الجميلة والوحش

الجزء السابع عشر

- جوليا بصدمة وصوت عالي : بت في عينك ايه الي بتعمله دة
- خالد : لو مش عاوزة تتفضحي خليني اطلع
- جوليا : اكيد لا طبعا مش هتطلع وامشي بقي من هنا
- خالد : طب ردي عليا نتكلم طيب بدل الفضايح دي
- جوليا : لا مش هكلمك ومش هتطلع وامشي بقي... وهي تنظر للشرف التي افتتح نورها واحدة تلو الأخرى وأفراد البيت يشاهدوا خالد وجوليا بأستمتاع واخر منزعج
- جوليا : فضحتني يا زفت
- خالد : هاتي تليفونك وردي عليا
- جلبت جوليا الهاتف بتأفف وعادت مرة أخرى تنظر له
- خالد : ما كان من الاول
- جوليا : نعم عاوز ايه
- خالد : هطلع
- جوليا : لا طبعا
- خالد : ليه طيب
- جوليا : انا لوحدي علي فكرة ومش هدخلك
- خالد : هنقعد قدام الباب
- جوليا : ايه الجنان دة والناس تتفرج عليا
- خالد :طيب يبقي موافقة سلام انا طالع... وأغلق الهاتف وصعد
- جوليا : اس.. استني. وهي تنظر له حتي كادت تسقط من الشرفة فدخلت للداخل تفتح الباب وجدتة بوجهها
- جوليا :ايه الي بتعملة دة انتا اتجننت
- خالد : بحبك
- جوليا وقد احمرت خجلا من كلماته تلك التي تحدث شئ في قلبها يجعلة يدق بجنون : مش قولنا بلاش الكلام دة
- خالد : ازاى طيب يبقي قدامي القمر دة كلة واقول بلااش
- جوليا : عاوز ايه يا خالد في الوقت دة مش عيب الفضايح دى انتا لسه صغير
- خالد : هنتعشي مع بعض
- جوليا : انا مش بتعشي يا خالد خد اكلك وكله لوحدك بقي
- خالد : هتتعشي معايا دة انا جيبلك حاجة بتحبيها
- جوليا : جايب ايه
- خالد : شاورما مش بتحبيها
- ظهرت ابتسامة علي شفاه جوليا اخفتها بسرعة : هو.. لا انا مش جعانة.. وبعدين مش بتعشي انا في حاجة اسمها رجيم
- خالد وهو ينظر لشفاها التي ابتسمت لحظة أصبح يعشق ابتسامتها الرقيقة تلك : طيب انا هقعد علي السلم هنا اكل عاوزة تيجي تعالي
- جوليا : لا
- خالد : لو مش عاوزة انا ممكن اغنيلك اغنية باسمك تجنن والصراحة انا صوتي يجنن اكتر واحتمال نتمسك آداب احنا الاتنين
- جوليا : خلاص.. خلاص... هطلع
- خالد : شطورة يلا
- جوليا : اغير طيب واجي
- خالد : ليه حلو الروب دة علي الاقل طويل بس هو تحتية حاجة ولا
- اغلقت جوليا الباب بوجهه
- خالد : يبقي ولا... طيب هنستناكي علي السلم بقي
- جوليا : وطي صوتك يا زفت
- خالد : شكرا ليكي علي الزفت
- ابتسمت جوليا وذهبت لترتدي ملابسها
بعد قليل علي السلم
- جوليا : هات السندوتش
- خالد وهو يقبل باطن يدها ويضع بها السندوتش : كان نفسي اقولك هاتي انتي الأول بس يلااا
- جوليا : اجيب انا الأول ايه عاوز سندوتش
- خالد : عاوز حاجة تاني كدة بتبتسم وتستخبي بسرعة
- جوليا وهي تفكر وفجأة تذكرت ووضعت اصابعها علي شفاهها : انتا...
- خالد : ايوة هي دي.. كلي بقي
- جوليا : انتا انسان مستفز
- خالد : ما تاخدي فيا ثواب وتنيميني في البلكونة
- اندمجت جوليا في الطعام ولم تجاوبة
- خالد : انا مش بكلمك
- جوليا : نعم.. عاوز ايه.. نعم
- خالد : مش عاوز كلي اومال لو بتتعشي كنتي كلتيني
- جوليا : انتا جايب الاكل وعينك فية
- خالد : خلاص يا ستي بالهنا والشفا
- ظلت تاكل جوليا وخالد ينظر لها حتي انتهت من الاكل
- جوليا : آآآه.. بطني وجعتني من كتر الاكل.. علي بيتك بقي
- خالد : طيب سلام بقي
- جوليا وهي تنهض : ممكن متعملش فضايح تاني علشان انا طول عمرى في حالي مش هاجي بعد دة كله انفضح كدة
- خالد : بس كدة عيوني للقمر
- جوليا : شكرا
........................................................................
فى صباح جديد علي ذلك البيت الذي يحمل الان الكثير من الحب والسعادة لأفرادة.. الان فقط أصبحت تملأه الحيوية والبهجة
- استيقظت تقي بنشاط لذلك اليوم الذي يملأه الحماس وأخذت شاور وصففت شعرها وعادت الي الفراش تطبع قبلة علي وجة ذلك النائم
- فارس وهو يفتتح عينية ببطء : انتى ايه الي صحاكي
- تقي : في حاجة محيراني
- فارس وهو يعتدل بجلستة :ايه هي
- تقي : انتا عرفتني منين
- فارس : انتي المفروض السؤال دة اتسأل من بدري سكتي ليه
- تقي : مكنتش متخيلة انك في يوم تحبني وتعرفني علي العالم بتاعك علي اني مراتك ومكنتش هسأل لو كنت فضلت محدش عرفني كدة لان مش هيبقي ليه فايدة لو سبتني في اي وقت
- فارس : طيب انا عرفتك منين.. هقولك بس صدقيني انا حاليا ميفرقش معايا اي حد غيرك
- تقي : انا مصدقاك قول
- فارس : يوم موت بابا انا كنت تايه مكنتش عارف اعمل ايه كانت صعبة بالنسبالي جدا وخصوصا انه مكنش عندة مرض ولا اي حاجة الموضوع جه فجأة سعتها روحت حاجة زى بار كدة
- تقي : نعم.. روحت كبارية
- فارس بقهقه : حاجة ذي كدة.. شربت كتير لحد ما لقيت رسالة وصلتني من المحامي بتاعي ان مرات ابويا فتحت الوصية من غير علمي وان بابا كاتب في الوصية علشان اخد الفيلا دي منها لازم اتجوز
- تقي : طب هو ليه يعمل كدة هو مكنش بيحبك
- فارس : بالعكس كان بيحبني جدا بس انا من بعد موت سيلا وماما وانا قررت مش هتجوز تاني
- تقي : احم.. كان اسمها سيلا
- فارس : اه هي كانت طيبة جدا اتجوزتها علشانها مش عشاني
- تقي : ازاي يعني
- فارس : هي كانت ممرضة وقبلتها لما كانت أمي تعبانة وحكتلي انها عندها مرض وحش ومش معاها فلوس ومش عارفة تشتغل كل ما تشتغل في مستشفي تتعب ويطردوها لحد ما جت في دماغي اني اتجوزها واهو اساعدها في العلاج واتجوزتها واشترتلها بيت تقعد فية
- تقي : هو انتي مش اتجوزتها ازاي تقعد هي في بيت
- فارس : جواز سورى يا تقي يعني هي في بيتها وانا في بيتي ودة محدش عرفة غير جوليا وانتي
- تقي : بس هي مقلتش ليا دة
- فارس : علشان عارفة اني مش بحب حد يعرف الموضوع دة خالص
-تقي : طيب كمل
- فارس : بس يا ستي وفي يوم اتصلت بيا انها تعبانة وانا كنت في اجتماع شغل ومشوفتش الموبايل غير بعد الاجتماع عقبال ما وصلت كان قلبها وقف وماتت
- تقي : دة نصيبها يا فارس هو دة عمرها
- فارس : بس انا لو كنت شوفت الرسالة كان زمنها عاشت ولحقتها دة لو كنت وصلت بدري... واليوم الي سبتك فية وجيت لقيتك مغمي عليكي حسيت ان الحكاية بتعيد نفسها تاني كان قلبي بيقف كل ما يقولولي ان قلبك وقف وكل ما يحولو يفشلوا كنت حاسس اني تايه وعاجز عن أي حاجة لحد ما قلبك رجع اشتغل تاني واليوم الي ضحكتي عليا فية لما كنتي نايمة علي الارض انا قولت خلاص حياتي وقفت هنا
- تقي وهي تحتضنة بحنان : انا اسفة والله مكنش قصدي يحصلك كل دة
- فارس : انا عارف يا روحي
- تقي : قولي بقي عرفتني ازاي
- فارس : ساعت لما وصلتني الرسالة انا مكنتش عارف اعمل ايه معنديش صحاب غير جوليا وكانت مسافرة تسد مكاني في الشغل سمعت حد جمبي بيقول بس هي مش بنتي ودة كان عماد الي هو جوز امك وفضلت اسمع الكلام الي بيتقال لحد ما فهمت ان جوز امك عاوز يبيعك لصاحب المكان الي احنا كنا قعدين فيه
- تقي بصدمة : ايه طب وليه يعمل كدة واشمعنا للراجل دة
- فارس وهو يمرر يدة علي وجهه : ذي ما باعك ليا بتمن اغلي
- هطلت دموع تقي : هو انا للدرجادي كنت رخيصة علشان يبعني لكل واحد شوية علي كدة كان بيوريهم صورتي ولا بالجملة كدة وخلاص
- فارس وهو يضمها إليه يهدئها : علشان مفيش زيك في العالم دة دلوقتي انتي انقي وحدة شوفتها في حياتي بريئة ومش بتعرفي تأذي حد ودة الي شدني ليكي في الأول علشان كدة الزفت دة استغل طيبتك وطيبت امك.. انا الصراحة قرفت من الكلام الي اتقال وأسلوب البيع الرخيص دة وانا عارف انه لو كان اداكي للراجل دة كان المكان دة هيبقي ليكي
- تقي : روحت اشترتني انتا صح علشان الورث
- فارس : انا قولتلك قبل كل حاجة انا حاليا مش هممني غيرك انا اتجوزت بالحلال اه هي الطريقة وحشة بس ذي ما قولتي في الأول دة نصيب وانتي نصيبي لو مكنتش روحت هناك مكنتش اتجوزك ولا حبيتك
- تقي : انا كمان عاوزة اعترفلك بحاجة
- فارس :" تعترفي.. تعترفي بأيه"
- تقي : انا.. انا ليا اخ
- فارس بصدمة : ايه ليكي ايه
- تقي : ليا اخ.. عندي اخ أصغر مني
- فارس : فين دة انا مشوفتش ليكي اخ خالص
- تقي : اصل هو مسافر من بدري
- فارس : مش فاهم ازاي يعني ليكي اخ ومسافر وسيبكوا لعماد دة
- تقي : ما هو اخويا من عماد
- فارس : يعني ابنة قبل ما يتجوز امك
- تقي : لا اخويا من امي وعماد انتا فاهم حاجة
- فارس : فهمت اه بس هو فين
- تقي : سافر ومحدش يعرف عنه حاجة قال هيتطوع في الجيش ومجاش واحنا معرفناش نوصلو خالص
- فارس : بس ازاي انا معرفتش حاجة ذي كدة انا فاكر اني سألت كويس علي عماد والعيلة كلها
- تقي : اصل احنا في حالنا ومحدش يعرفنا اوي فاهتلاقي الناس ميعرفوش حاجة
- فارس : اسمة ايه اخوكي دة
- تقي : اسمه خالد
- فارس : ماشي يا عم خالد اما نشوف اراضيك فين.. ننزل نفطر بقي
- تقي : ماشي ننزل
........................................................................
- جوليا وهي تبحث بعينيها علي خالد في المطعم الذي دائما يبقي بداخلة ولكنها لم تجدة
- جوليا : لو سمحت كان في واحد بيجي هنا دايما هو اسمه خالد لو تعرفة انا بدور عليه متعرفش فين
- الجرسون : خالد.. دة صاحب المطعم
- جوليا : نعم.. صاحب المطعم ازاي يعني هو قال انه بس بيحب يقعد هنا
- الجرسون : الصراحة مش عارف هو قال لحضرتك ايه بس هو صاحب المكان دة وهو فعلا أغلبية الوقت هنا
- جوليا : طب هو فين انا دورت عليه كتير
- الجرسون : هو لسه مجاش انهاردة ومش عارف هيجي ولا لا ممكن تتصلي بيه لو معاكي رقمة
- جوليا : اتصلت بيه كتير مش بيرد
- الجرسون : لو عاوزة تستنيه اتفضلي اقعدي ممكن يجي
- جوليا : لا شكرا انا همشي دلوقتي وهبقي اجي تاني
- الجرسون : ماشي عن اذنك
- جوليا : اتفضل
- ظلت جوليا تبحث عنة ولاكن لم تجدة.. لماذا لم يقل ان المطعم ملكه.. أيضا لماذا يختفي هكذا دون علمها... ولكن لماذا يخبرها.. ظلت جوليا تحدث نفسها حتي صعد رنين هاتفها باسم فارس
- جوليا : نعم يا فارس
- فارس : مال صوتك في حاجة
- جوليا : لا مفيش كنت متصل ليه
- فارس : تعالي علي بيتي دلوقتي
- جوليا : في القصر
- فارس : لا في الفيلا ومتتاخريش
- جوليا : طيب والشغل
- فارس : تعالي بس وبعدين نشوف الشغل
- جوليا : حاضر في الطريق اهو
- فارس : مستنيكي
........................................................................
- فارس : جوليا هتيجي دلوقتي هتقعد معاكي هتعلمك شوية حاجات ركزي معاها كويس ماشي
- تقي : هتعلمني ايه هاا
- فارس : لما تيجي هتعرفي
- تقي : طب قولي وانا مش هقول لحد عندي فضول
- فارس : هو انتي هبلة ولا دة طبيعي قولت هتيجي وتعرفي هي في الطريق اسكتي بقي
- تقي بزعل : زعلانة منك يا فروسي
- فارس : بلاش فروسي دى واحنا في الصالة كدة شكلك انتي الي هيبقي وحش انا مش عندي مشكلة
- تقي : عيب علي فكرة الي بتقولة دة
- فارس : بقولك ايه ما تعامليني ذي اختك يعني وحني عليا
- تقي : معنديش اخوات بنات
- فارس : طب ذي جوزك طيب اي حاجة
- تقي : اعملك ايه يعني مش فاهمة
- فارس : قربي وانا اقولك
- تقي وهي تبتعد لآخر الاريكة : قول من بعيد يا فارس في ناس في البيت
- اقترب فارس منها حتي أصبح لا يفصلهم انش واحد : انا قولت أقرب انا
- تقي : فارس هنتفضح عيب كدة
- فارس وهو يطبع قلبه علي وجنتها المتوردة : نتفضح ايه المشكلة
- تقي : فارس!!
- فارس وهو يطبع قبلة علي شفاهها برقة : قلب فارس
- تقي وهي تغمض عينيها بقوة وتتمسك بقميصة تخفي وجهها بكتفة : بص وراك بقي
- نظر فارس خلفة : احم.. جوليا جيتي بسرعة