الجميلة والوحش

الفصل الخامس

- في شركة من شركات الاستثمار
- استاذ علي عاوز يدخل لحضرتك
- سارة ( والدة علي في الأربعينات من العمر ذات الجسد المتناسق وليس الرفيع والعيون الزمردية والشعر الاسود المصبوغ والبشرة القمحية)
- سارة بغضب : انا مش قولتلك ميستناش برة ويدخل علطول انتي مش بتفهمي
- جميلة ( سكرتيرة في شركة من مجموعة شركات سليم للاستثمار ذات الجسد الممشوق والبشرة البيضاء والعيون الخضراء والشعر البني القصير)
- جميلة : انا كل مرة بقول لحضرتة كدة ويقولي اسألها برضو
- سارة : دخلية طيب
- خرجت جميلة وابلغت علي بالدخول
- سارة : ليه بتستأذن تدخل
- علي : علشان الصراحة مش ضامن ادخل الاقي مين المرادي
- سارة بارتباك : احم... انتا عامل ايه
- علي : ميهمكيش
- سارة : ازاي دة انتا ابني
- علي بغضب : كويس اوي انك لسة فاكرة ان ليكي ابن وشحط كمان يعني انتي كبرتي علي الي بتعمليه
- سارة : عملت ايه غلط انا هاا
- علي باستهزاء : ولا حاجة انتى مش بتغلطي في حقك انتي بتغلطي في حقي انا شكلي ايه وانا بدخل بيتي الاقي واحد في سني قاعد عريان في البيت بلاش دي اهو جوزك برضو وسبت البيت تاخدو راحتكوا طب مفكرتيش لما استأذن ادخلك خوفا يكون جوز جديد وحب يدلع عليكي وانا دخلت في الوقت دة... مش حاسة بيا له ها
- سارة : انا معملتش حاجه غلط وانا حرة في حياتي اعمل فيا ما بدالي انا لسه صغيرة ومن حقي اعيش حياتي براحتي وانتا كمان من حقك تتجوز وتشوف نفسك مركز معايا ليه
- علي : للأسف لأنك امي..... وهنا دخلت جميلة وهي تري الدموع المتعلقة بعينية وقسوة قلب أمه
- سارة بغضب : متنحة كدة ليه عاوزة ايه
- جميلة : احم... الاجتماع هيبدأ يا فندم
- سارة وهي تنهض : يلا يا علي.. الاجتماع اهم من الكلام دة
- علي بجمود : مش هحضرة
- سارة : يعني ايه مش هتحضرة اومال مين الي هيتفق مع العملاء
- علي وهو ياخذ جميلة من يديها : خلي واحد من اجوازك الي طمعانين فيكي يحضرة مكاني مهو احتل مكاني مش هتفرق
- وهي تنظر الي يد جميلة الممسك بها : انتا وخدها علي فين
- علي : الفرع التاني بيقع هتيجي معايا
- سارة : بيقع ازاي انا لسة كنت هناك قريب
- علي : قريب الي هو امتة يعني من شهر صح
- سارة بارتباك انها لم تذهب منذ اكثر من شهرين : مش هينفع احضر الاجتماع من غيرها
- علي : تمام لو جميلة فضلت معاكي انا مش هروح الفرع التاني وهسيبة يقع انا اصلا مليش نسبة فية ايه رأيك
- سارة بسرعة : لا خدها خلاص مش عوزاها
- علي بحزم وصوت يحمل الكثير من الغضب : بس لو الاجتماع الي هتحضرية المناقصة مرسيتش علينا صدقيني مش هيكفيني دمار الفرع دة بس...... وتركها ورحل وبيدة جميلة وبعد خروجة
-جميلة : احم... ممكن اجيب شنطتي يا فندم
- توقف علي وترك يدها : معلش مأخدتش بالي اني ماسك ايدك ياريت متكونيش اتدايقتي
- عادت جميلة الي مكتبها وهي تردد بهمس : ال مدايقش ال دة انا كنت في حلم من مسكة ايد يخرب بيت ايدك ولا عنيك
.......................................................................
- في القصر عاد فارس بالعديد من الأكياس وجدها جالسة بالاسدال وتنظر الي السقف
- فارس بخوف : انتي موتي
- نظرت له تقي ووجهها يحمل زعل وغضب : لا لسه
- تقدم إليها فهد وهو مازال حامل الأكياس واعطي لها الكثير منهم : دول لبس ليكي
- تقي : مش عاوزة حاجة
- فارس : انتي حرة انشالة تقعدي من غير هدوم انا مالي
- تقي بخجل : احترم نفسك
- فارس بأبتسامة ايقن مدارتها وهو ينحني إليها ببطء : انتي مراتي
-نهضت تقي بسرعة تبتعد عنه : انتا بتعمل ايه
- فارس وهو يلتقط كيس من وسط الأكياس التي وضعها بجانبها : فيكي ايه كنت باخد كيس الطماطم احسن ما تلبسي ولا حاجة
- تقدمت تقي إليه وهي تاخذ من الأكياس : انا هدخلهم واعمل الاكل الصراحة حاسة بذنب اني كلت الاكل كلة وانتا مكلتش غير سندوتش
- فارس وهي ينظر الي عينيها التي تهتز بخوف لقربة منها : ابعدي وانا هدخلهم.... وبعد ذهابة من أمامها.... خوافة
-تقي وهي تضع يدها علي فمها بصدمة : عرف منين دة
بعد قليل خرجت تقي بكاش مايو باللون البمبي رقيق يصل الي ما قبل ركبتها وبحمالات رفيعة تظهر أنوثتها وجدتة يصنع لنفسة قهوة
- تقي بخجل : احم... شكرا علي اللبس
- وهو ينظر إليها بداية من شعرها المنسدل بعشوائية الي هذا الثوب المهلك وفي لحظة احس بالقهوة وهي تحرق يدة
- تقي بخضة وهي تمسك يدة تضعها تحت الماء وهو مازال ينظر إليها
- تقي بغضب : لما انتا مش بتعرف تعمل قهوة بتعملها ليه هااا.... انتا ساكت كدة ليه... انتا كويس
- فارس وهو ياخذ يدة من بين يديها : انا كويس وخرج من المطبخ الي غرفة في الأعلي وازال قميصة الاسود واخذ ياتئ ويذهب في الغرفة بغضب وهو يتذكر مظهرها ولحظات ووجد من اقتحمت الغرفة وبيدها صندوق صغير
- تقي وهي تدخل الغرفة : انا قولت مش هلاقي اسعافات بس...... شهقت عندما وجدته نصفة عاري واستدارت...... انا... انا... مكنتش اعرف انك.... إن..... ووجدت من يحملها ويضعها علي السرير
- تقي بخوف : انتا هتعمل اية
- وهو يضع يدة علي رجلها : اعملي الي هتعمليه واطلعي من هنا
- اخذت تضع علي يدية مرهم للحروق وتنظر إليه بتعجب انه لا يتألم فقط ينظر لها نظرة لم تفهمها
عند فارس وهو ينظر الي كل جزء في وجهها هل يوجد طفلة بهذا الجمال نعم فهي في نظرة طفلة
- تقي بقلق : انا خلصت مش حاسس بوجع
- انحني فارس يقبل رأسها ببطء ودلف الي المرحاض تحت صدمة تقي التي ظلت تحت صدمتها حتي خرج فارس وهو يلتف حول خصرة منشفة
-فارس : انتي لسة هنا
- تقي وهي تنظر له شهقت ونظرت الي الأرض ونهضت بسرعة تخرج من الغرفة وعند وصولها الي الباب
- فارس : في شنطة فيها حاجات ليا تحت طلعيها
- تقي : احم... ماشي
- بعد قليل سمع خبط علي الباب... فتح الباب لم يجد الا الشنطة الموضوعة أمام الباب أخذها
......................................................................
- علي بتعب : مش مصدق ان في ناس نصابة بالطريقة دي
- جميلة : تؤمرني بحاجة يا فندم
- علي : هتروحي فين مثلا
- جميلة : هستني حضرتك برة لحد ما تعوزني في حاجة
- علي : لا خليكي هنا شوية وهنمشي
- جميلة : تحت امرك يا فندم
- علي : قوليلي يا جميلة شكلة ايه العريس الجديد
- جميلة : احم.... عريس مين يا فندم
- علي : جميلة انا مش صغير
- جميلة : هو عادي يعني زي الباقي يعني...
- علي : أمته وصل
- جميلة : من يومين
- علي : هو انتي مخطوبة او متجوزة او مرتبطة حتي
- جميلة : لا ولا حاجه من دي
- علي : بتشتغلي ليه
- جميلة : انا عايشة لوحدي واكيد لازم اصرف علي نفسي
- علي : ازاي ملكيش اهل يعني
- جميلة : ابويا كان نفسة في ولد وانا البنت الوحيدة واهلة صعايدة ولما فقد الأمل ان امي تجيب بنت سبنا ومشي ومشفنهوش تاني وامي اتوفت قريب بعد ما خلصت الجامعة كانت بتصرف عليا لحد أولي جامعة وبعدين تعبت وماتت وأهل امي اصلا مقطعنا من زمان بس يعني يعتبر مقطوعة من شجرة
- علي : ربنا يرحمها.... طب ليه مفكرتيش تتجوزي
- جميلة بتفكير : لسه محسش
- علي : مين هو الي لسة محسش
- جميلة : احم.... ولا حاجة يا فندم لسه مفيش نصيب
........................................................................
- نزل فارس وهو يرتدي تيشيرت باللون الاسود وبنطلون باللون الاسود وجد السفرة مليئة بكل أنواع الطعام المصرية وخرجت تقي من المطبخ وبيدها طبق ووضعته علي السفرة ورفعت رأسها تنظر الي الذي ينظر إلي شعرها فقد رفعته لفوق بكعكة عشوائية ويوجد القليل من الخصل الهاربة علي رقبتها وعينيها وهي تزيل الخصل من علي عينيها بظهر يديها
- تقي : حلو عليك الاسود مع اني مش بحبة
- جلس فارس بدون كلام واخذ يتذوق الطعام بصمت ولا يظهر علي وجهه اي انطباع
- تقي بتردد : حلو
- نظر لها فارس وعلي طبقها : انتي مش بتكلي ليه حطالي سم
- تقي وقد توسعت عينيها : ايه انا... احطلك سم ليه طيب...
- فارس بنصف ابتسامة : خلاص انتي بتصدقي علطول كدة
- تقي وهي تضع يدها علي قلبها و تتنفس بارتياح : هو دة هزار يعني
- فارس وهو يكمل طعامة : حلو الاكل كلي بقي
- ابتدت تقي في الاكل حتي انتهوا من الطعام وعند نهوض فارس
- تقي : علي فين لسة فيه مواعين هتتغسل
- فارس بصدمة : نعم انا اغسل مواعين
- تقي : اه تغسل مواعين مش كلت وكمان مساعدتش في الاكل
- فارس وهو يعود إليها
- تقي وهي مغمضه عينيها بقوة وواضعة يدها أمام وجهها : لا بقولك ايه انا... انا
- فارس بغضب : هاااا انطقي
- تقي : انا... انا.. هساعدك والله وانا تعبت انهاردة وقلبي وجعني من تنضيف ام البيت دة وعملت اكل.... وبرجاء... عشان خاطري اغسلها معايا ولما تتعب خلاص متكملش علشان خاطري
- فارس وهو يتذكر كلام الدكتور ان قلبها ضعيف : احم... مش بعرف
- تقي وقد ارتسمت الابتسامة علي شفاهها الوردية : هعلمك انا... ولم تنتظر ردة والتقطت يدة وذهبت به الي المطبخ
- تقي : بتعرف تلبس المريلة
فارس : لا خلهالك دى ونخلص بقي انا ورايا شغل
- تقي : ماشي هنبدأ بقي
- فارس بابتسامه وهو ينظر ليديها المسكة بيدة : عاوزة ايدي في حاجة
- تقي وهي تحاول إزالة يدها من يدة : احم... لا مش عوزاها
- فارس ومازال ممسك بيدها : هغسل معاكي بس بشرط
-تقي : شرط... شرط ايه