- فارس : انا جيت اديك الدعوة بنفسي
- علي : شكرا ليك
- فارس : تسمحلي اقعد اعطلك شوية
- علي : اتفضل طبعا
- فارس : حلوة الشركة برضو شبهك
- علي بتعجب : شبهي يعني ايه مش فاهم
- فارس : يعني شفافه كل الناس شيفاها بس الي يشوف من برة يقول انها فيها نشاط ونظام وشغل اكتر
- علي : امال هي ايه في الأصل
- فارس : عطله... بتجيب عطلة لكل الي حواليها ولنفسها
- عليك : قصدك ايه
- فارس : قصدي لو كل واحد في الناس الي برة دي وقف شوية يتفرج علي حركة الشركة هيوقف المشوار الي كان رايحة وكل حد من الشركة وقف يتفرج علي حاجة برة هيوقف الشغل يعني لا سيبه الناس في حالها ولا هي مبسوطة
- علي : دي الشركة ولا انا
- فارس : الي انتا تحبة...
- طلب علي جميلة لتدخل الي المكتب
- علي : تشرب ايه يا استاذ فارس
- فارس : انا مش جي اشرب
- علي : أمم.. تقي عاملة اية صح
- فارس وهو يضم قبضتة بقوة حتي ظهرت عروقة من هو ليردد اسم طفلتة علي لسانه.. انه فقط من يحق له ترديد اسمها فقط وبعكس هذة النار الموقد بداخلة وببرود : ذي الفل
- لاحظت جميلة ردة فعل فارس وضمة ليدية بهذا القدر : احم.. انتا كنت عوزني يا فندم
- علي، : شكرا يا جميلة معلش تعبتك
- جميلة بنظرة حب صادقة : مفيش مشكلة عن اذنك
- لاحظ فارس نظرتها وهدوء علي في الكلام معاها : طيب انا همشي بقي...
- علي : شرفت يا استاذ فارس
- فارس : ينفع اخطف منك الآنسة جميلة توصلني ولا متقدرش تستغني عنها
- علي : مفيش مشكلة.. معلش يا جميلة وصلي استاذ فارس
- جميلة : اتفضل يا استاذ فارس
- خرج فارس وجميلة وراءة ردد بهمس : ممكن تمشي جمبي
- تقدمت جميلة تمشي بجانبة وهي متعجبة من تصرفه : في حاجة يا فندم
- فارس : بتحبية
- توقفت جميلة تنظر له بدهشة الهذا القدر عشقها له مفضوح للملاء الا لقلبه القاسي ذالك
- فارس : وقفتي ليه امشي هقولك حاجة بس وانتي حرة في الي هتقررية
- مشيت جميلة علي خطواته بجانبة وهي تستمع له
- فارس : بوصي المكان مليان كاميرات وهو حاليا شيفنا انا عارف انك بتحبيه وهو معجب بيكي
- جميلة : مين قالك انه معجب بيا.. علي فكرة انا مخطوبة وعارفة انه بيحب مراتك
- فارس بغضب مكبوت : ياريت منجبش سيرة مراتي معاه تاني ممكن
- جميلة بأبتسامة علي غيرتة الظاهرة حتي علي اسم زوجتة : ممكن طبعا بس انا مفهمتش انتا عاوز ايه
- فارس : ولا حاجة انا بس عاوز تيجي معاه يوم الحفلة انتي وخطيبك
- جميلة : مش هينفع
- فارس بعد دخولهم الي المصعد : معاكي ورقة
- جميلة : لا ليه
- اخرج فارس كارت من جيبة : بصي دة الكارت بتاعي كلميني لما تبقي فاضية
- جميلة وهي تاخذة منه : اكلمك ليه.. انا مش هكلمك غير لما افهم
- فارس : صدقيني انا مش عاوز منك حاجة ومش هعرف اقولك دلوقتي احنا خلاص وصلنا لاخر الشركة ابقي اتصلي بيا وهنا ووقف المصعد... خليكي انا هكمل لوحدي ارجعي انتي ولو سألك علي حاجة انتي وصلتيني بس تمام
- جميلة : ماشي
.......................................................................
- نزلت جوليا من البيت وجدت خالد منتظرها بكامل شياكتة ووسامته تلك التي توترها
- جوليا بصوت عالي : انتا ايه الي جيبك هنا
- خالد : هششش صوتك يا ماما في ناس نايمة
- جوليا : وانا مالي بالناس النايمة انا.. رد علي سؤالي يا خالد
- خالد : قلب خالد
- جوليا بارتباك : م.. مش قولنا نبطل بقي انتا غريب اوي.. انا بكلمك بعصبية وانتا بتكلمني ببرود انتا مجنون
- خالد : لو شيفاني مجنون ابقي مجنون بيكي وعيونك الزرقة دي الي بتلمع اول ما تشوفني
- جوليا بخجل تحاول اخفاءة : يوووة بطل بقي الكلام دة بتوتر والله ومش بعرف اتكلم
- خالد : ما هو دة المطلوب يا روحي
- جوليا بتنبيه : خالد بس
-خالد : طب نجرب مش هنخسر حاجة يعني
- جوليا : نجرب ايه
- خالد : تحبي كلامي تبطلي تقوليلي بطل ايه رأيك
- جوليا : لا مش موافقة انتا بتوترني
- خالد : انا معنديش مشكلة تتوتري بس نجرب بس
- جوليا : بطل تبوصلي كدة بقي
- خالد بضحك : ببص ازاي يعني
- جوليا : مش عارفة هيمان كدة وانا بتوتر والله... بقولك ايه انا همشي
- خالد : استني هنا يا حلوة رايحة فين
- جوليا : هركب عربيتي وامشي
- خالد : هتيجي معايا
- جوليا : همشي بعربيتي يا خالد بلاش فضايح
- خالد : هتمشي معايا يا جوليا بفضايح او من غير فضايح
- جوليا : ماشي وانا هاجي معاك
- خالد : ايوة بقي اخيرا
- جوليا : بشرط
- خالد : شرط ايه دة ياختي
- جوليا : تبطل تقول الكلام اللي بتقوله دة ماشي
- خالد : هحاول
- جوليا : خالد
- خالد : خلاص ماشي بينا بقي
- جوليا : كدة اتفقنا يلا بينا بقي هنتاخر
- ذهبت جوليا مع خالد الي أوتيل راقي جدا للتصوير
- خالد : الصراحة مش هخبي عليكي البنات مليكنات فعلا
- جوليا : لازم طبعا علشان هما عارضات ازياء وياريت نركز في الشغل علشان نخلص
- خالد : عنيا بس كدة
- جوليا : ماشي ابدا بقي قبل ما الشمس تمشي
- خالد : ماشي
- ظل خالد ياخذ صور للموديل وأيضا يسرق بعض الصور لجوليا بغير علمها حتي انتهي اليوم وانتهي العمل
- خالد : يلا علشان اوصلك
- جوليا : انا لسه عندي شغل في الشركة مش هروح
- خالد : طيب هوصلك للشركة
- جوليا : مش هينفع علشان ممكن يكون علي هناك
- خالد : مش هناك في شركتة انا كلمتة
- جوليا: خلاص ماشي
- بعد القليل من الوقت وأمام شركة فارس في عربية خالد
- جوليا : كنت عايزة اقولك حاجة
- خالد : في ايه مالك
- أزالت جوليا الخاتم من يدها ووضعته بيده
- خالد : ليه كدة انا زعلتك في حاجة
- جوليا : لا خليه معاك احسن لما يبقي فيه حاجه بنا ابقي لبسهولي
- خالد : انتي عاوزة تفهميني ان مفيش حاجة بنا يا جوليا
- جوليا : لا مفيش حاجة بنا او علي الاقل من نحيتي
- خالد : بس انا مش حاسس كدة
- جوليا : يبقي احساسك غلط من الاول
- خالد : انتي عاوزة تبعدي يعني
- جوليا : مش هبعد بس خلي الخاتم معاك محسسني انك معايا في كل حتة حتي وانا لوحدي
- خالد : ودي حاجة وحشة للدرجادي بتكرهي وجودي معاكي يا جوليا
- جوليا : احساسي انك معايا في كل مكان دة بيوترني مش عارفة افهمك بس انتا مش مديقني في حاجة
- خالد : ماشي انا مش هغصب عليكي الي يريحك برضو
- جوليا : طيب عن اذنك انا هنزل
- خالد : مع السلامة
........................................................................
- سيف : وحشاني اوى
- جميلة : هو انتا هنا من بدري
- سيف بتنهيدة من تهربها : تمام يا جميلة.. انا ياستي هنا من شوية انتي عامله ايه
- جميلة : كويسة عندي شوية صداع بس
- سيف : الف سلامة عليكي
- جميلة : الله يسلمك
- سيف : عملتي ايه في الشغل
- جميلة : ولا حاجة
- سيف : انتي كنتي هتقوليلي هتصرف في حكاية الشغل دى اتصرفتي ازاي
- جميلة : مش هينفع اتصرف دلوقتي
- سيف : يعني ايه مش هينفع ايه الي حصل يعني
- جميلة : مفيش حاجة بس الدنيا متلغبطة في الشركة ومش هينفع اعمل حاجة دلوقتي
- سيف : ماشي بس اهم حاجة عندي اشوفك
- جميلة : احم.. بقولك ايه تروح معايا حفلة بكرة
- سيف : حفلة ايه دي
- جميلة : حفلة تبع الشغل
- سيف : وانا هاجي معاكي ليه لما هي تبع الشغل
- جميلة : هي الصراحة مش تبع شغلي انا هي تبع شركة تانية واحنا معزومين عليها وانا عوزاك معايا ايه هتيجي ولا ايه
- سيف : اجي علشانك بس
- جميلة : شكرا يا سيف
........................................................................
في شركة فارس زين
- فارس : اقعد
- عماد : اؤمرني يا باشا
- فارس وهو يمد له ورقة : امضي
- عماد : معلش في السؤال ايه دي يا باشا
-فارس : ورقة طلاق
- عماد : طلاق مين
- فارس : طلاقك انتا
- عماد : مين قالك اني عاوز اطلق
- فارس : انا قولت
- عماد : بس انا مش هطلق دي مراتي وانا حر أطلقها ولا لا
- فارس : لا مش حر وهتطلق وياريت ننجز انا ورايا شغل
- عماد : تمام اطلق... بس بكام
- فارس بأبتسامة سخرية : بكام كمان
- عماد : كل حاجة بتمنها يا باشا ولا انتا شايف ايه
- فارس : بس انتا واخد كتير لحد دلوقتى ولا انتا شايف ايه
- عماد : مش هيأثر حاجة في بحر الفلوس الي انتا عايش فيه ولا انتا شايف ايه
- فارس : تمام.. الصراحة مكنتش حابب اعمل كدة واجرح مشاعرك بس اعمل ايه يا عمدة انتا الي بتجيبه لنفسك
- عماد : مش فاهم عاوز تقول ايه
- فارس : لا يا عمدة انا مش بقول انا بعمل... وهو يمد يدة بالهاتف أمام أعين عماد... اتفرج معايا كدة دة بوليس انا بلغت عنك أن في واحد بيتاجر في المخدرات وفي مخدرات في بيتة وهما دلوقتي هيطلعو علشان يقبضوا عليك وياخدوا المخدرات وصاحب المخدرات
- عماد بتوتر : ايوة بس انا مش بتاجر في المخدرات
- فارس : خليك باصص معايا كدة ايه الي نزلين بيه دة المخدرات الي انا حططها.. تحب اقولهم علي عنوان الشركة يجوا يخدوك يا عمدة
- عماد : لا يا باشا خدامك قولي اعمل ايه وانا اعملة.
- فارس : امضي علي الطلاق
- مضي عماد بسرعة : حاجة تاني
- فارس : لا. بس خلي بالك متروحش بيتك انهاردة هيتقبض عليك
- خرج عماد وهو غاضب من الشركة باكملها
........................................................................
- في الصباح استيقظت تقي لم تجد فارس بجانبها بل وجدت صندوق صغير قطيفة باللون الاسود فتحته بسرعة وجدت بداخله ورقة... وهي تقرأها... صباح القمر علي احلي تقي في الدنيا قومي كدة من علي السرير وافتحي الدولاب بس الاول شوفي ايه في الصندوق الي في ايدك.. نظرت تقي في الصندوق مرة اخري وجدت عقد الماس باللون الأبيض يخطف الأنفاس وابتسامة شقت هذة الشفاه الوردية.. واغلقت العلبة وتوجهت الي الدولاب وفتحتة وجدت صندوق اخر اكبر.. اخذته ووضعته على السرير وفتحته وجدت بداخله ورقة..... عجبك العقد يا اميرتي يبقي اكيد هتعجبك الجزمة دي من ذوقي شوفيها واطلعي برة الأوضة.. نظرت تقي الي الحذاء الموضوع بداخلها واتسعت عينيها من جمال ذلك الحذاء باللون الاسود الذي يتميز ببريق لامع وكعب عالي تركتة تقي واتجهت للخروج من الغرفة فوجدت أمام قدميها علبة صغيرة وأيضا باللون الاسود يوجد بداخلها خاتم نفس لون العقد الأبيض من الألماس وبجانبه دبلة رجالي باللون الاسود.. نظرت أمامها وجدت الكثير من الورود علي الارض فمرت عليها تري الي اين تنتهي هذة الورود حتي وصلت الي غرفة مظلمة فقط ينيرها ذلك التاج الموضوع علي صندوق اكبر من السابق وأيضا باللون الاسود توجهت إليه بعد اناره الغرفة المفروشة بالورد الأحمر وأخذت التاج ترتدية أمام المرآة المكتوب عليها.... اكيد التاج يجنن عليكي يا مولاتي اتمني يكون عجبك متنسيش بقي الصندوق الي علي السرير.. ابتسمت تقي بسعادة واوشكت دموعها علي الهطول من السعادة هل يحبها لهذا القدر وافتتحت الصندوق الكبير وانبهرت بجمال ذلك الثوب الاسود الرقيق المرصع بالكثير من الكريستال الأبيض وبنفس الوقت يحمل الكثير من الشياكة يكفي انه لونه المفضل... اخرجتة من الصندوق واحتضنتة بلهفة ودموعها تهطل بسعادة.. ونظرت بداخل الصندوق وجدت حجاب باللون الأبيض المنطفئ ومعه ورقة يوجد بداخلها... دة أجمل فستان انا صممتة في حياتي لانه لاجمل وارق انسانه في العالم.. انا بحبك.... في حاجة تاني في الصندوق شوفيها... وجدت بداخلة صورة لها مرسومة بذلك الفستان الذي اغصبت لترتدية... اظن فكرة الفستان دة الصراحة انا كنت بشتغل سعتها بس لما عجبني الفستان قولتلك تقعدي قدامي ورسمتك اتمني الرسمة تعجبك وابقي قدرت اعبر عن جمالك في الصورة.... اشوفك بليل يا مولاتي
.......................................................................
- في الليل بعد التحضير للحفلة حتي تناسب عرض أزياء الشركة
- جوليا : فين الفستان يا فارس مفيش وقت
- فارس : قولتلك متشليش همة انا هظبت كل حاجه
- جوليا : طب فهمني ايه الي هيحصل بدل ما انا متلغبطة كدة
- فارس : فين تقي طيب
- جوليا : فارس العرض هيبدأ وانتا بتقولي فين تقي انتا بتهزر
- فارس : ماعلشان العرض هيبدأ بقولك فين تقي
- جوليا : مش عارفة انا سبتها بتلبس زمنها قربت تخلص بس ايه علاقة تقي بالعرض والفستان
- فارس وهو يري تقي تنزل علي السلالم بهذا الجمال الخيالي بذلك الحجاب الذي يزيدها نورا لوجهها الأبيض الذي بزينة القليل جدا من المكياج وجسدها الذي يتناسق مع ذلك الفستان الذي زاد جمالا بجمالها
- فارس : علشان دة الفستان الرئيسي
أنت تقرأ
الجميلة والوحش
Romanceفتاة رقيقة جميلة وهادئة تنتظر الفارس الذي يقودها يوم ما الي قصر عشقة ولكنها وقعت في يد ذلك الوحش الغامض وبالفعل اثرها في ذلك القصر الذي رفض تركها او ذهابها الي اي مكان ♥️
