الجميلة والوحش

الفصل السابع

- سوزى : انا عارفة انك جوز امها
- عماد : وذي ابوها كمان اؤمري ايه سر الزيارة
- سوزى وهي تخرج من شنطتها الكثير من المال : نتفق
- عماد وهو ينظر الي المال بلهفة : نتفق علي الي انتي عوزاة اؤمريني
- سوزي : تقي تتطلق
- عماد : عنيا بس ازاي
- سوزى : اول حاجة عوزاك تدخل القصر كانك بتطمن عليهم
- عماد : بس كدة سهلة بس وبعدين
- سوزى : عوزك تعرفلي حبها ولا لسة يعني تشوف المعاملة بينهم عاملة ازاي بس حاول علي قد ما تقدر تجمع معلومات عنهم وايه الي بيحصل بينهم
- عماد : انا جاهز انفذ امتة
- سوزي : بكرة تروح علي معاد رجوع فارس من الشغل وانا هبقي قيلالك الوقت
- عماد : طب الفلوس
- سوزى : بعد ما تجيلي بمعلومات هتخدهم
- عماد : ومالوا الصبر حلو برضو
........................................................................
- فارس : انا هطلع انام شوية بقي علشان ورايا شغل كتير بكرة عن اذنكو
- صفية : اذنك معاك يا ابني... قومي يا تقي مع جوزك
- تقي وهي تشرب شرقت وقعدت تكح وفارس كاتم ضحكته بالعافية
- تقي : اقوم معاه فين
- صفية : هو ايه الي اقوم معاه فين اطلعي نامي وانا شوية وهنام يلا جوزك شغال من الصبح وتعبان
- تقي : اعمله ايه يعني ما هيطلع ينام خليني قاعدة معاكي
- فارس وهو ينظر لها بشماته : خلاص خليها معاكي انا اصلا هطلع انام علطول مش هتعملي حاجة وتركها وصعد لغرفتة وهو كاتم ضحكتة وهي تنظر له بغيظ
وبعد ذهابة
- صفية : لو مطلعتيش لجوزك زعلي هيزيد ومش هتعرفي تصلحيني انا لسه زعلانة منك من الصبح انا قولتلك اهو
- تقي : ليه بس كدة... طب اقولك انام في حضنك انهاردة اهو اصالحك كمان ايه رأيك
- صفية بحزم : تقييي!!
- تقي بحنق : هقوم اهو خلاص افرحي بقي في بنتك مش ام انتي الله يسامحك يالي في بالي
- صفية : انتي لسه هتقعدي تعددي اخلصي قومي
- نهضت تقي بغضب وهي تقدم خطوة وتأخر خطوة حتي وصلت لغرفتهم ودخلت وجدتة جالس علي السرير ونصفة عاري وعينية للسقف وذهبت جلست علي الاريكة بهدوء
- فارس وهو مازال عينية مثبتة في السقف : قاعدة بعيد ليه
- انتفضت تقي عندما سمعت صوتة : احم... مش هنام دلوقتي
- فارس : تعالي اقعدي علي السرير لحد ما تنامي
- نهضت تقي ونامت بجانبة بدون كلام وظل فارس صامتا فقط ينظر إليها حتي انتظمت انفاسها فعلم انها غطت في النوم وظل علي حاله حتي نام هو الاخر

- في الصباح..... استيقظ فارس وجد تقي تقيدة بيديها ورجليها وواضعة رأسها علي صدرة وكلما حاول إزالة يدها ترجعها مرة اخري
- فارس بفروغ صبر : تقي
- تقي بنوم : اممم
- فارس : تقي قومي ورايا شغل
- تقي بحزم وهي مازالت نائمة : لا
- فارس بصدمة وهو ينظر لها يتأكد من نومها : هو ايه الي لا قومي يا بنتي ورايا شغل
- تقي : لا خليك
- فارس وهو يمرر اصابعة علي ذراعيها ببطء : خلاص خلينا كدة انا موافق
- عندما شعرت تقي بيدية نهضت بسرعة هي تعدل من حالة شعرها الفوضوي
- تقي بتوتر : انا... انا... احم... مكنش قصدي
- فارس : عارف... طلع نومك تقيل وكمان خوافة
- تقي : انا.. انتا بتكلمني انا
- نهض فارس وتوجه الي المرحاض ودخل وخرج مرة أخرى : زودي عليهم قصيرة... عدي معايا كدة نومك تقيل وخوافة وقصيرة..... ودخل مرة أخرى
- لحظات وخرج فارس وعلي خصرة منشفة وعندما راتة تقي دخلت الي المرحاض بسرعة وخرجت بعد قليل وجدتة يمشط شعرة أمام المرآة وهو يرتدي بنطلون باللون الاسود وقميص باللون الاسود يزداد جاذبية علي جاذبيتة
- تقي وهي تنظر له باعجاب : هو انتا ليه كل لبسك اسود
- فارس : عادي لون بحبة
- تقي : مش للدرجة دي حرام عليك خنقتك
- فارس : انا مش مخنوق.... يا قصيرة
- تقي بحنق : بطل تقولي قصيرة دي انا مش قصيرة
- فارس وهو يقترب منها وينزل لمستواها : شوفتي نزلتلك قد ايه يبقي قصيرة
- تقي بتوتر من قربة : احم.... علي فكرة انتا الي طويل اوى انا مش قصيرة
- فارس وهو ينظر الي توترها : انتي شايفة كدة
- تقي : عاوز ايه مني انتا
- فارس : ولا حاجة عاوزك انتي
- تقي : عوزني انا ازاي يعني ما انا اهو
- فارس : عاوز اعرف مين انتي كنتي ايه قبل ما نتجوز وحاسة بايه من نحيتي عاوز اعرف كل حاجة عنك
- تقي : ليه عاوز تعرف عني دة كلة مش انتا متجوزيني علشان الورث بس
- فارس : اه بس حاليا بقيتي مراتي ومن حقي اعرف عنك كل حاجة
- تقي : وانا كمان من حقي اعرف عنك كل حاجة
- فارس : وانا موافق... انتي موافقة اعرف عنك كل حاجة
- تقي : موافقة.. بس دلوقتي يعني
- فارس وهو يطبع قبلة علي وجنتها المتوردة : لا لما ارجع تاني نبقي نقعد نتكلم انا اتاخرت
- تقي بخجل وابتسامة ساحرة : احم... هستناك..
- فارس : وانا مش هتأخر وهسيب الباب مفتوح علشان والدتك متحسش بحاجة بس مش معني كدة انك تخرجي او تفتحي لحد
- تقي : متخفش مش ههرب منك
- فارس : لا أخاف
- تقي : حتي لو هربت انتا تعرف تجبني
- فارس : لو هربتي مش هفكر اجيبك لأنك انتي الي مشيتي مش انا الي مشيتك
- تقي : انتا غريب اوي تسيب مراتك عادي كدة متعرفش عنها حاجة
- فارس : اتعلمي تفكرى في كلامك قبل ما يخرج منك... انتي الي هتهربي يعني انتي مفكرتيش فيا ولا في شكلي ولا حتي جوزك يبقي مين الي غريب فينا
- تقي : بس انا عمري ما ههرب منك
- فارس : وانا عمرى ما هسيبك تهربي
- تقي : ليه علشان الورث
- فارس : لنفس السبب الي مش هتهربي علشانه
- تقي : الي هو ايه
- فارس : انا اتاخرت علي الشغل... وهو ينحني يقبل شفتيها برقة ويعود مرة اخري..... متنسيش تدعيلي وانتي بتصلي
- تقي لم تتفوة بكلمة من صدمتها وخجلها
- فارس بأبتسامة : مالك
- تقي : احم... ولا حاجة.... انتا قولت حاجة
- فارس : عاوزة تسمعي تاني حاضر
- عادت تقي خطوات للوراء : لا خلاص مش عاوزة
- فارس وهو يخرج من الغرفة : عاوزة حاجة
- تقي : مش هتفطر
- فارس : لا هتاخر اكتر انا همشي لما اجي ابقي اكل
- تقي : ماشي
- ذهب فارس لعملة وارتدت تقي الاسدال لتصلي فرضها وأخذت تدعو لفارس بسعادة من تغيرة الملحوظ
.......................................................................
- بعد قليل في الشركة
- احمد : الي اسمة علي سليم ساب لحضرتك السي في بتاعه.... وساب معاة ورقة وقال دي حضرتك لازم تشوفها
- اخذ فارس الورقة وهو يقرءها زادت عصبيتة شيئا فشيئا ونهض فجأة
- فارس بغضب : هتلي السي في بتاعة بسرعة
- خرج احمد وعاد بالسي في واخذة منه فارس واخذ يعبث به وتركة وذهب
.....................................................................
- في نفس الوقت ذهب عماد الي القصر ودق الباب
- عند نزول تقي من فوق وجدت صفية تفتح الباب
- تقي بفزع : لا يا ماما متفتحيش
- ولاكن قد فات الأوان وافتتح الباب ودخل عماد
- صفية : انتا ايه الي جابك هنا مش خلصنا منك خلاص
- عماد وهو ينظر لتقي وهى مرتدية الاسدال وواقفة علي السلالم بخوف من عودة فارس في ذلك الوقت
- عماد : جيت اطمن علي بنتي ايه السؤال حرم
- تقي وهي تنزل السلالم : انا كويسة امشي بقي من غير مشاكل
- عماد : ليه هو الباشا منعك تفتحي لحد ولا لسه مأخدتوش علي بعض ولا ايه
- توترت تقي ولم تتكلم وهو لاحظ توترها
- صفية : وانتا مالك يا اخي هما حرين امشي بقي مش قبضت تمنها عاوز منها ايه تاني
- عماد : ما بقول جي اطمن علي بنتي ومراتي ايه مخك فين... وهو يجلس علي الاريكة... مش هتقولولي اتفضل ولا ايه
- صفية : لا مش هتتفضل وهتخرج وهتطلقني يا عماد
- عماد بقهقهة : اطلقك دة في أحلامك يا حلوة انتي وبنتك
وهنا دخل فارس القصر ووجة يحمل الكثير من الغضب
- فارس : انتا ايه الي جابك هنا
- عماد بتوتر : انا... انا جيت اطمن علي بنتي
- فارس وهو ياخذ تقي من يدها وينظر الي عماد : اجي ملقيش خيالك هنا انتا فاهم اخر مرة اشوف وشك هنا... وتوجه الي المكتب
- تقي بألم : في ايه سيب ايدي
- ترك فارس يدها واخذ يأتي ويذهب بغضب حتي وقف أمامها وعينية مش الجمر : تعرفي علي سليم منين
- تقي : علي سليم مين انا معرفش حد بالاسم دة
- فارس بصوت عالي : احنا هنكدب من اولها بقي انا يجيلي واحد يقولي سلملي علي المدام تقي اصل احنا كنا صحاب وجتلك قبل كدة من غير سي في وكنت فاكر انك هتقبلي علشان الصداقة الي بيني وبين المدام مين دة انطقي
- تقي بخوف ودموعها تهطل :والله ما اعرفة انا عمري ما صحبت حد ولا حتي بنات
- فارس : ولما انتي مش بتحبي حد هيعرفك منين بقي هو تقدري تقوليلي عرف اسمك منين ولا عرف اني اتجوزك منين اصلا
- تقي : معرفش بقولك معرفش.... انتا ليه مش مصدقني
- فارس : اصدقك دة انا كنت خلاص قربت اثق فيكي واصفالك بس ليه لازم تهدي كل حاجة بعاملك علي انك طفلة وشغال اسايس فيكي علشان تخدي عليا واستحمل دلعك وجبتلك امك علشان تحسي بالامان الي انتي مش بتحسي بي في قربي بس دة كله خسارة فيكي
- تقي : والله ما اعرفة.. انا لو عرفاه هقولك... انتا ليه بتعمل كدة ليه عاوز تفضل صورتك قاسية في عنيا... دة انا... انا
- فارس بغضب : انتي ايه ما تنطقي
- تقي وهي مغلقة عينيها بقوة : حبيتك
- فارس وأصبح قلبه ينبض بشدة علي هذا الاعتراف : بتحبيني
- تقي وهي تجلس في الأرض وتضم ركبتيها بصدرها وتدفن وجهها بهم وصوت شهقاتها يخترق مسامع فارس الذي ينظر لها بصدمة
- تقي من بين شهقاتها : كل يوم بقول هتتغير وكل يوم بحس انك مصمم اشوفك وحش وبالرغم من دة حبيت قسوتك وحبيت ضعفي قدامك وحبيت قوتك وحنيتك واة معرفتش يعني ايه امان وانا جمبك مش معقول هحس بيه ازاي وانتا كل شوية بحال شوية متعصب وشوية حنين
- فارس : انتي كنتي في كلية تجارة
- تقي وهي ترفع عينيها الحمراء من البكاء : اه.. ليه
- فارس : صحبتي حد
- تقي : قولتلك مش بصاحب حد
- فارس : ولا حتي بنات
- تقي : لا
- فارس : ماشي انا هشوف آخرة ابن ال.....؛
- تقي : هتعمله ايه
- امسك بيديها يوقفها وازال دموعها باصابعة : لما ارجع نبقي نتكلم... وخرج وتركها
-فارس : الزفت دة مشي
- صفية : كان عاوز يدخل ليكوا وطلعتوا بالعافية
- فارس : خلاص انا هشوف حسابي معاه
- صفية : بقولك يا ابني
- فارس : اتفضلي عاوزة حاجة
- صفية : تقي غلبانه وبتحبك وعمرها ما زعلت حد منها متقساش عليها الي شفته علي ايد عماد مش قليل وانا لو تقيلة عليكوا او هزعجكوا امشي وصح انا الي فتحت الباب مش تقي وهي مكنتش تعرف
- فارس وهو يقبل يدها : متقلقيش علي تقي هي في عنيا وصدقيني البيت بيكي بقي فيه حياه وانا مرتاح جدا في وجودك هي بس شوية مشاكل صغيرة وهتتحل متقلقيش انتي بس
- وهي تمرر يدها علي شعرة : بيتك هيبقي في حياه لما عيالك يبقوا فيه وحواليك ربنا يرزقك
- فارس : ان شاءالله... معلش انا مستعجل ولازم امشي
- صفيه : مع السلامة يا حبيبي
................................................................ ......
- سوزى : معرفتش مين الي كانوا بيتكلموا عليه دة
- عماد : ملحقتش اعرف غير أنه واحد عارف البت وجاله الشركة والبت متعرفش عنه حاجة خالص
-سوزى : سمعت اسمه طيب اي حاجة ما تنطق
- عماد : اسمه علي سليم دة الي عرفتة ومن طريقة كلامهم هما لسة محبوش بعض ولا خدو علي بعض حتي
- سوزى بأبتسامة نصر : حلو اوى كدة فاضل بس اشوف مين الواد دة هيوفر عليا كتير
- عماد : الفلوس يا هانم
- أخرجت من شنطتها الكثير من المال ووضعهم بيدة
- عماد وهو ينظر للمال بفرحة : خدامك وقت ما تحبي يا هانم
- سوزى : لما اعوزك تاني هكلمك وإياك اعرف ان حد عرف باي حاجة قولتهالك