الجميلة والوحش

الجزء الثالث عشر

- في بيت تقي وبالاخص في غرفتها القديمة التي لطالما حلمت فيها بذلك الفارس الذي ياتئ وينتشلها من بين يدين ذلك زوج والدتها وها هي عادت مرة اخري الي هذة الغرفة مرة اخري وهي تحتضن وسادتها وتبكي بألم علي ذلك الحلم الذي اختفي قبل أن تظهر ملامحه
فلاش باااااك
- تقي : ممكن تطلقني
- فارس بتعجب : اطلقك
- تقي : ايوة تطلقني.. ينفع تطلقني وتسبني امشي
- صفية : ليه يا بنتي كدة ايه الي حصل
- فارس وهو يدقق النظر بها : معلش سبيني اتكلم معاها لوحدنا
- صفية : حقك يا ابني الي انتا عاوزة..... وتركتهم وذهبت
- بعد ذهابها فارس : ايه الي حصل من امبارح للنهاردة يخليكي تطلبي الطلاق
- لم ترد تقي فقط تنظر له تلك نظرة العتاب
- فارس بغضب وصوت عالي : ما تقولي ايه ندمانة علي الي حصل... بس انا مكنتش حاسس انك مدايقة يعني.. اومال ايه زهقتي مثلا
- تقي وهي مغلقة عينيها بقوة أثر صوتة العالي والغاضب : انتا.... انتا
- فارس : ما تقولي انا ايه اتخرصتي
- تقي وقد استجمعت شجاعتها : انتا اتجوزت غيري قبلي
- فارس وقد ظهرت الصدمة علي ملامحة : مين قالك
- تقي : يعني صح الي عرفتة يعني اتجوزت غيري... يعني فعلا هترميني ذيها حتي مش هطلقني... انتا مش انسان انتا معندكش مشاعر دة حتي الحيوانات عندها مشاعر يا شيخ..... وعند نهاية كلماتها شعرت ثقل يدية علي وجنتها حتي ارتطمت في الأرض أثر صفعتة ونزفت من بين شفتيها
- فارس وهو يمرر يدة علي شعرة بغضب : امشي من وشي دلوقتي والا هتموتي في أيدي
- نهضت تقي بألم وهى واضعة يدها علي وجهها أثر صفعتة : الظاهر اني كنت غلطانة لما عاهدت نفسي اني مش هفكر انك مشتريني علشان الورث بس للاسف هي دي الحقيقة سلام يا فارس وتركتة وصعدت لغرفتها جلبت شنطتها التي حضرتها قبل أن يأتي وحضرت شنطة صفية التي اخذت تحدثها دون جدوى حتي استسلمت لجنون ابنتها ونزلت معها
- صفية وهي تري فارس يجلس وينظر امامة بجمود : هو ايه الي حصل يا ابني.. ما تقولي يمكن اعرف احل حاجة
- فارس : معلش خليها تروح معاكي وانا هبعد عماد عنكو لحد بس ما اشوف ايه الي حصل
- صفية : ماشي يا ابني بس صدقني تقي بتحبك
- فارس : عارف بس لازم احنا الاتنين نهدي علشان نعرف نتكلم
- صفية : ماشي يا ابني ربنا يهديكوا
- فارس : يارب
- نظرت له تقي بعتاب وهو أيضا نظر لها بعتاب وذهبت من أمامه
باااك
- صفيه : يا بنتي ايه الي حصل طيب احكيلي
- تقي ببكاء : مش عاوزة اتكلم يا أمي دلوقتي
- صفية : طب ماشي بس كفاية عياط يا بنتي هيغمي عليكي
- تقي : مش قادرة يا أمي.. مش قادرة اكذب الي اتقالي ومش قادرة اصدقة وهو مقليش ان الكلام غلط اعمل ايه انا
- صفية : طب قوليلي مين قالك ايه وازاي اصلا علشان افهم بس
- تقي : لما تليفونك رن انا رديت وواحد قالي انه اتجوز قبلي وسبها ذي ما هيسبني من غير حتي ما يطلقني ذي دلوقتي كدة
- صفية : ما يمكن حد عاوز يبعدكوا عن بعض وبيكدب عليكي
- تقي :بيكدب عليا ازاى يعني وانا لما سألته مأنكرش
- صفية بقلة حيلة : والله يا بنتي مش عارفة اقولك ايه نامي انتي دلوقتي وبكرة يحلها حلال
........................................................................- في الصباح استيقظ فارس او بالمعني الاصح نهض من علي الكرسي الذي مازال يجلس عليه ولكنة لم ينام طوال الليل من التفكير وكذلك الحال عند تقي التي ظلت تحتضن وسادتها وتبكي علي ذلك الحب الذي لم يظهر للعالم وعلي حظها الذي اوقعها بذلك القلب الذي كانت تظن انه لان لحبها
- صعد رنين هاتف فارس
- فارس : ايه يا جوليا
- جوليا : مال صوتك في حاجة حصلت ولا ايه
- فارس : مفيش حاجة انتي كنتي عاوزة ايه
- جوليا : انا لقيتك اتأخرت قولت اشوفك يعني اول مرة تحصل
- فارس : انا مش هاجي انهاردة يا جوليا ولو في حاجة احضريها
- جوليا : ماشي يا فارس بس علي دة هتعمل معاه ايه
- فارس : اديلة كل الشغل الي علي المدير المالي ولو في اجتماعات للمدير المالي اديهالو يحضرها بس متتواجهيش معاه خالص علي الاقل دلوقتي
- جوليا : ماشي
- اغلقت جوليا مع فارس ووجدت اتصال من خالد
- جوليا : نعم
- خالد : كنت عاوز اقولك حاجة خاصة بفارس هو موجود معاكي
- جوليا : لا بس قول وانا اقولة
- خالد : طيب هو علي كلمنى انهاردة الصبح وقالي انه كلم مرات فارس وانها هتطلق منه
- جوليا : انتا بتقول ايه حصل ازاي دة
- علي : الموضوع كبير يا جوليا يعني لو ينفع اقابلك هيبقي احسن علشان انا حاليا في شغل شوفي نتقابل فين وقوليلي
- جوليا : خلاص انا عندي اجتماع هخلصة واكلمك
- علي : عندك اجتماع فين
- جوليا : كنت بفكر اعملة في المطعم الي كنا فيه بس لسة هشوف كدة واقولك
-خالد : خلاص انا مستنيكي في المطعم دة
- جوليا : بقولك لسه مقررتش
- خالد : طيب اانتي اعملي الاجتماع في المطعم دة وانا هخلص شغل واستناكي لحد ما تخلصي اجتماع سلام
- جوليا : انتا بتسمع بقولك...
- خالد مقاطعا : سلام يا جوليا... وأغلق الهاتف
- ظلت جوليا تنظر للهاتف بصدمة وبتعجب من فعلتة
.......................................................................
- عماد : بقولك يا هانم كلمنى واشترى ليا شقة باسمي علشان ابعد عنهم وانتي تقوليلي ارجعلهم تاني
- سوزي : ايوة ترجعهلم تاني كانك نسيت حاجة ورايح تجبها وتعرفني ايه الي بيحصل هناك
- عماد : يا فندم حاطط حرس تحت البيت ان محدش يطلعلهم يعني لو طلعت هيموتوني قبل ما رجلي تدب علي السلم
- سوزى : ازاي يعني حططلهم حرس وليه اصلا انتو مين يعرفكوا اصلا
- عماد : انا اعرفهم وهو مش عوزنى ارحلهم
- سوزى : خلاص روح كانك طالع لحد غيرهم مش هما واطلعلهم
- عماد : يا مدام بقولك أكد عليا معتبش باب البيت يعني اكيد معرفهم وموريهم صورتي علشان مطلعش
- سوزى : خلاص غور من وشي
- عماد :امرك يا هانم
.......................................................................
في نفس المطعم الذي تقابل فيه خالد مع فارس وجوليا تجلس جوليا وحولها يجلس خمسة من أعضاء الاجتماع وهي تبدأ الاجتماع بعملية وكلما تحدثت عن العمل يزيد إعجابهم بقدرتها علي الإقناع وتميزها في عملها وظلت تتحدث عن عملها وهي غافلة عن تلك العدسات التي تلتقط لها العديد من الصور حتي انتهت من اجتماعها وظلت العديد من الدقائق تنظر حولها وعندما أمسكت بهاتفها
- خالد من وراءها : انا اهو
- جوليا بشهقة وهي تضع يدها علي قلبها : حرام عليك يا شيخ الي بتعملو دة
- خالد وهو يجلس أمامها : انا
- جوليا : اه انتا مفيش انسان بيعمل كدة
- خالد : يا بنتي انا جيت جمبك انا بقولك اني جيت بس
- جوليا : مش كدة يعنى
- خالد : خلاص يا ستي متزعليش مني
- جوليا : مزعلتش بس قلبي وقف مش اكتر
- خالد : الف سلامة عليه.. انا بعتذرله
- جوليا بارتباك : ط.... طيب.. انتا كنت هتقول ايه
- خالد بأبتسامة علي ارتباكها : فكريني
- جوليا : وبعدين بقي هنقعد هنا لحد الصبح بقي
- خالد : احنا لسه الصبح ما تفوقي كدة وقولي كلام معقول
- صعد رنين هاتف جوليا
- جوليا : معلش هرد ونكمل
- خالد : ردي عادي
- ردت جوليا بعملية : ايوة نعم
- المدير المالي للشركة : يا فندم الموظف الي اسمه علي دة بيسأل علي استاذ فارس
- جوليا : قولت ايه
- المدير المالي : قولتله انه مش موجود
- جوليا : تمام قولة ان استاذ فارس في اجتماع مهم جدا وبعد الاجتماع هيبقي مع مدام فارس زين
- المدير المالي : حاضر يا فندم
- جوليا : بقولك ايه
- المدير المالي : نعم
- جوليا : ميروحش قبل الساعة أربعة تمام
- المدير المالي : تمام
- بعد غلق جوليا للهاتف : كنا بنقول ايه
- خالد : بصي يا ستي علي قالي ان في واحدة جبتله رقم ام تقي وهو كلمها وقلها ان فارس متجوز واحدة تانية او كان متجوز حاجة ذي كدة
- جوليا : فعلا هو كان متجوز قبل كدة
- خالد : وبعدين
- جوليا : مش مهم دلوقتي هقولك بعدين بس قولي ايه الي حصل ومين الي قالة
- خالد : بيقول انها مرات ابوة
- جوليا بصدمة : سوزى
- خالد : ايوة هو دة الاسم الي قالة ليا
- جوليا : يا بنت المجنونة دي لحست منها خالص
- خالد : ايه دى انتي زينا كدة بتدايقي وتفرحي وكدة
- جوليا : شوفت مين بيجرجر أشكال التاني دلوقت
- خالد : بيجرجر... وأشكال... دلوقت.. فين الكتالوج
- جوليا : بقولك ايه لو اتريقت عليا تاني هقوم واسيبك تكلم نفسك
- خالد : لا وليه تغضبي عليا وتمشي هقعد اعيط
- جوليا : طب قولي هنعمل ايه دلوقت
- خالد : والله انا الي اعرفة دلوقت ان لازم نغير الألفاظ إلى بنتكلم بيها دي حاسس اني عيل اهبل
- جوليا :ألفاظ ايه يا استاذ خالد
- خالد : اهو اول حاجة انا خالد خالد بس يا جوليا
- جوليا : ماشي وبعدين
- خالد : تعرفي توصلي لتقي
- جوليا : اوصلها بس هقولها ايه
- خالد : تقوليلها الي يطمنها الي يرجع ثقتها في فارس تاني حطى نفسك مكانها يا جوليا
- جوليا : انا مش هينفع اكون مكانها علشان احط نفسي مكانها ومش هعرف افدها او اطمنها
- خالد : هتعرفي
- جوليا : انتا بتتكلم معايا بثقة كدة ليه
- خالد : ذي ما قولتلك انك هتيجي المطعم دة وجيتي عملتي الاجتماع فيه
- جوليا : انتا عرفت منين انتا بتراقبني
-خالد : انا بايت هنا من امبارح هراقبك ليه
- جوليا : دة انتا بتنام في اي حتة كدة
- خالد : مقبولة منك... المهم بقي هتروحي للبت ولا ايه
- جوليا : بت... فين فارس يسمعك بتقول علي مراتة بت..
- خالد : يا ستي البرنسيسة ولا تزعلي هتروحي
- جوليا : هتزفت وامرى لربنا بقي
- خالد : يخربيت عسلك
- جوليا : نعم
- خالد : عقلك.. يخربيت عقلك العاقل دة
- جوليا : طيب انا همشي
- خالد : اوصلك
- جوليا : ينفع اطلب حاجة ومتتريقش عليا
- خالد : بس كدة انا سامع
- جوليا : ولو ضحكت
- خالد : مش هضحك بس قولي
- جوليا : هو الصراحة انا... انا كنت مستنية السؤال دة.. اصلي.. ال.... ال
- خالد : ال... ايه ما تقولي
- جوليا : الأربع عجلات علي الارض
- خالد بصدمة : الأربعة... عملتيها ازاي دي يا مفترية
- جوليا بغضب : ابتدينا الغلط اهو
- خالد : معلش متزعليش هااا.. ازاي
- جوليا : مش عارفة بس تقريبا دخلت في مسامير بس كويس اني وصلت لهنا يعني هي موجودة قدام المطعم
- خالد وهو يحاول كتم ضحكاتة : احم.. طب قومي بقي.. قومي اوصلك
- جوليا : بطل بقي.. علي اني مش شايفة انك بتضحك يعني
- كتم خالد ضحكتة : خلاص اهو مفيش ضحك يلا بينا بقي
- عند نهوضهم اتي الجرسون : خالد كنا محتاجين...
- قاطعة خالد : انا مش فاضي معلش هبقي اجي اكمل التصوير بعدين
- الجرسون : طيب كنا....
- خالد : خلاص بقي هبقي اكلمك
- الجرسون : ماشي عن إذنكو
- جوليا : اتفضل... هو في حاجة انا ممكن اركب تاكسي
- خالد : لاااااا.. واضيع الفرصة مينفعش
- جوليا : فرصة ايه
- خالد : ولا حاجة يلا بينا بقي
- بعد قليل من الوقت الذي مر بهم بدون اي كلام
- خالد : بتحبية صح
- جوليا : بحب مين
- خالد : اكيد مش مفتاح العربية الي شغالة تلعبي فية.. فارس بتحبيه
- جوليا : لا
- خالد : كدابة
- جوليا : انتا قليل الزوق ليه
- خالد : انا قليل الزوق... تسلمي
- جوليا : اوووف بقي انتا الي بتدايقني
- خالد : هتحرقي العربية يا جوليا براحة
- جوليا بتنهيدة : بحبة
- خالد : وليه مش اتجوزتو
- جوليا : حب من طرف واحد
- خالد : مفكرتيش تنسية او تحبي غيرة
- جوليا : طول عمرة قدام عيني فارس دايما معايا واقف في ضهري في كل حاجة كل صغيرة وكبيرة عمري ما هقدر انساة وهو قدامي طول الوقت
- خالد : محبتيش غيرة ليه
- جوليا : لان مفيش غيرة قدامي او في قلبي
-خالد : وصلنا
- جوليا بتردد تنظر لبيت تقي
- خالد : متقلقيش هي هتفهمك وانتي هتعرفي تقنعيها وترجعيها لجوزها يلا انزلي بقي
- جوليا : باي
- خالد : مع السلامة