الجميلة والوحش

الفصل الثامن

- في الشركة
- فارس : اسبوع وتبعت رسالة لعلي سليم تقلة انه اتقبل واول ما يجي يكون في مكتبي
- احمد : حاضر يا فندم
- فارس : لو قدمت يوم او أخرت يوم او لقيتة مش في مكتبي اعتبر نفسك مرفود
- احمد : تمام يا فندم
- فارس : جوليا لسه مجتش من السفر
- احمد : جت امبارح يا فندم وهتكون هنا بكرة
- فارس : تمام اتفضل انتا
......................................................................
- علي : هتيلي الورق الي قولتلك عليه وتعالي
- جميلة : بس اصلي يعني
- علي : اصل ايه يا جميلة
- جميلة : اصل في واحد عند
- علي : اممم. جوزها عندها وايه يعني احنا بنشتغل مش بنلعب يا جميلة
- جميلة : الي تشوفه حضرتك عن اذنك
- علي : جميلة حد عملك حاجة
- جميلة : مش فاهمة تقصد ايه حضرتك
-علي : انتي فاهمه كويس اوى الإنسان الي جوة دة جة جمبك
- جميلة بتوتر : ل... لا... مفيش حاجة زي كدة
- نهض علي بغضب وتخطي جميلة وهي تحاول ملاحقة خطواته حتي دخل لمكتب سارة
وجدها جالسة علي المكتب أمام ذالك الزوج الذي يبلغ من العمر ٣٠ سنة... علي وهو ينهضه من قميصة
- علي : اخر مرة تدخل الشركة دي واخر مرة اشوفك قدامي انتا فاهم برة من هنا ولو دخلت الشركة تاني لأي سبب من الأسباب هطلع روحك فاهم
- والشاب اخذ بعضة وذهب بسرعة وزعر
- سارة بغضب : انتا ازاي تطردة من شركتي
- علي : اخر مرة تجيبي حد من الي انتي بتهببيهم هنا والا اقسم بالله اشيل ايدي من كل حاجة
- سارة : انتا بتهددني يا علي عاوز تسبني
- علي : خلاص لو مش عوزاني اهددك نبقي نسمع الكلام لو لسه خايفة ادخل السجن لما اقتلك واحد منهم مثلا ولا هتخافي علي ابنك ليه خافي علي سمعتك
- سارة : وهو عملك ايه علشان تطردة
- علي : علشان مقرف ابقي ركزي لما تكوني معاه بيبقي عنية مع مين وفين يا ست الكل
- سارة :انتا قصدك ايه
- علي : اخر كلام عندي جميلة من النهاردة معايا
- سارة : معاك ازاي يعني
- علي : يعني جميلة من النهاردة سكرتيرتي وهجبلك سكرتيرة تانية بس اقسم بالله لو شميت بس انك جيتي جمب واحدة منهم اعرفي اني مش هعتب ام الشركة دي تاني واشربي بقي
- سارة : دة كله علشان سكرتيرة انا ممكن اطردها واريحك منها
- علي بصوت عالي وغضب : اجي بكرة ملقيش جميلة في مكتبي واعرف انك طردتيها او حتي كلمتيها بس وانتي عارفه انا اقدر اعمل ايه
- سارة :خدها يا علي مفضلش غير انك تفضل سكرتيرة علي امك
- علي : خليكي فاكرة انك فضلتي عيل قد ابنك يبقي جوزك ومعاكي في نفس البيت الي ابنك خرج منه مكسور علشان صورتك متبقاش وحشة اكتر ما هي مقرفة
- واخذ جميلة من يدها وذهب لمكتبة وتركها ووقف أمام زجاج مكتبة ووجهه لايحمل اي تعابير
-جميلة بهمس : استاذ علي
- علي بهدوء عكس ما بداخلة : اممم
- جميلة : حضرتك انا ممكن امشي عادي ومكنش نفسي يحصل دة كله بسببي
- علي : مفيش حاجة حصلت بسببك دة شئ طبيعي بيحصل كل يوم
- جميلة : بس انا مش صغيرة وانا السبب في الي حصل انهاردة
- علي وهو يجلس : دة كان لازم يحصل من بدري بيكي او من غيرك انتي معايا دلوقتي متفكريش بقي ونشوف شغلنا
- جميلة بأبتسامة : انا معاك دايما
- علي : قولتي حاجة
- جميلة : احم... لا ولا حاجة
- علي : طيب اقعدي علشان نشتغل بقي
......................................................................
- في الليل عاد فارس الي القصر ووجهه ظاهر علية التعب
- صفية : مالك يا حبيبي مهموم كدة ليه
- فارس : دة شوية تعب من الشغل بس انا كويس
- صفية : خلاص روح ارتحلك شوية
- وعند نهوض تقي
- فارس : خليكي يا تقي ولو عاوزة تنامي مع والدتك نامي مفيش مشكلة
- صفية : ازاي يا ابني مينفعش هي هتطلع معاك
- فارس : لا خليها معاكي صدقيني انا مش مدايق عارف انها وحشاكي وانا كويس هطلع انام علطول
- صفية : الي انتا عاوزة يا ابني
- نظر لتقي وصعد الي غرفته وعينيها معلقة به لا تريد الإبتعاد عنه أصبح حضنة امان لها أصبحت تدمن قربه مهما كان حاله عصبي او حنون انة زوجها وأيضا حبيبها الان وظلت تفكر هل لم يرحب بحبها له وكيف يرحب فهي فقيرة وضعيفة حتي ان الكثير لم يعرف بجوازهم... هل يوما سيعرفها علي العالم علي انها زوجته ولاكن
- صفيه : تعالي يا بنتي نطلع ننام الفجر قرب يأذن
- صعدت تقي مع صفية وظلت جالسة علي السرير تفكر هل تذهب إليه وبعد قليل سمعت اذان الفجر قامت توضأت وايقظت صفيه وصلت معها
- تقي : اروحلة يا أمي
- صفية : انتي حاسة بايه
- تقي : مش عارفة شوية اه وشوية لا
- صفية : عرفتي تنامي
- تقي : لا
- صفية : يبقي تروحي لجوزك يا بنتي باين عليه تعبان
- نهضت تقي علي الفور كان هذة الجملة هي حبل نجاتها : هروحلة