- في المشفي في تلك الغرفة الذي يجلس بها تلك الجوزان الذي انتهي عقد قرانهم الان بمساعدة من الممرضين والأطباء الذين شاركوهم سعادتهم
-خالد : طيب انا هاخد ام العيال وامشي بقا.
- جوليا : ايه ام العيال دي حرام عليك الفضيحة الي احنا فيها كل شوية دي
- خالد : يا بت انا كلمتك ولا جيت جمبك حتي
- جوليا : طيب يا علي مدام ابتدينا بيا بت مش هنخلص انا همشي
- خالد : استني ياما انتي معاكي حاجة تمشي بيها ولا حتي معاكي جنية في جيبك
- جوليا : لا انتا مفيش فايدة فيك بجد ايه يابني دة
- علي بقهقهه : عملين ذي توم وجيري والله
- جوليا : طب ينفع كدة دلوقت
- جميلة : ايه دلوقت دي
- خالد : لا دي قاموس لوحدة محدش له دعوه بيه
- جوليا : انا همشي باي
- خالد : باي ورحمة الله وبركاتة
- جوليا : قوم قدامي يالا
- علي : وانا الي كنت فاكر انك هتبقي سي السيد قوم قدمها يالا
- خالد : انت فهمت ايه لا يابني دة جزء من الخطة مش بيقولو وراء كل رجل عظيم امراءة هبلة علشان كدة انا بمشي قدام
- جوليا : بقا انا هبلة يا خالد
- خالد : يعني انا الي عظيم ياختي امشي
- بعد ذهاب جوليا وخالد
- علي : تعالي ساعديني
- جميلة : في ايه عوز تقوم
- علي : اه عوز اقوم ادخل الحمام
- جميلة : حاضر هات ايدك
- أعطاها علي ذراعة وهي اعانتة علي النهوض ونهض وهو مسند علي كتفها وعند الدخول الي المرحاض
- علي : وقفتي ليه
- جميلة : اهو الحمام ادخل
- علي : لوحدي
- جميلة : يعني ايه... اه لوحدك
- علي : هتيجي معايا
- جميلة بتوتر وخجل : ايه اجي فين.. لا مش هاجي في حتة انا.. ادخل لوحدك
- علي : ماشي متجيش معايا مع انك المفروض يعني مراتي وتبقي معايا في كل حتة... ينفع طلب بقا
- جميلة : احم... قول
- علي : ممكن تقلعيني
- جميلة بصدمة : ايه.. نعم.. انتا قولت ايه.. ل... لا طبعا... مستحيل
- علي بقهقهه : في ايه انا قولت ايه لدة كله... قلعيني التيشيرت بس.. دماغك راحت فين
- جميلة : ولا حتي التيشيرت مش هعرف لا
- علي : يا بنتي هو اصلا متقطع وطلعو عينو يعني سهل يالا بقا
- جميلة : لا ولا ولا مش هعمل كدة انا
- علي : كأني هخليكي تغتصبيني والله ولو دخل حد علينا هيقفشنا قلعين مش متلبسين
- جميلة : لو اتكلمت كدة تاني همشي واسيبك... كدة عيب
- علي : اه عيب... شكلي هعاني كتير.. طيب هتقلعيني التيشيرت ولا اجيب ممرضة من برة واخلص
- جميلة وهي تضربة علي كتفة : تجيب مين يا عنيا
- علي بألم : ااااه... يخربيت ام البادي جارد الي مأثر عليكي كسرتني اكتر ما انا متكسر
- جميلة بحرص : انا اسفة والله مكنش قصدي كانت ردة فعل بس
- علي : ردة فعل ايه بس... مش عوز منك حاجة امشي وانا هتصرف مع نفسي
- جميلة : لا خلاص هتصرف انا
- علي : طب يلا
- ذهبت جميلة من امامة واحضرت مقص وعادت مرة اخري
- علي : هتعملي فيا ايه يا ست جميلة
- جميلة : مش هو كدة كدة متقطع نكمل عليه بقا
- علي : جميلة لو عورتيني مش هرحمك
- جميلة : متخفش انتا بس وسبلي انا الطلعة دي
مزقت جميلة التيشيرت بالمقص وإزالة من علية
- جميلة بأبتسامة : ايدك بقا
- علي : ايدي علي ايه
- جميلة : اوجرتي يا استاذ ولا هتنصب عليا
- علي : معنديش مشكلة ادهالك بس بشرط
- جميلة : الي هو
- علي : تدخلي معايا تسعديني
- جميلة : طيب انا هطلع بره لحد ما تخلص لو حصلك حاجة ابقا نادي عليا
- علي : انا بنادي من دلوقتي
- جميلة : طيب هو انتا اصلا لو كنت نديت كنت هجبلك ممرض يساعدك فا انا اجيبة من دلوقتي ولا ايه
- علي : لا انا هدخل لوحدي شكرا
- جميلة : شاطر يلا بسرعة بقا
- علي : حاضر ياماما
........................................................................
نعود مرة أخرى الي فارس وتقي
- تقي بسعادة : ايه دة مراجيح انتا بجد
- فارس بسعادة لسعادتها : انا اكون اي حاجة علشان اشوف الابتسامه دي من الشفايف القمر دي
- تقي : دة كله علشاني
- فارس : طبعا يا سيدتي الجميلة
- تقي : طب مخوفتش حد يقول انه متجوز وحدة لسه بتحب المراجيح
- فارس : امممم اولا محدش يقدر يقول حاجة علي حرم فارس زين المصون.... ثانيا بقا الي نفسة يقول هيقول اني انا كمان حبيت جنان وطفولة وبراءة وروح اميرتي الي بتخليني اكون ابنها في لحظة وجوزها في لحظة وابوها في ثواني
- تقي : مش عارفة اقولك ايه الصراحة بعد كم الكلام الجميل دة... انا بحبك اوي يا فارس مهما كان ايه طبعك او مزاجك بحبك... بحبك بعصبيتك وزعيقك وال ١١١ الي بيبقو بين حواجبك دول.. بحبك بحنيتك وطفولتك الي بتظهر معايا انا بس... بحبك بقوتك وبضعفك.... بحب كل طباعك وكل صفاتك وكل ردة فعل ليك
- فارس وهو يقبل رأسها بلطف شديد : بعشقك
- تقي : وانا بموت في الوحش
- فارس : انا حبيت الوحش من حبك ليه
- تقي : وانا عشقت القصيرة من عشقك ليها.... انتا أجمل عالم ممكن اعيش فيه ومبحش اني اخرج منه... انتا وانتا وبس
- فارس : يلا بينا نلعب شوية بقا
- تقي : يلا بقا
- اخد فارس يمرجها ويلعب معها بمرح لم يتذوقة الا علي يد تلك الطفلة وأصوات ضحكاتهم تملأ العالم بالسعادة والأمل
......................................................................
أنت تقرأ
الجميلة والوحش
Romanceفتاة رقيقة جميلة وهادئة تنتظر الفارس الذي يقودها يوم ما الي قصر عشقة ولكنها وقعت في يد ذلك الوحش الغامض وبالفعل اثرها في ذلك القصر الذي رفض تركها او ذهابها الي اي مكان ♥️
