الجميلة والوحش

الجزء الرابع عشر

- سمع فارس صوت ضجيج علي باب القصر وخرج للخارج يري من الذي يفعل تلك الضوضاء
- فارس بغضب وهو يفتح الباب : ايه في ايه
- وجد من ارتمت بداخلة وصوت بكاءهاوشهقاتها تخترق قلبة
- فارس ولم يضمها فقط واضع يدة بجيب بنطالة : جيتي ليه
- تقي وهي تنظر لذلك الذي لم يتحرك : انا اسفة
- فارس : جيتي ليه
- تقي : علشان بحبك
- فارس : مش انا الحيوانات احسن مني وعندها مشاعر... جيتي برجليكي ومش خايفة
- تقي : اخاف.. اخاف منك ليه
- فارس : تخافي اسيبك واتجوز غيرك ومطلقكيش.. مش دة الي سمعتية
- تقي : انا ليا قلب وحبك وطبيعي اي بنت مكاني كانت هتحس انها ملهاش لازمة وهي عارفة انك متجوز غيرها
- فارس : وطبيعي اي راجل مكاني لما مراتة تطلب الطلاق وهو مش فاهم ايه الي حصل يقولها مع السلامة ويبقي كمان مش طايق يشوفها
- تقي : بس انا مكنتش فاهمة
- فارس : وانا حولت افهمك وانتي جرحتي فيا من غير ما تسمعي
- تقي : وانا رجعت بنفسي وعرفت غلطي وعمرى ما همشي تاني حتي لو انتا قولتلي
- فارس : مين الي فهمك وفهمتي ايه
- تقي : جوليا قالتلي علي كل حاجة
- فارس : جوليا... قالتلك ايه
- فلاش باااااك
- جوليا : بصي يا تقي انا مش جاية اقولك انك مش غلطانة انتي غلطتي انك مسمعتيش من فارس وصدقتي الي اتقالك بسهولة كدة
- تقي : حطي نفسك مكاني ولا هتحطيها ازاي وانتي اصلا اي حاجة هيقولهالك هتصدقيها حتي لو غلط
- جوليا : غلطانة.. لو دة الي انتي تعرفيه عن حبي لفارس تبقي غلطانة... انا اه بحب فارس بس مش الحب الي انتي بتحبية... انا بحبة بثقة عارفة طبعة وعارفة انه مستحيل يأذي حد
- تقي : امال عمل معايا كدة ليه ومين الي اتصل بيا وقالي كدة
- جوليا : بصي انا هقولك مع ان مش عارفة انا ليا حق اقولك ولا لا بس هقولك علشان خاطر فارس مش اكتر
- تقي : قولي انا سمعاكي
- جوليا : لما كانت أم فارس عايشه كانوا في فرنسا وهي فضلت تزن عليه يتجوز سعتها فارس كان لسه في أول المشوار وكان خايف يتجوزها ويظلمها معاة مع ان كان عندة ابوة بيساعد بس هو أصر انه يبني كيانة بنفسة وقبل ما أمة تموت هو خاف تموت من غير ما تبقي راضية عنه فاتجوز واحدة ميعرفهاش يعتبر شفها مرتين او ثلاثة
- تقي : وليه متجوز تهوش انتي
- جوليا : ذي دلوقتي بالظبط هو مش بيحبني وكان عارف انها هتبقي ملهاش مكان في قلبة علشان كدة مرضيش يتجوزني وفي الاخر قلبة مش هيبقي ليا
- تقي : وفي الاخر سبها صح ذي ما سبني كدة
- جوليا : اولا هو مسبكيش انتي الي طلبتي الطلاق ومشيتي هو مقلش ليكي. تمشي.. ثانيا بقي هي ماتت
- تقي بصدمة : ايه ماتت... ماتت ازاي
- جوليا : كان عندها سرطان ودخل البيت في يوم لقاها نايمة علي الارض كان قلبها وقف ومن يومها وهو بيأنب نفسة انه كان ممكن يلحقها واتاخر ومش مقتنع ان دة عمرها ونصيبها
- تقي : لا حول ولا قوة الا بالله... طب هو ليه مقليش انه متجوز قبلي
- جوليا : دي حاجة تخصة هو انا مش عارفة الصراحة
- تقي : طب هو مين الي قالي
- جوليا : الزفت الي اسمه علي دة
- تقي : طب اعمل ايه انا دلوقتي دة انا طينتها خالص
- جوليا : بصي انا لخمة ومش بعرف اتصرف فامش هفيدك ممكن تسالي امك اكيد هتعرف تقولك تعملي ايه
- تقي : بس برضو كان المفروض يقولي انا مش غلطانة
- جوليا : طيب عن اذنك انا بقي علشان معنديش خلق الله يخليكي.. سلام
- تقي : خليكي قاعدة معايا هتمشي ليه
- جوليا :مع السلامة يا تقي
- بعد خروج جوليا ذهبت تقي لوالدتها
- تقي : اهو حكتلك علي كل حاجة قوليلي اعمل ايه
- صفية : كلمية طيب
- تقي : اكيد مش هيرد عليا ولا هيبقي عاوز يسمع صوتي اصلا
- صفية : خلاص روحيلة
- تقي : افرض طردني طيب
- صفية : لا أبن الناس عمرة ما يعمل كدة وهو شكلة محترم وبيحبك روحيلة يا بنتي
- تقي : طب يلا جهزي شنطتك علشان تروحي معايا
- صفية : لا هتروحي لوحدك قومي انتي البسي وشنطتك لسة ذي ما هي خديها وامشي
- تقي : انا خايفة يعاملني وحش وامشي واسيبة
- صفية : مهما عمل متمشيش وتسبية يا بنتي
- تقي : طيب انا هقوم اروحلة وأمري لله بقي
باااااك
- فارس : ادخلي يا تقي
- تقي : مسامحني
- فارس : لا
- تقي : طب قولي اعمل ايه وتسامحنى
- فارس : ولا حاجة ادخلي وانتي ساكتة
- دخلت تقي الي القصر وهو وراءها وعند إزالة حجابها امسك فارس بيدها يوقفها
- تقي : في ايه
- فارس : بصي قدامك الأول
- تقي وهي تنظر الي خالد الذي يجلس بتوتر : مين دة
- فارس : دة صاحب علي
- تقي : وهو ايه الي جايبة عندنا.. عاوز ايه دة جي ليه مش صاحبة د.....
- كتم فارس فمها بيدة وهو ينظر الي خالد المتعجب بما تفوهت به هذة القصيرة
- نهض خالد : طيب استأذن انا بقي حمدله على سلامتك
- فارس : لا اقعد
- خالد وهو ينظر لتقي بتردد : ل... لا همشي ونبقي نتكلم
- فارس : يا ابني اقعد ما هي لازم تعرفك
- بعد جلوسهم وتقي مازالت تنظر لخالد بحنق وخالد ينظر احيانا للارض وأحيانا للسقف.
- فارس : دة صاحب علي بس هو عاوز يسعدنا نوقف علي في الي هو بيعملو يعني قاصد خير
- خالد : اه والله ذي ما قال كدة بالظبط
- فارس : انتي ازاي مش عرفاه مش كان معاكي برضو
- تقي : ولا اعرفة
- خالد : الصراحة انا كنت واخد عنك فكرة تانية خالص
- فارس : فكرة ايه دي احنا هنخبط ولا ايه
- خالد : آآآه.. دة انتو الاتنين ذي بعض بقي... يا عم انا كنت فاكر انها مش بتتكلم خالص وهدوء وكدة
- تقي بهمس لفارس : بيقول عليا مجنونة وانتا قاعد
- فارس : اطلعي يا تقي فوق انا غلطان
- نهضت تقي ونظرت لخالد بتنبية : انا مش مجنونة هاا
- خالد : انا الي مجنون ولا تزعلي
- فارس بغضب : تقييي!!!!!
- تقي : حاضر طلعت اهو
- بعد صعود تقي
- فارس :معلش بقي امسحها فيا
- خالد : لا ولا اي حاجة انا مدايق صدقني ان دة كلة حصل بس هو قلي الصبح
- فارس : الحمد الله عدت علي خير المهم انك تخلي بالك ميشكش فيك وسوزى دي انا هعرف اتصرف معاها
- خالد وهو ينهض : طيب انا ماشي بقي سلام
- فارس وهو ينهض يوصلة للباب : مع السلامة
- بعد رحيل خالد
- نزلت تقي وهي ترتدي فستان يفصل جسدها باغراء باللون الاسود اللامع وتركة لشعرها حريتة : مشي
- فارس وهو ينظر لها من أعلاها لادناها : مشي
- تقي : طب انتا مسامحني
- فارس : لا... اطلعي نامي اكيد منمتيش من امبارح
-تقي : طيب ما انتا منمتش من امبارح
- فارس : مش شغلك
-تقي :متبقاش غلس بقي
- فارس : مش شغلك برضو
- تقي : بقي كدة ماشي انا هطلع انام وعند صعودها
- فارس : تقي
- تقي بأبتسامة علي شفتيها المزينة باللون الأحمر : قلب تقي
- فارس وهو يسيطر علي عينية التي تنظر الي شفيها : احم.... امك فين
- تقي بزعل : مش هتيجي
- فارس : ليه
- تقي : مش شغلك
- فارس بغضب : تقي
- تقي : هى قلتلي روحي لوحدك خلاص كدة
- فارس : ماشي خلاص
- تقي : مش عاوز حاجة... احم... تاكل.. تشرب... اقعد معاك.. اي حاجة يعني
- فارس :لا اطلعي نامي
- تقي بغضب وهي تدب قدميها بالارض : ماشي يا فارس انا هطلع انام وخليك اقعد لوحدك كدة بس
- فارس وهو ينظر الي طفولتها واعتراضها باستمتاع: هقعد لوحدي ايه يعني صغير انا مثلا ولا صغير
- صعدت تقي وهي تدب علي كل سلمة بقدميها
........................................................................
- في شركة علي سليم
- علي : جميلة هترجع معاكي تاني
- سارة : ايه زهقت منها وعاوز غيرها تتسلي معاها
- علي : ايه الي انتي بتقوليه دة
- سارة: ايه مش كنت ماسك فيها بايدك وسنانك سبتها ليه بقي
- علي : هو ايه الي سبتها ليه دة شغل مش لعب عيال وانا حر اجبها هنا أو اخدها دي حريتي
- سارة : وانا كمان حرة ومش عوزاها يا علي
- علي : يعني ايه مش عوزاها ما هي كانت معاكي
- سارة : والله براحتك عاوز ترجعها تمام بس صدقني مش هترتاح معايا
- علي : ليه يعني هتعمليلها ايه
- سارة : انا مش بعمل لحد حاجة
- علي : ما تتكلمي بصراحة
- سارة : ولا حاجة هخليها قاعدة ذي قلتها واهو ابقي بريحها
-علي : اه تريحيها وتخليها قاعدة ملهاش لازمة وترد علي مكالماتك للعريس الجديد صح... احب اقولك لا مش هرجعهالك تاني وانا غلطان اني بطلب منك حاجة اصلا
- سارة : بقولك ايه يا علي
- علي : ها
- سارة : ما تتجوز واشغل نفسك
- علي وهو ينهض : طول عمري عارف ان كلمة اتجوز دي بتطلع من الأمهات بعديها علشان اشوف عيالك بس اول مرة اسمعها من ام علشان بس تشغلني عن الي هي بتعملة
- سارة : بتحب البت السكرتيرة صح
- علي : انتي مفيش فايدة فيكي.. وتركها وذهب
.......................................................................
- جوليا : نعم
- خالد : احم عاملة ايه
- جوليا : كويسة... نعم عاوز ايه
- خالد : ولا حاجة سلام
- جوليا : انتا مجنون اية الي عاملة ايه وسلام ما تتكلم
- خالد : مش بحب حد يكلمني من غير نفس قلتة احسن
- جوليا : انا اتكلمت من غير نفس
- خالد : امال انا انتي مش بتسمعي نفسك ولا ايه
- جوليا : انتا عاوز ايه مني دلوقت
- خالد : عربيتك
- جوليا : عربتي ملها
- خالد : ابقي تعالي خديها بكرة بقي
- جوليا : ايوة انا هجيب ميكانيكي واجي اخدها
- خالد : انا عملتها ابقي تعالي خديها ولو عوزاني اعدي عليكي اخدك انا موافق
- جوليا : تعدي عليا فين انتا. بعدين عملتها ازاي يعني ومين قالك تيجي جمبها اصلا
- خالد : انا غلطنالك يا ستي هروح اجيب الأربعة علي الارض ذي ما كانوا
- جوليا : لا لا استني
- خالد : تؤ. تؤ.. ايه بس
- جوليا : انتا عملتها ازاي دى
- خالد : هو انا مش هكدب عليكي واقولك اني عملتها انا اكيد الميكانيكي
- جوليا : شكرا ليك والميكانيكي كمان وانا بكرة هعدي اخدها
- خالد : خلاص اشوفك بكرة
- جوليا : تشوفني فين انا هاخد العربية وامشي
- خالد : مستنيكي يا جوليا
- جوليا : بطل بقي طريقتك دي انا مش هدخل المطعم
- خالد : ماشي مفيش مشكلة متدخليش
-جوليا : اقفل بقي سلام
- خالد : سلام
........................................................................
- في غرفة تقي وفارس
-تقي : مش ناوى تتكلم معايا.
- فارس : عاوزة ايه يا تقي
- تقي : ليه مقولتش انك اتجوزت قبلي
- فارس : مفيش حاجة بتيجي بالسرعة دي احنا لسه بنعرف بعض
- تقي : بس انا مكنش قصدي الي حصل كان غصب عني
- فارس : نامي
- تقي : مش عاوزة انام يا فارس عاوزة اتكلم معاك ونرجع ذي الأول
- فارس : مش هيحصل طول ما مفيش ثقة بنا يا تقي انا لما جالي الزفت دة وقالي انك كنتي تعرفية مش جيت قولتلك وسمعتك طب ما كنت قادر اطلقك ولا حتي اسيبك ذي الأول ولا اكني اعرفك او ارجعك بيتك من غير ما اطلقك بس انا سألتك حتي لو اتعصبت فدة علشان انتي مراتي يعني اسمك علي اسمي وحقي اغير علي اسمي ومكانتي وعليكي
- تقي : صدقني مش هيحصل تاني انتا بقيت كل حياتي
- فارس : وانتي كمان بقيتي كل حياتي بس لازم نعيد حساباتنا في حاجات كتير الأول علشان منجرحش في بعض
- تقي : حسابات... حسابات ايه