الجميلة والوحش

الجزء السابع والعشرين والاخير

- جوليا : الي هو ازاي يعني... ما ترد عليا ازاي يعني
-خالد : طب اقعدي المكتب هيقع علينا من كتر ما انتي رايحة جايه دوختني معاكي
- جوليا : ازاي الشركة كلها مفهاش راجل هااا ازاي هتشل
- خالد : هو انا مش مالي عينك ما انا راجل اهو
- جوليا : يا شيخ دة اخر مره سمعت فيها الراجل مع الستات كانت راجل وست ستات مش مجمع النساء الي برة دة
- خالد : اهدي علشان افهمك
- جوليا : تفهمني ايه يا ابو عيون زايغة انتا هتجنني يا خالد حرام عليك
- نهض خالد واوقفها عن حركتها واخذ يمرر اصابعه بين خصلات شعرها ببطء : نسمع بقا بعض مش اتفقنا نسمع بعض
- جوليا : متعملش معايا كدة يا خالد متعملنيش علي اني هبله وهسكت بالحركتين دول
- خالد : ابدا يا روحي والله انا بس عوزك تسمعيني ممكن ذي ما بسمعك تسمعيني
- جوليا : سمعاك اهو قول
- سمع صوت طرق رقيق علي الباب
- جوليا : ما ترد أو افتح اعمل اي حاجة
- خالد : هشششش... طول ما انا مقولتش ادخل محدش يقدر يدخل والي كان عوز حاجة هيرجع علي شغله تاني
- جوليا : كنت هتقول ايه طيب
- خالد : عمري... سمعه عمري ما في وحدة غيرك ممكن تملي عنيا او تخليني محبش الضحكة دي وابقا مستنيها... انتي لو تعرفي ان يومي مش بيكمل من غيرك مش هتفتكري ان في وحدة ممكن تسرقني منك انتي ملكتي قلبي يا جوليا وعقلي قبل قلبي يعني اتكلبشت يا باشا وحسم الأمر
- جوليا : بس انا غيرانة من كم البنات الي حوليك دول كفايه أن وحدة تبقا بتبصلك باعجاب وانا وقفة جمبك هجبها من شعرها
- خالد بقهقهه : جيبها من شعرها ولا يهمك انتي تعملي الي انتي عوزاة
- جوليا : انتا بجد
- خالد : بجد ازاي
- جوليا : عندك حنيه وطيبه قلب وصبر مش عند حد بتقول كلام رومنسي انا مش بقدر ارد عليه انا لو مكان اي بنت كنت قولت اكيد الكلام دة اتقال لمليون وحدة قبلي
- خالد : ومقولتيش ليه كدة
- جوليا : قلبي مش مصدق انك ممكن تكون كدة... مقتنعة اني اخترت راجل مش عيل فرحان بلمه البنات حواليه... انا حبيتك من غير ما اعرف حاجة عنك... المواقف لوحدها بتبين انتا ايه من غير ما احاول اعرف اصلا
- خالد : تسلملي العيون الي بتلمع علشاني دي... جوليا انتي مراتي يا بت.... عرفه يعني ايه مراتي... يعني عمري ما اقدر استغني عنك في حياتي لو حصلت هبقي مقدرتش اسعدك او اوفيكي حقك ودة مستحيل يحصل
- جوليا : بردو غيرانه لا
- خالد : يابت دة شغل عرفة يعني ايه شغل يعني انا مش بشوفهم غير اله من الآلات الي تبع الشغل انا جد جدا في شغلي والصراحة البنات اكتر ناس ممكن يدوني شغل كويس في وقت قياسي وباحسن جودة عندهم ضمير في الشغل
- جوليا : ماشي بس لو لقيت عيونك العسلية دول زاغت هنا ولا هنا مش هخليك تعرف تشوف تاني انتا فاهم
- خالد : تهون عليكي عيوني متشوفش تاني الجمال دة  كله
- جوليا : ويهون عليك قلبي يزعل من عيونك العسلية دي
- خالد : لا طبعا انا اموت في سبيل ان القلب دة يفضل فرحان ومنشكح كدة
- جوليا : بعيد الشر عنك يا منشكح انتا
- خالد : يخربيت فصلانك يا بتاعة انتي
........................................................................
جميلة : ايوة وبعدين يعني هنفضل مشيين كدة لحد امتة انا تعبت
- علي :.............
- جميلة : طيب اسمع كلامي و دينا المستشفي تكشف مش هينفع تمشي كدة وبعدين انتا بتسوق ازاي اصلا كدة
- علي : انا بعرف اتصرف خليكي في نفسك
- جميلة : طب هات اسوق بدالك شوية انتا بان عليك التعب
-علي : اسكتي يا جميلة
- جميلة : ايه المعامله دي يا علي
- علي : اسكتي يا جميلة قربنا نوصل خلاص مش عارفة تفضلي سكتة الشوية دول
- جميلة : طب انتا مجوعتش
-علي : لا
- جميلة : طب انا....
- علي : لا بردو
- جميلة : جعاااانة طيب
- علي : لا مفيش اكل
- جميلة : طيب سكت اهو خالص
- علي : يكون احسن بردو
بعد القليل من الوقت
- محمد : اهلا وسهلا ياابني كدة اقدر استقبلك احسن استقبال
- علي : انا وفيت بوعدي وجيت ببنتك... جميلة حاجة كبيرة اوى في عيني ومستحيل اضيعها من ايدي
- محمد : تسلم يا ابني وتعيش ربنا يسعدكم
- علي : انا طمعان بس في كرمك
- محمد : طلباتك أوامر ياابني
- علي : الأمر لله يا عمي... انا جعان وجميلة جعانة وفضحتني في الشارع جعانة جعانة لحد ما زهقت
- محمد : بس كدة طبعا ثواني والاكل يكون جاهز.. انا هروح اقلهم يحضرو الاكل وانتو اطلعو ارتاحو شوية في الاوضة عقبال ما الاكل يجهز
- علي : ياريت والله علشان انا حقيقي متكسر... يلا بينا يا جميله.
نهضت معه جميلة بدون اي كلام حتي وصولهم الي غرفتهم... علي عند رايته للسرير انقض عليه يريح جسدة فقد تدمر وحان الوقت للاستسلام
- علي وهو ينظر لجميلة التي تنظر له ولا تتكلم : مسمعتش صوتك يعني من ساعه ما وصلنا
- جميلة : انتا ازاي تعمل كدة
- علي : اعمل ايه مش فاهم
- جميلة : ازاي تجبني هنا من غير ما تقولي
- علي : هو انا جبتك كبارية دة بيت اهلك
- جميلة : اهلي الي رميني بقلهم سنين ميعرفوش عني حاجة ويوم ما يسالو عليا لما عرفو اني اتجوزت.. ازاي قدرت تعمل كدة
- علي : مهما حصل يا جميلة في الأول والآخر هما اهلك مينفعش تتكلمي عليهم كدة
- جميلة : ما انتا لو شوفت الي شوفته مش هتقول كدة بس انتا تعرف ايه عن حياه بنت عاشت متمرمطة بين الدراسة والشغل علشان تصرف علي امها التعبانة ولا وهي بتسمع كلام الناس والجيران عليهم ابوهم يا تري سبهم ليه ولا نظرات الناس ولا القرف الي شوفتة بعد موت ماما ياتري ابوها مش هيسال عليهم لا واعدة لوحدها في الشقة يا تري ايه السر.. دة كله وانا عندي اب عايش وميعرفش عن بنته حاجة
- علي : تعالي اعدي طيب
- جميلة : مش هعد انا عوزة امشي ممكن نمشي لو سمحت
- علي : جميلة متغلطيش غلطتي انتي عندك ابوكي موجود اهو ومش شايفة فرحتة بيكي وانتي اعدة قدامة ومعاكي جوزك الزن وحش هو العمل في ابوكي  كدة سامحي يا جميلة علشان تعرفي تعيشي سامحي وانسي انتي مش هتغفري لأي حد دول اهلك
- جميلة : انا مش مصدقاك ازاي اسامح شخص انا مش حسه انه ابويا اصلا دة انا حتي مكنتش فكرة شكله ازاي اسامح وانا لما ببصلة بفتكر كل لحظة كنت محتاجه فيها ومحتاجة الأمان الي بتحس بيه اي بنت وهي في حضن ابوها وملقتوش ازاي اسامح وانا كنت البنت والراجل في نفس الوقت بسبب انا ليا اب عايش ومستعر اني بنت
- علي : انتي بنت بميت راجل ودة كفاية يخليكي مش محتاجة لحد مش هقولك ابوكي مش غلطان بس فكري كدة انتي ضاع من عمرك قد ايه من غير اب ولا تعرفي يعني شعور يبقي عندك اب محتويكي فكري كدة الاحساس هيبقي كدة فكرى لو ضاع من ايديكي هتحسي بندم قد ايه انك مسمحتيش وغفرتي فكري كدة لما تحاولي تبصي في عيونة هتشوفي ايه ولا هتشوفي نفسك ازاي البنت بذات البصة في عيون ابوها بتخليها تزيد حلاوة وروح حلوة وراحة جربي بلاش تغصبي علي نفسك جربي بس
- جميلة : ماشي يا علي انا هجرب بس مش اكتر هحاول اسامح واغفر
- علي : ربنا يكملك بعقلك يارب وتسبيني ارتاح شوية
- جميلة : قصدك ايه انا انا مجنونة مثلا ولا ايه
- علي : يادي النيلة عليا يابنتي انا اتكلمت انا بدعيلك اهو
- جميلة : قصدك ايه انا عقلي مش كامل وهتخدني علي قد عقلي ولا ايه
-علي : انتي أعقل بنت شوفتها في حياتي واجمل البنات في عيني واقرب النساء الي قلبي
- جميلة وهي تنظر للارض : احم... انا.. انا.. 
- علي : قاصد علي فكرة
- جميلة : قاصد ايه
-علي : اسكتك بالزوق
- جميلة : انتا انسان...
- علي : الباب بيخبط
- جميلة : ايوة
- صعد صوت انثوي : الاكل جاهز
-جميلة : ايوة نزلين اهوت
- علي : اهوت
- جميلة : اه.. قوم بقا
........................................................................
- فارس : وحشتيني بقا
- تقي : ما انا معاك طول اليوم اهو هو انا هربت
- فارس : انتي وحشاني وانتي قصاد عيني
- تقي : ايه دة ايه بقينا بنعرف نقول كلام رومانسي اهو
- فارس : بصي يا بنتي انتي انا الحمد الله والشكر لله اتعلمت علي ايدك الهبل ثم الهبل ثم الهدوء ثم الجنون ثم الرومانسيه
- تقي بقهقهه : بعشقك
- فارس : ايه
- تقي : بعشقك يا وحش قلبي
- فارس : لا الكلمة دى رشقت في قلبي تستهلي عليها بوسة حلوة كدة
- تقي : ايه يابا رايح فين
- فارس : هبوس مراتي ايه المانع
- تقي : مفيش الكلام دة خلص خلاص
- فارس : الي هو ازاي يعني خلص مش فاهم
- تقي : اصل انا بقول يعني اننا لازم ناخد بريك شوية علشان منزهقش من بعض فهمت
- فارس : انتي مجنونة
- تقي : دة الطبيعي
- فارس : اه ما دة الطبيعي بس صح انا بقول ايه... طيب انا معاكي نتفق ماشي
- تقي : نتفق علي ايه 
- فارس : لما تبطلي جنان وهبل ابقي تعالي كدة قوليلي ناخد بريك ياختي
- تقي : هههههههه.... حاضر هحاول
........................................................................
- علي : عمي انا عوز اعمل فرحنا هنا وسط اهل جميلة
- جميلة : ايه
- محمد : طبعا يابني البلد كلها تحت إشارة من جميلة بس شوف انتا عوز تعمل ايه وانا معاك
- جميلة : هو ايه الي عوز اعمل فرحي هنا وانا معاك هو انا مليش رائ
-  علي : ازاي يا قلبي دة انتي العروسة
- جميلة بخجل : احم... انا.. انا مش موافقة وعوزة امشي
- علي : ليه بس كدة دة انا حتي حبيت المكان هنا
- جميلة : علي انا.مش...
- محمد : خلاص يابنتي ميرضنيش انك تكوني مغصوبة علي حاجه اعملي الي يريحك وانا راضي... بس ابقي خليني اشوفك وانتي عروسة مهما كان الفرح فين
- نظرت له جميلة تحاول فهم مشاعرة وحزنة الظاهر عليه
- علي : احم... طب انا شوفت بلكونة هنا عجبتني هروح اتفرج منها علي البلد هنا
- محمد : استني اجي معاك افرجك علي البلد كلها
- علي : لا خليك انا هقف شوية بس هنا اصلا مش قادر الف تاني انهاردة
- محمد : سلمتك الف سلامه
- علي : الله يسلمك يا عمي
........................................................................
- محمد : انا عارف انك بتكرهيني ومش طايقة تبوصي في وشي حتي
- جميلة : دة عرفته بقا ولا احساس
- محمد : انا عمري ما سبتك انتي قدام عيني دايما كل مكان بتروحيه...
- جميلة : بتبقي معين حد يراقبني في كل مكان صح... ياتري دة ابن عمي الي عوز يتجوزني غصب صح
- محمد : انتي عرفتي منين
- جميلة : عندك علم اني كنت بدور عليك في كل واحد حوليا عندك علم ان لو ابن عمي الي بيراقبني دة لو كان جه وقلي انا ابوكي كنت هصدق.... عندك علم انا اتوجعت كام مرة بسبب اهمالك وانانيتك
- محمد : انا غلطان وغلطى كبير اعزريني كانت عيلتي محتجاني
- جميلة : واحنا كنا ايه مش عيلتك ولا احنا كنا عاله عليك.. جالك قلب ازاي تسيب بنت وامها لوحدهم في وسط القرف الي احنا فيه دة انتا اب انتا
- محمد بندم : انا سعتها كان اهلي مأثرين عليا جامد لاكن انا عرفت غلطى وحابب ارجعك لحضني تاني انا مش وحش كدة والله
- جميلة : عمري ما هسمحك علي الي انا شوفته وانا لوحدي ايه رجعك لحياتي اصلا غير انك شوفتني هتجوز من غير اذنك هااا
- محمد : انا مرجعتش علشان شوفتك بتتجوزى انا معاكي في كل حتة وكل حاجه بتعملها وعارف كل حاجة عن علي من الاول للآخر انا الي دخلني حياتك تاني اني كنت عوز اطمن ان الراجل الي هيبقي مكاني كاب وسادد مكان في قلبك وهيبقي كل حاجة ليكي يبقي مش عارف قيمتك ومش مقدرك
- جميلة : انتا عوز ايه مني دلوقت
- محمد : تفضلي في حضني ونفضل تحت بيت واحد لحد ما اموت انا مش هعيش قد الي عشتة
- جميلة : وانا مش هعيش معاك انا مش ناوية اعيش حزن تاني قد الي عشتة انا مش عوزاك في حياتي
- محمد : انا مش هغصب عليكي تقعدي غصب عنك الي يريحك اعمليه.. بس انا مش عوزك تندمي انك مشبعتيش من حنان الاب قبل ما اموت انا مش هفضل عايش عمرك كلو ومع ذالك انا موجود وقت ما تكوني محتجاني
- جميلة : شكرا
- علي : هااا الفرح امتة بقا
- جميلة : مفيش فرح هنا احنا هنبات انهارده ونمشي بكرة... عن اذنكو
- بعد ذهاب جميلة
- علي : ايه الي حصل
- محمد : قبلها قاسي ذي امها الله يرحمها مردتش تسامح
- علي : معلش اعزرها بردو الفترة كانت كبيرة واكيد شافت كتير في حياتها وهو لوحدها
- محمد : هي عندها حق تعمل اكتر من كدة بس انا مش قاعد العمر كله محدش ضامن عمرة
- علي : متخفش قريب ان شاء الله هتسامح وننسي كل الفات
- محمد : يارب تسامح وتنسي
.......................................................................
- بعد مرور شهرين
- فارس : مبرووك يا عريس
- خالد : الله يبارك فيك يا فروس مش عارف اقولك ايه والله.. يعني البدلة الصراحة مفهاش غلطة انا بعد كدة هخليك تصمملي كل هدومي
- تقي : متخدش علي كدة يا عم انتا
- خالد : انا نفسي اعرف انتي مديقة مني ليه هااا دة انا حتي هبقي عمو قريب
- تقي : ايه انتا تبقي عم ابني لا لا انا مش موافقة
- فارس : خلاص بقي اعملولي احترام انا في النص
- علي : مش هيتقلي مبرووك انا كمان ولا ايه
- خالد : مبروك يا صاحبي عقبال ما ابقي عمو بقا
- فارس : انتا عوز تبقي عم اي حد وخلاص لازق في اي زفت كدة
- علي : مين قلك اني هخليه يبقي عمو اصلا
- خالد : امال هبقي عمتو ولا ايه
- علي : خلو كول عيش يابا
- خالد : والله جعان من الصبح ومش لاقي حد يطفحني
- تقي : ياااي ايه البيئة الي انتا فيها دي جاتك القرف
- خالد : فين العروسين احنا خللنا هنا
- تقي : اصبر تاخد حاجة حلوة
- خالد : هي كيكة انتي كمان
- فارس : انتا همك في الأكل علطول كدة
- علي : بس اهم نزلو اهو
- نزلت جوليا وجميلة وهم متعلقين بذراعي محمد فقد عادت الأمور بينهم بخير....
- تقدم كلا من علي وخالد الي العروسين وكل منهم يستلمها من يد محمد الذي يري ابنتة في ذلك الفستان الذي صمم لها خصيصا علي يد فارس وكذلك فستان جوليا فهو بمثابه هدية زواجهم... تبدو كل منها كالاميرات وهي الآن بين يدي زوجها
.............................................. النهاية