- فارس بأبتسامة : حبتية
- تقي : بجد حبك وحبتية خلاص هتتجوزوا يعني اتخطبتوا ولا لسه
- جوليا : ايه في ايه انتو الاتنين وانتي ايه شوية وقوليلي هتسموا البيبي ايه ما تهدوا يا جماعة شوية مفيش حاجة حصلت لسة بتعرف يعني
- فارس : خلاص يا ست الكل متزعليش قوي كدة.. اسيبك انا بقي مع تقي
- جوليا : رايح فين انتا مقولتش حفلة ايه دي
- فارس : الحفلة بتاعت الكولكشن الجديد نسيتي ولا ايه
- جوليا : بس من امتة حفلة كولكشن جديد تبقي في بيتك يعني وبعدين في عارضات ازياء ومنصة هتعمل فيهم ايه دول
- فارس : كل حاجة هتم هنا انا هظبط كل حاجة متقلقيش
- جوليا : والفستان الرئيسي أين هو
- فارس : هيجهز قريب بس انتي ركزي مع تقي وملكيش دعوة بالفستان انا ههتم بالموضوع ده
- جوليا : ماشي سبهالي وانا هظبط كل حاجة
- فارس بأبتسامة لتقي : سلام بقي دلوقتي اشوفك بعدين
- تقي : فارس متسبنيش معاها لوحدنا انا حاسة انها عملة ذي ريا وسكينة
- فارس :لا متخفيش مش بتعض لسه دي اليفة خالص
- جوليا : فارس امشي من وشي بقي علشان هدايق عليكوا انتو الاتنين
- تقي برعب : فارس
- فارس : احم.. اشوفك علي خير بقي.. باي
- بعد ذهاب فارس
- جوليا : قومي اقفي كدة
- نهضت تقي : اهو هتعملي فيا ايه
- جوليا : بصي اول حاجة تتعلمي الصبر وتفهمي قبل ما تتكلمي وصلت ولا ايه
- تقي : وصلت
- جوليا : هو انتي قصيرة كدة ليه... هنعالج الموضوع بكعب
- تقي : هو القصر مرض عندكو ولا ايه
- جوليا : قولنا ايه بقي
- تقي : حاضر نصبر ونفهم قبل ما نتكلم
........................................................................
- علي بغضب : يعني ايه مش فاهم حاجة
- سوزي : يعني هيعرفها علي الناس كلها هتبقي معروفة حرم فارس زين
- علي : انتي متأكدة
- سوزي : طبعا هو دخلها الفيلا يعني كل الي بيشتغل عندة شفها وعرفها وفي حفلة هتبقي قريب مش بعيد يعملها في الفيلا عندة ويعرفها علي الناس
- علي : انا كدة لازم استقيل
- سوزي : لا طبعا تستقيل ليه
- علي : ما لو فعلا ذي ما انتي بتقولي يبقي الشركة كلها هتروح الحفلة وانا هبقي منهم
- سوزي : وايه يعني
-علي :يعني هشوفها وتشوفني ومش هتعرفني وهيبقي شكلي زفت وسط الناس
- سوزي : مش هو قالك انها عرفاك وانكوا أصحاب
- علي : ايوة بس انا متأكد انها مش فكراني
- سوزى : خلاص اتعامل علي نفس الوضع انها تعرفك ولما تبقوا لوحدكو ا قولها انك بتحبها وحاول تقنعها تهرب من الي هي فية وتخوفها انه هيسيبها
- علي : تفتكرى هتصدقني
- سوزى : انتا نسيت انها صدقت اول مرة لما كلمتها
- علي :ايوة بس هي رجعت تاني يبقي عرف يقنعها ان الكلام غلط
- سوطى: ذي ما صدقت اول مرة هتصدق التانية او حتي هتشك
- علي : هحاول اعمل كدة
- سوزى : لو فعلا حصل والحفلة كانت في الفيلا ابقي قولي
- علي : ماشي
- سوزى : سلام انا بقي
- علي : سلام
- بعد خروج سوزي
- جميلة : تؤمر بحاجة يا فندم
- علي وهو ينظر ليدها : ايه الخاتم دة
- جميلة : اتخطبت
- علي : اتخطبت في يوم كدة علطول واتخطبتي لمين
- جميلة : نصيب يا فندم
- علي : لمين يا جميلة
- جميلة : لسيف
- علي : حبيته علي كدة
- جميلة : الأهم انه بيحبني
- علي : ازاى يعني ما انتي لازم تحبيه
- جميلة : هو هيعرف يخليني احبة كويس وانا مش هبخل عليه بمحاولة
- علي : وليه متحبهوش يعني ولا انتي بتحبي حد غيرة
- جميلة بقوة : مش بحب حد
- علي : مبروك يا جميلة
- جميلة : عقبال حضرتك
- علي وهو يتذكر تقي بابتسامتها ورقتها وهدوئها : يارب ادعيلي
- جميلة : كنت عاوز حاجة حضرتك
- علي : هتيلي ورق الاجتماع علشان نراجعه قبل ما يبدأ
- جميلة : حاضر
- جلبت جميلة الملف وعادت مرة اخري ووضعت الملف أمامه ووقفت بجانبة
- علي : انتي شوفتي الملف
- جميلة : اه شوفته وراجعته كمان
- علي : خلاص يلا نبدأ الاجتماع
- جميلة : طب حضرتك مش هتشوفه
- علي : كفاية انك شوفتية
-جميلة : بس حضرتك لازم تشوفة كمان مش كفاية اني اشوفة
- علي : لا انا مش عاوز اشوفة
- جميلة : طيب...
- علي : مفيش طيب يلا نبدأ الاجتماع
- جميلة : اتفضل الكل جاهز ومستني حضرتك
- علي : وانا كمان جاهز يلا بينا
...
عاد فارس الي الفيلا بالليل وهو متعب وصعد الي غرفتهم وجد تقي نائمة علي الاريكة ويظهر علي وجهها التعب دلف الي المرحاض وبدل ملابسه
- استيقظ تقي بتملل وهي تنظر في أنحاء الغرفة حتي وقعت عينيها علي فارس ونهضت بدهشة تعتدل في جلستها وقد توسعت عينيها
- فارس : مالك عاملة كدة ليه
- تقي : انتا كنت بتصلي دة بجد ولا انا بحلم
فارس : لا بجد
- تقي بأبتسامة : انا مش مصدقة الوحش بيصلي دة ايه الهنا دة
- فارس بتعجب : الوحش!!!
- تقي بتردد : اصل.. اصل.. انا
- فارس : اصل ايه قولي متخافيش
- تقي : الصراحة في الأول كنت بقول عليك كدة
- فارس : ودلوقتي يا قصيرة
- تقي : علشان قصيرة دي هقول الي اوحش من كدة انا غلطانة اني كنت مستنياك اصلا دة انتا انسان مستفز يا شيخ
- فارس وهو يقترب منها : انا مستفز يا قصيرة..
- نهضت تقي وهي تجرى حتي استقرت فوق الفراش : هقولك.. انا هقولك بس اسمع هقولك
- فارس : هتقولي امتة يعني... قولي..
-تقي بدلع : دة انا حببتك
- فارس : وبعدين يعني ما انا عارف
- تقي : تصدق انك مستفز صح
- صعد فارس وراءها علي الفراش وهي نزلت واخذوا يجروا وراء بعضهم حتي اتعبوا من الجري وامسك بها فارس وهو يرفعها علي كتفة وينزلها علي الفراش ويحاصرها بذراعيه وأصوات ضحكاتهم تملأ المكان
- فارس بنفس متقطع : انا مستفز صح كدة
- تقي : ما انتا قولت عليا قصيرة
- فارس : علشان انتي فعلا قصيرة يا تقي هو انا كدبت
- تقي بزعل : عندك حق اوعي بقي
-فارس ويدة تمر علي وجهها ببطء : ياخرابي احنا بنتقمص كمان
- تقي : فارس... اوعي ايدك
- فارس : طب قوليلي عملتي ايه مع جوليا انهاردة
- تقي : ولا حاجة علمتني اكون ذي الجرسون الي بيستقبل الزباين قدام الاوتيل مع شوية عارضة أزياء مع شوية بجاحة بس
- فارس : ايه الي جاب البجاحة في الموضوع
- تقي : علمتني الي يقولي حاجة متعجبنيش ارد علية ببرود وبجاحة انا اعرف اعمل الحاجات دي تعبتني وهدتني علي الفاضي
- فارس : معلش علشان تعرفي تتعملي مع الناس
- تقي : ليه مصنوعين من ايه الناس دى علشان اتعلم دة كله علشان اتعامل معاهم كدة ما ممكن اتعامل بطبيعتي عادي
- فارس : مش هينفع اي حاجة هتقوليها بعفوية هتبقي بالنسبالي عادي وبالنسبالهم علي حسب ما هتتكتب بقي
- تقي : تتكتب فين
- فارس : ما هيبقي فيه صحفيين هنا كتير وكل حاجة هتتقال هتتكتب
- تقي : شكلي كدة هتعب كتير عقبال ما اتعود علي حياتك والناس الي حواليك
- فارس : ولا تعب ولا حاجة وبعدين انا معاكي في كل وقت وكل حاجة ومش هسيبك خالص
- تقي : الي مطمني انك معايا
- قبل فارس رأسها واراح جسدة بجانبها واخذها بحضنة وناموا

........................................................................
- ظلت جوليا واقفة في الشرفة تفكر في هذا المختفي فهاتفه مغلق ولم تجدة باي مكان هل عادتة يختفي هكذا ودقائق وصعد رنين هاتفها... فذهبت للهاتف بأمل ان يكون هو
- جوليا بصوت يحمل اللهفة : انتا مختفي فين كدة
- خالد بأبتسامة لاهتمامها به : معلش كان عندي شغل ومسافر
- جوليا : ومقولتش ليه وبعدين مش بترد ليه
- خالد : ما بقولك كان عندي شغل وجة فاجأة ملحقتش اقولك
- جوليا : مش سبب علي فكرة كان ممكن تبلغ حتي المطعم بتاعك
- خالد : المطعم بتاعي انتي مين قالك
- جوليا : يعني طلع بتاعك وانتا ضحكت عليا صح
- خالد : ضحكت عليكي ايه بس عادي مجتش فرصة اقولك يعني مش اكتر متكبريش الموضوع
- جوليا : وانا مالي انا اصلا يكبر ولا يصغر
- خالد : انتي مالك يعني
- جوليا : اه مالي.. اعمل الي انتا عاوزة..
- خالد : ولما انتي مالك ليه الأسئلة دي كلها هه.. وكنتي بتدورى عليا ليه وروحتي المطعم.. ما تردي
- جوليا : في حاجة كنت عاوزة اقولهالك هي الي خلتني الف عليك كدة مش لجمال عيونك العسلية يعني
- خالد : دة انتي متابعة عنيا بقي
- جوليا : هتابع عينك ليه يعني مش فاهمة انا اخدت بالي بالصدفة
- خالد : طيب انتي عاوزة ايه دلوقتى
- جوليا : كنت عوزاك في شغل
- خالد : شغل ايه دة
- جوليا : هتصور الموديل بكرة بروفا يعني
- خالد : فارس الي قال ولا انتي الي عوزاني
- جوليا : هتفرق معاك في ايه يعني ما الشركة واحدة
- خالد : هتفرق كتير
- جوليا : هو احنا كنا عاوزين حد يصور والمصور بتاع الشركة مسافر حاليا وفيه مشاكل في الطيران مش هيعرف يجي فا انا اقترحت انك تيجي انتا تصور بس انتا بتقول معاك شغل ومش فاضي
- خالد : مين قال كدة من النجمة هكون عندك تحت البيت
- جوليا : انا هبعتلك العنوان
- خالد : ما انا عارف عنوان بيتك
- جوليا : لا انتا هتروح علي المكان الي هتصور فيه مش هتيجي هنا
- خالد : وليه بقي ايه المشكلة اني اجي اخدك
- جوليا : وتيجي تاخدني ليه اصلا انتا هتروح علي المكان وانا هاجي وراك
- خالد : لا هاجي وهخدك ومفيش اعتراض
- جوليا : هي هبت منك يا ابني بقولك مش هروح مع حد ابقي شوف مين هيروح معاك بقي
- خالد : تمام تصبحي علي خير.. اشوفك بكرة
- ولم تكاد تتكلم حتي أغلق الهاتف بوجهها
........................................................................
- سيف : مال صوتك شكلك مدايقة في حد عملك حاجة
- جميلة : مفيش حاجة يا سيف انا كويسة
- سيف : جميلة انا عارف ان موضوع خطوبتنا دة جة بسرعة بس لو شايفة انك استعجلتي في الرد عليا مفيش مشكلة احنا ممكن ننهي كل حاجة من اولها
- جميلة : ليه بتقول كدة يا سيف
- سيف : الصراحة انا مش شايف تقدم خالص في علاقتنا حتي مش بنتكلم غير كل فين وفين ولما بقولك نتقابل بتقوليلي الشغل واخد وقتي
- جميلة بتنهيدة : صح عنك حق انا هتصرف بكرة في موضوع الشغل دة
- سيف : ياريت يعني انا هموت واشوفك واقعد معاكي عاوز اعرف جميلة عن قرب
- جميلة : احم.. طيب انا هنام دلوقتي علشان الوقت اتأخر وبكرة نتكلم
- سيف : مفيش مشكلة.... سلام
- جميلة : سلام