الجميلة والوحش

الفصل التاسع

- بعد انتهاء اليوم وأثناء مغادرة جوليا
- فارس : استني اوصلك
- جوليا : لا خليك مع مراتك وحماتك انا معايا العربية
- فارس : في ايه مالك قاعدة سرحانة كدة في حاجة مديقاكي
- جوليا : لا ابدا اليوم كان حلو اشوفك في الشركة بقي
- تقي : مع السلامة يا جولي
- جوليا بأبتسامة حزينة : سلام... هنتقابل كتير الايام الجاية.. انا حبيتك
- تقي : اتمني متكنيش زعلتي مني في حاجة
- جوليا : ابدا بالعكس انتي خليتني اخد بالي من حاجات كنت نسياها
- فارس : ايه هي الحاجات دي
- جوليا : ولا حاجة متخدش في بالك مع السلامة
- غادرت جوليا وعند صعود السيارة
- ممكن اسالك سؤال
- جوليا : سؤال ايه وانتا مين
- خالد : انا صاحب علي سليم
- جوليا : علي سليم مين
- خالد : مش المهم... هو انتي مرات فارس
-جوليا بتنهيدة : للأسف مش انا
- خالد : تقربيله طيب
- جوليا : صحبتة وبشتغل معاه... هو في حاجة
- خالد : هو موضوع كبير... يعني لو ينفع نقعد في مكان نتكلم ودة لصالح فارس انا مش مستفاد حاجة
- جوليا : حاليا انا مش هينفع اقعد اتكلم مش هعرف اسمعك ممكن يوم تاني
- خالد : طب اديني رقمك ونتفق علي يوم
- بعد أخذ الأرقام
- خالد : اسمك ايه بقي
- جوليا : جوليا... اسمي جوليا
- خالد باعجاب : حلو الاسم... انا خالد
- جوليا : شكرا... عن اذنك
- خالد : طب انتي لو تعبانة انا ممكن اوصلك بعربيتي
- جوليا : شكرا
- غادرت جوليا ومازال خالد ينظر الي اثرها بسرحان
..................................................................
- نعود مرة اخري الي القصر
- فارس : انتي قولتي ايه لجوليا
- تقي : مقولتش حاجة هقول ايه يعني كان كله كلام عادي
- فارس : كلام عادي يخليها ماشية مدايقة كدة
- تقي : مش مدايقة هي بنفسها قالتلك انها مش متدايقة
- فارس : بس انا عارف جوليا كويس ومتاكد انك قولتلها حاجة زعلتها
- تقي : ولما انتا عرفها كويس وهي عرفاك كويس كدة متجوزتش جوليا ليه علي الاقل هتشرفك وتعرفها علي العالم كله ما هي من مستواك مش كدة
- فارس : ايه الي انتي بتقوليه دة ايه الي حصل لدة كله
-تقي : ولا حاجة.. لان مفيش حاجه هتحصل غير كدة.. وانا خلاص اقتنعت بدة... ولو علي جوليا انا مقولتش غير انها متعرفش عنك حاجة
- فارس : وانتي ليه تقوليلها كدة... اكيد هي اتدايقت علشان كدة
- تقي : بتحبها
- فارس : انتي انهاردة دماغك فيها حاجة
- تقي : بتحبها رد بتحبها ولا لا
- فارس : انتي مجنونة صح بقولك صحاب
- تقي : انا بسأل دلوقتي سؤال بتحبها يا فارس
- فارس : هيفرق معاكي
- تقي : اكيد علي الاقل ابطل اتعلق بيك واحلم بحاجة مش ليا
- فارس : مش بحبها قولتلك احنا صحاب
- تقي : بس هي بتحبك
- فارس : تعود هي بتحبني علشان متعودة عليا
- تقي : انا هروح اصلي عاوز حاجة قبل ما اصلي
- فارس : متتهربيش يا تقي اتعلمي تواجهيني علشان منشلش من بعض خليكي صريحة معايا
- تقي : في حاجات معرفش رد فعلك هيبقي. ايه عليها.. لازم افكر فيها الأول
- فارس : معايا متفكريش يا تقي.. قولي وبس
- تقي : مش هينفع افرض نفسي عليك من غير ما اعرف انتا حبتني ولا لا
- فارس : تفرضي نفسك!!!!
- تقي : ايوة... وانتا اهو بتتهرب من كل حاجة بكون عاوزة اعرفها وتقفل الكلام علطول انا مش حابة كدة انا عاوزة احس انك مطمن لقربي او علي الاقل حابب أقرب منك
- فارس : مش بتهرب انا لما اعرف الإجابة هقولك
- تقي : لحد ما تعرف الإجابة انا مش هحاول افرض نفسي عليك
- فارس : تقي متخليش تفكيرك كدة
- تقي : انا كدة مرتاحة عن اذنك
- غادرت تقي من امامة وهو مازال تفكيرة مشتت بها وبعلي
....................................................................
- سوزى : عاوزة اقابل علي
- جميلة : اقولة مين يا فندم
- سوزي : قوليلة حد هيساعدك توصل لتقي وهو هيفهم
- جميلة : تمام اتفضلي ثواني عقبال ما ابلغة
- سوزي : انا مستنية
- في مكتب علي
- جميلة : في واحدة برة عاوزة تدخل لحضرتك
- علي : يعني ايه واحدة مين يعني دي
- جميلة : هي قالت اقولك انها واحدة هتساعدك توصل لتقي
- علي باستعجال : دخليها بسرعة
- ظلت تنظر له جميلة لحظات وفي نفسها : مين تقي الي ملهوف عليها كدة دي
- علي : جميلة انتي سمعاني بقولك دخليها
- جميلة : حاضر يا فندم
- بعد دخول سوزي : علي سليم مش كدة
- علي : كدة انتي مين
- سوزى : انا كنت مرات ابو فارس الي هو متجوز تقي الي انتا عاوز توصلها
- علي : وانتي عرفتي منين اني عاوز اوصلها
- سوزي : مش مهم عرفت منين.. المهم اني هساعدك توصلها
- علي : وانتي مصلحتك ايه اني اوصلها
- سوزى : تطلق
- علي : تطلق... ومصلحتك ايه انها تطلق
- سوزى : القصر .. لو فارس طلق تقي القصر هيبقي ليا
- علي : مش فاهم ايه علاقة تقي بالقصر
- سوزي : ابو فارس كان كاتب في وصيتة انه لو متجوزش القصر هيبقي ليا وهو اتجوز علشان القصر
- علي : وايه الي يخلي واحد زي فارس بماله ونفوذة يهتم بقصر وهو عندة في كل بلد قصر او فيلا او حتي بيت
- سوزي : علشان القصر كان ملك لأمة وهو كان متعلق بيها علشان كدة اتجوز علشان ياخد القصر...
- علي : وانا اضمنك منين
- سوزى : هتضمني لما اقولك انهم مش بيحبو بعض ولا حتي لسه اتعودوا علي بعض واظن انتا فهمني يعني قدامك فرصة... وكمان كان بيتخانق معاها علشانك
- علي : هو انتي عايشة معاهم
- سوزى : لا اهدي كدة مش للدرجادي انا بس اتجسست عليهم ولو مش واثق في كلامي انتا حر
- علي : لا... لا.. واثق بس قولي هتتطلق ازاي
- سوزي : اول حاجة عوزاك اقل حاجة تقولهالي واول ما يقبلك في الوظيفة قولي وروح في نفس اليوم علطول
- علي وهو ينهض بغضب : مهو دة الي مجنني انا قولت يومين بس يومين ويكلمني بنفسة يقولي اتقبلت لاكن قربنا علي اسبوع ولسة مفيش ولا حتي رسالة جت
- سوزى : متقلقش اوي كدة هيقبلك بس متستعجلش
- علي : اديني صابر اما نشوف اخرها
- سوزى : تمام انا همشي بقي لحد ما تروح الشركة ونتقابل
- علي : تمام
- بعد مغادرة سوزى ودخلت جميلة المكتب ويظهر علي وجهها للحزن
- جميلة : تؤمر بحاجة يا فندم
- علي : مالك
- جميلة : مفيش
- علي بانفعال : ايه الرد دة يا جميلة
- جميلة : اااا... معلش يا فندم... مكنش قصدي.. مفيش حاجة حضرتك انا كويسة
- علي : كويسة ازاي يعني انتي مكنتش كدة الصبح حصل ايه
- جميلة : مفيش حاجة حصلت شوية تعب بس
- علي : تعبانة روحي
- جميلة : لا عادي مش تعبانة اوي يعني
- علي : متأكدة
- جميلة : اه
- علي : تمام هتيلي ورق اخر مناقصة علشان هنروح المشروع دلوقتي لو مش هتقدري روحي بيتك وانا هروح عادي
- جميلة : لا انا هروح معاك... قصدي هروح مع حضرتك يعني
- علي : خلاص انتي ادري بنفسك برضو... يلا بينا بقي هسبقك علي العربية عقبال ما تجيبي الملف
- جميلة : حاضر
- عند الوصول لمكان المشروع
- على : انزلي انتي عقبال ما أركن العربية واجي
- جميلة : هستناك هنا
- علي : لا ادخلي وانا هجيلك جوة
- جميلة : هستني حضرتك هنا
- علي : الي انتي عوزاة يا جميلة مفيش مشكلة مش هتأخر
- بعد نزول جميلة وعودة علي إليها مرة اخري وجد شابين واقفين معها
- علي : هو ايه الي بيحصل
- جميلة : مفيش يا فندم هما هيمشوا دلوقتي
- الشاب الأول : مش هنمشي غير بيكي
- علي : يعني ايه هتمشي بيها هي لامواخذة شنطتك ولا الشاحن بتاعك
- الشاب التاني : انتا مين اصلا علشان تتدخل لامواخذة خطيبها ولا جوزها
- جميلة مقاطعة علي : خلاص يا فندم ممكن تمشوا لو سمحت من غير مشاكل
- علي : انتي بتتكلمي ليه اصلا هو انا مش مالي عينك
- الشاب الأول : ما قلتلك خلاص يا فندم انتا تاعب اهلك ليه ما ترحل وخليها تطرى
- جميلة بهدوء : لا ثواني.. ثواني.. مش هعطلكوا كتير ممكن يا فندم بس تمسك الملف دة بعد اذنك
- التقط منها علي الملف بدون فهم
- جميلة : شكرا يا فندم.... قولت ايه بقي يا روح ماما
- الشاب الأول : أمته بالظبط بس علشان نسيت.. خليها تطري ولا ارحل عجبتك صح عارف
- جميلة وهي تضربة برجلها في معدتة... : لا انتا تاعب اهلك ليه.. وانا هوريك يعني ايه تعب
- الشاب التاني وهو ينهض صاحبة الذي مازال يتألم : اجري يلا دي طلعت بتضرب... واخذ صاحبة وهرب... وعلي مازال في دهشتة
- جميلة وهي تاخذ من يدة الملف : شكرا يا فندم.. يلا ندخل بقي
- علي : استني هنا.. ايه الي انتي عملتية دة
- جميلة : عملت ايه يا فندم
- علي : انتي مجنونة انا مش واقف معاكي ازاي تعملي كدة شكلي ايه انا دلوقتي وانا مسكلك الملف وانتي بتضربي
- جميلة : ولا شكل ولا حاجة يا فندم انا مش صغيرة ولا ضعيفة علشان اسيب حد يستهزأ بيا واسكتلة
- علي : وانا مش تعملي حساب منظرى
- جميلة : انا اسفة لحضرتك بس انا متعودة اخد حقي بايدى محدش بيجبهولي
- علي :مينفعش يا جميلة... مينفعش يبقي في راجل واقف يدافع عنك وتدافع انتي عن نفسك
- جميلة : تمام يا فندم
- علي : تمام يا فندم... حافظة مش فاهمة... وتقدم أمامها وعاد فجأة وهي عادت للخلف بخضة
- علي : اوعي تعمليها تاني يا اسمك ايه انتي.... وتقدم أمامها.... بقي انا امسكلك الملف وانتي تضربي الراجل... وعاد مرة اخري.... انتي ضربتي الراجل كدة ازاي الواد وقع مقمش تاني
- جميلة بفخر : كعب الجزمة بيعمل شغل برضو
- علي وهو ينظر لحذاءها : يخربيتك دة كله كعب ماشية ازاى كدة دة انتي قصيرة بقي
- جميلة : لا والله مش قصيرة هو بس سلاح من اسلحتي مش اكتر
- علي :سلاح واحد دة الولد معدتة اتخرمت حرام عليكي... ايه بقيت اسلحتك
- جميلة :خلاص بقي يا فندم مش مهم
- علي : ماشي يا جميلة ابقي اعمليها تاني... وتقدم مرة اخري
- جميلة بهمس : مش جاية معاك في زفت تاني اصلا
- علي وقف وبصدمة لما قالته : انتي قولتي ايه
- جميلة : انا ولا حاجة انتا سمعت حاجة.. انا مقولتش حاجه خالص يا فندم
- علي : انا متفاجئ بيكي الصراحة انهاردة دة كله يطلع منك انتي.. دة انا كنت فاكرك.. يلا بقي الله يرحمها
- جميلة : هي ايه يا فندم
- علي : الرقة... يا رقيقة.... ومر أمامها ووقف.... اهلا بالبشمهندس سيف
- سيف ( مهندس يتميز بالعيون السوداء المرسومة والرموش المزينة العيون باحتراف والبشرة القمحية والجسد الرياضي والشعر القصير) : استاذ علي شرفت المشروع... وهو ينظر لجميلة.... جميلة عاملة ايه
- جميلة وهي تدقق بالنظر إليه ولاكن لا تتجمع صورته في مخيلاتها
- سيف : ايه يا بنتي انا سيف... سيف الغلس... مش فاكرة
- جميلة بسعادة : اهلا بالغلس.. فينك كدة
- سيف : اهو مهندس بعيد عنك دلوقتي.. انتي عملتي ايه
- علي مقاطعا : بقت سكرتيرة علي سليم.. ممكن نشوف شغلنا يا غلس... قصدي يا مهندس سيف
- سيف : مفيش مشكلة يالا بينا... اتفضل وانا وراك
- علي وهو يضع يدة بظهر جميلة يتقدمها بجانبة....: . تمام اتفضل انتا ورايا.. مفيش مشكلة
- سيف : احم.. ماشي وراك
- جميلة بهمس : ايدك يا فندم
- علي وهو يزيل يدة ببطء : احم... اشلها بنفسي احسن ما تقوليلي ايدك هتوحشك
- جميلة : لا يا فندم بس لو كانت طولت مكنتش هقول كانت هتوحشك علطول
- علي : علطول
- جميلة : اممم.. علطول كدة
- علي : ربنا يطمنك.. واخد جارد معايا يا بشر
- جميلة : كان نفسي بس يلا
- سيف : دة الجيم يا فندم لو عاوز تدخل تتفرج
- علي : تمام اتفضل قدامي انتا
- تقدم سيف وهو ينظر لجميلة : تعالي يا جميلة
- جميلة : اتفضل وانا وراك
- علي : هو ايه الي تعالي يا جميلة لية محسسني انك بنتة
- جميلة : هو كدة... دة طبعة
- علي : مدام طبع يبقي لية حجته بقي
- اخذ سيف يطلع علي علي كل ركن في مكان المشروع تحت نظرات سيف لجميلة وضحتها معه بعض الأوقات لاغاظة علي ولاكن علي لم ينتبه اطلاقا بل ظل منشغل بالمشاهدة
- بعد مرور الكثير من الوقت وأثناء رحيلهم
- علي : تمام ابقي ابعتلي صور المشروع علي ايميل الشركة وانا هراجع كل حاجة ولو في تعديلات غير الي قولتها هبقي ابلغك
- سيف : تمام خلال يومين
- علي : مفيش مشكلة... عن اذنك
- سيف : جميلة
- جميلة : احم... نعم
- سيف : عاوز رقمك
- جميلة : ليه
- سيف : علشان اكلمك اكيد بقالي كتير مسمعتش صوتك.. نتكلم يعني
- جميلة : اديك سمعته... سبها بصدفتها يا غلس
- سيف بأبتسامة : يارب الصدف تبقي كتير الايام الجاية دي
- جميلة : احم... عن اذنك
- في العربية
- علي : ليه رفضتي تديلة الرقم
- جميلة : مش بحب الحركات دي ويخنقني بقي بانتي فين ومع مين وشوية يقولي دة لا ودي اه وشوية ويبقي وصي عليا لا مش انا
- علي بأبتسامة : تصدقي رغم الراجل الي بيطلع كل شوية دة بس انتي بت جدعة
- جميلة : جدعة...
- علي : اه جدعة دي حاجة وحشة
- جميلة بقرف : لا حلوة يا فندم... تسلم