الجميلة والوحش

الجزء السادس والعشرين

- علي : هو ايه الي مش هدهالك دي مراتي
- فارس : مش هتخودها
- خالد : فارس بلاش شغل العيال دة واديلة مراتة
- فارس : ثواني كدة..... وبصوت عالي.... جميييييلة
- صعد صوت من الداخل : نعم
- فارس : عوزة تروحي معاه
- جميلة : لا خليه يروح لوحدة
- فارس : مجبتش حاجه من عندي
- علي : انتا عامل فيها ايه
- فارس : والله مراتك في الحفظ وفي الصون لحد ما تطلب بنفسها انها ترجعلك
- خالد : انتا ازاي اخدتها من ابوها قبل ما احنا نوصل
- فلاش باااااك
- علي : انا جوز جميلة
- محمد والد جميلة : مراتك مع اخوها
- علي : اخوها... اخوها مين دة
- محمد : فارس
- خالد : فارس مين معلش
- محمد : فارس زين
- خالد : نعم فارس مين حضرتك الي اخوها واخوها ازاي اصلا
- محمد : انا قولت اخوها يبقي اخوها بنتي وانا حر فيها
- علي : بس دي مراتي يا عمي يعني انا أولي اني اخوها مش واحد غريب
- محمد : الغريب عارف قيمتها وجوزها ميعرفش عن قيمتها حاجة يبقي مين أولي
- علي : انتا مين قلك الكلام دة انا الي طلبت اتجوز جميلة
- محمد : اظن عارف بيت فارس روح خد مراتك
- خالد : خلاص يا علي تعالا نرجع علي بيت فارس
- علي : انتا مصدق الكلام دة ابوها يسلمها لواحد غريب وانا جوزها هو في كدة
- محمد : فين عقد الجواز يا جوزها
- علي : ياعمي احنا لسه كتبين الكتاب مكملناش قوم حتي
- محمد : ورقة جوازك مع فارس يا جوزها
- خالد : ايه ازاي عرف يجبها
- علي : مفيش حاجه بعيدة علي فارس
- خالد : طب شكرا اوى يا عمي احنا هنطر نمشي بقا
- محمد : كان نفسي اقولك تدخل تاخد ضيافتك بس انا حالف انك تدخل وفي ايدك بنتي
- علي : هجيلك بيها ياعمي وسعتها هاخد الضيافة ورضاك كمان
- محمد : ربنا يقرب القلوب يابني
- علي : يارب
- باااااااااااك
- خالد : طب ينفع مراتي
- فارس : ثواني كدة.... جولياااا
- جوليا : نعم
- خالد : والله لو مطلعتيش قدامي دلوقت لهد المعبد علي الي فيه
- فارس : انتا نرفوز ليه يا خلو..... جوليااااا
- جوليا : نعم
- فارس : تعالي يا بابا علشان تروحي
- جوليا : حاضر
- خالد : هي قالت ايه معلش السمع عندي بعافية شوية
- جوليا وهي تتقدم امامة : قولت حاضر ياسي خالد ايه مش سامع
- خالد : هي الكلمة دي مش هتتقلي ولا ايه
- فارس : جوزك يابابا عيب احترميه شوية علشان خاطر اخوكي بس
- خالد : مين اخوها
- فارس : اؤمر
- خالد : الأمر لله يا سعادة البيه
- فارس : خد مراتك ومع السلامه يلا
- اخذ خالد جوليا من يدها وذهب وعلي مازال واقف
- فارس : كان نفسي اقولك اتفضل بس مش هينفع بقا... عن اذنك
- علي بقله حيله : اتفضل يا اخوها اتفضل
- بعد القليل من الوقت
- جوليا : انا.... انا....
- خالد : انتي ايه في حاجة وجعاكي
- جوليا : لا مش كدة
- خالد : مش معاكي مفاتيح البيت وعوزة تباتي عندي
- جوليا : لا طبعا مش كدة في نسخة مع البواب
- خالد : انطقي طيب في ايه
- جوليا : طب اسكت علشان اعرف انطق بقا
- خالد : اهو سكت
- جوليا بتوتر وكسوف : بحبك
- خالد بفرحة : ايه
- جوليا :" ذي ما سمعت بقا انا هنزل
- خالد : لا خدي هنا قولتي ايه بقا
- جوليا : بحبك بقا
- خالد : يالهوي علي بقا دي
- جوليا : يعني بقا للي عجبتك وبحبك لا
- خالد : عجبتني طبعا بس كنت عوزك تقوليها تاني
- جوليا : انتا غلس
- خالد : قلب الغلس
- جوليا : انا هنزل بقا علشان هنتمسك آداب كدة
- خالد : هنتمسك آداب من بحبك دة لسه الي جي احلي
- جوليا : خاااالد
- خالد : عيونوه
- جوليا : تسلملي عيونك يا روحي
- خالد : السرير عندك واسع فوق
- جوليا : اه ليه
- خالد : بقول ممكن يخدنا احنا الاتنين
- جوليا : انتا مش محترم
- خالد : عارف ممكن اثبتلك بقا
- سمع خالد صوت دخيل عليهم فنظر خارج السيارة
- خالد : اؤمر يا فندم عوز حاجه
- جوليا : البواب
- خالد : دة البواب
- جوليا : ايوة بلاش فضايح الله يخليك
- خالد : اؤمر يا باشا في حاجة
- البواب : لا يا باشا انا بطمن علي الانسه جولي بس
- خالد : ايه الآنسة مين
- جوليا : خالد والله هنزل وامشي لو عملت فضايح انا بقولك اهو
- خالد : مفيش نزول ياما... بقولك ايه يا عم انتا دي بقت اسمها مدام خالد سليم هاااا انسي بقا الانسه وجولي دي ماشي ولا اقولك انا هتسهالك اصلا... وسع كدة شوية عن العربية
- افسح له الطريق فذهب خالد باقي سرعة
- جوليا : انتا رايح فين انا عوزة اروح
- خالد ببرود : هتروحي حاضر
- جوليا : خالد انا عوزة اروح بيتي
- خالد : مهو هيبقي بيتك بردو يا جوليا لسه حسابك معايا بس نروح
- جوليا : حساب مين انا عوزة اروح رجعني بيتي بقولك
- خالد :" مفيش رجوع مش عارف انا انتي اعدة في عمارة ليه ولا سايبة البواب يقولك جولي ليه مش فاهم انا
- جوليا : بخاف
- وقفت السيارة فجأة
- خالد : نعم ياختي بتخافي من ايه
- جوليا : بخاف من الأماكن الواسعة وانا هعد لوحدي كدة كدة... اخاف النور يقطع واكون في الدور الي فوق مثلا وعوزة انزل تحت
- ثواني ابتدي خالد في هيستريا ضحك لم يقدر ان يكتم ضحكاته
- جوليا : انتا بتضحك علي ايه هااا........ طب لو مسكتش هنزل واسبلك العربية
- خالد وهو يحاول كتم ضحكاته : خ.... خلاص.. سكت.. اهو... قولتي ايه بقا
- جوليا : مقولتش
- خالد : لا بجد قولتي ايه بجد
- جوليا : بخا....
- بدأ خالد في الضحك مرة ثانية ثواني وجوليا تنظر إليه وشاركت ضحكاته حتي ادمعت عيناهم
- جوليا : انا مضحكتش الضحك دة كله قبل كدة
- خالد : ولا انا
- جوليا : مع انك بتضحك عليا بس ماشي
- خالد افتتح ذراعية لها : تعالي
- جوليا : ايه
- جذبها خالد لتتوسط حضنة : طول ما انا معاكي مفيش حاجه تقدر تخوفك تاني ابدا
- جوليا وهي تحاول الخروج من حضنه : خالد سبني
- خالد : انا جوزك يا ماما.. مش هسيبك
- جوليا : يا ابني اوعي طيب
- اخرجها خالد من حضنة وينظر لها بتعجب : في ايه انتي كل ما اجي اا..... انتي بتعملي كدة ليه... مبرقة ليه هاا
- جوليا : وراك
- خالد : هو ايه الي ورايا.. انتي عرفة لو تتهربي بس مش هرحمك
- جوليا : بوص وراك يا اخي بقا
- خالد وهو ينظر خلفه : اهلا وسهلا يا باشا اتفضل معانا
- خالد : لا اتفضل انتا معايا
- خالد : ليه هو الباشا ايه معلش
- خالد : الباشا آداب ياروح امك
- خالد : طب ليه كدة بس سيرة الام... وبعدين دي مراتي يا باشا والله
- خالد : قديمة يابني دة انا كويس اني جيت في الأول كان هيبقي فيها ملايه بقا وقرف... مانخلص بقا وتنزل من ام العربيه دي انتا والسنيورة
- خالد : طيب انا هاجي معاك بس هي هتروح
- خالد : انتو الاتنين هتنزلو مفيش حد هيروح
- جوليا : ثواني كدة هو مش انتا خالد
- خالد : انا خالد انتي بتفقدي الذاكرة ولا ايه يا بنتي
- جوليا : لا يابني دة اخو تقي اسمه خالد انا شوفته في المستشفي
- خالد : ايوة ايوة افتكرتك
- خالد : انا مش فاهم حاجة
- خالد : انا عوز ورقة الجواز الي اتجوزتو بيها علشان نعدي الدنيا من غير مشاكل
- جوليا : ما هو احنا اتجوزنا انهاردة ولسه الورقة مطلعتش
- خالد : خلاص امشوا وياريت نبطل نقف في الطريق وبالذات في شارع ذي دة
- خالد : حصل يا باشا عن اذنك
- خالد :اتفضل مع السلامة
.......................................................................
تقي : لسه اعد برة
- جميلة : انا قلقانة عليه اوى ميستهلش كدة
- تقي : لا بقولك ايه يا بت انتي هنطاطي من دلوقتي دة لسه مقعدش ساعة علي بعضها
- جميلة : صعبان عليا يا عالم دة متكسر
- فارس : سمعت حاجة كدة وانا جي كدة
- تقي : لا ولا حاجة ولا في حد قال حاجة خالص
- فارس : اتمني
- جميلة :" فارس انا وافقت يتعاقب بيا علشان الطار الي بينك وبينه ينتهي مش اكتر
- فارس : وبالنسبة اني طلعتك من تحت ايد ابن عمك الي كان عوز يتجوزك غصب ايه مش علشان المحروس الي بره
- تقي : فارس مش كدة
- فارس : لا كدة عوزة تخرجيله اخرجي الباب مفتوح بس ذي ما انتي قولتي في طار بيني وبينه وهيدفعه يعني هيدفعه مهما كانت ايه الطريقة
- جميلة : ماشي يا فارس
- فارس : جميلة دي مصلحتك علي فكرة لازم يعرف قيمتك مش علشان قلك اتجوزك يبقا بيحبك وشاريكي لا انا عوز ميعرفش يعدي يومة من غيرك واليوم ميعديش الا وانتي ضحكتك قبل ضحكته
- جميلة : انتا فعلا اخ انا مبسوطة جدا أن ربنا رزقني باخ كدة مش عرفه هرد الي انتا عملته علشاني ازاي
- تقي : هتيلي شيكولاتة وانا هراضيه بمكعب
- فارس : دي الناس المعفنة ملكيش دعوه بيهم
- ضحكت جميلة بسعادة وهي تري الحب بعينيهم : بس انا صعبان عليا
- فارس : متخافيش انا بعتله اكل وشرب
-، جميلة : طب وهينام فين دة شكله مش ناوى يروح
- فارس : هينام في عربيته ولو محبش ده ينام في الشارع جمدي قلبك كدة احنا رجاله ولا ايه
- جميله : طبعا يا باشا
- فارس : ايوة كدة
- جميلة : طب يلا خد مراتك واطلع نامو وانا كمان هطلع انام
- تقي : هنام معاكي انهاردة
- فارس : نعم ياختي تنامي فين انتي
- جميلة : سبها تنام معايا لو هي عوزة
- فارس : لا نامي انتي براحتك وانا هاخد تقي
- تقي : طب يلا اطلعي نامي بقا
- جميلة وهي تنهض : حاضر اهو قومت
........................................................................
-جوليا : خالد انا مش هعد هنا عوزة اروح
- خالد : بقولك ايه نامي واتقي شري
- جوليا : مش بحب انا الفلل دي
- خالد : فلل اسمها فلل دي جمع ڤيلا يعني
- جوليا : ايون مش هعد هنا متحاولش
- خالد : انتي حرة بقا اعملي الي انتا عوزاة
- جوليا : هات مفاتيح عربيتك
- خالد : لا
- جوليا : يعني ايه لا دي
- خالد : عربيتي يا بشر وانا حر فيها الله
- جوليا : خالد بطل للي بتعمله دة بقا
- خالد : دة انا من يوم ما عرفتك وانا ببطل ومبطل يا شيخة سبيني مبطلش شوية انتي ايه مصنوعة من جبس
- جوليا : عوز ايه دلوقت انتا
- خالد : مش عاوز زفت يا جوليا... بقا البواب بيقولك جولي... دة انا مقولتهاش... دة انا خايف ادلعك تقوليلي خالد بطل يا شيخة مفيش دم خالص كدة
- جوليا : ايه الروشته دي كلها دة كله في قلبك وساكت - خالد : سبيني في حالي يا بت انتي
- جوليا : لا هعد معاك يا روحي
- خالد : ايه ياما قولتي ايه
- جوليا : عمرى ما اقدر اسيبك يا خالد انتا الحاجة الوحيدة الي حلت حياتي الفترة الي فاتت دي وحياتي هتبقا أجمل حياه طول ما انتا معايا علشان كدة مش هسيبك... انا...
- خالد : لا استني هنا شوية انتي لسه هتكملي كمان لا انتي مين يا بت هااا فين جوليا
- جوليا بقهقهه : والله مجنون.. مكنتش مصدقة اني احب مجنون في يوم من الايام
- خالد : انا مجنون بيكي وليكي ومستعد اتجنن اكتر علشان اشوف الضحكه دي كل شوية منورة الشفايف القمر دي
- جوليا : بلاش كلامك دة علشان مش بعرف ارد عليه
- خالد : انا عندي الحل
- جوليا : حل ايه دة
- خالد : حل يخليكي تعرفي تردي عليا بسهولة
- جوليا : ايه هو الحل
- خالد : غمضي وانا اقولك
- جوليا : مش واثقة فيك لا
- خالد : بقا كدة مش واثقة في جوزك حبيبك
- جوليا : خلاص هغمض بس لو حسيت بغدر هموتك
- خالد : انا موافق ياستي بلا بقا
- غمضت جوليا عينيها بقلق منه : اهو قول بقا
- خالد وهو ينظر الي كل انش بوجههاا : قوليلي يا جوليا
- جوليا : نعم
- خالد : هي الشفايف دي حقيقي
- وقبل استيعابها كان انقض علي شفاهها يلتهمهم بعشق ما هي إلا ثواني وبادلته قبلتة بخجل حملها خالد بلطف شديد يصعد بها الدرج بخفه ولم يفصل قبلتة ثواني وشعرت بنفسها توضع علي شئ لين الي حد ما..... فصل خالد قبلته حتي يتماسك....
- خالد بصوت متقطع أثر خفقات قلبه التي أصبحت مصارعة مع بعضها : نامي هنا وانا هنام تحت
- افتتحت جوليا عينيها ببطء تنظر الي عسليتيه بخجل
- ابتعد عنها : بصي هي الأوضة متبهدلة شوية اعد لوحدي بقا وكدة
- جوليا بشهقة : متبهدلة ايه
- خالد : شوية
- جوليا : دي مدمرة ايه دة كل هدومك في الأرض كدة ليه بتكسل تعلقها... دة حتي الحيطان متبهدلة ايه بتمشي عليها ولا ايه... بس السرير ليه متروق مثلا
- خالد : مليش في نوم السراير ونامي بقا بكرة ابقا اجيب حد ينضفها
- جوليا : انتا رايح فين
- خالد : هنزل انام تحت عوزة حاجة اجبهالك
- جوليا: عوزة حاجة البسها مش هعرف انام بهدومي بس متكنش من علي الارض ياريت يعني
- توجه خالد الي المرحاض وخرج مرة أخرى والقي إليها
- نهضت جوليا بزعر : بيجامة نوم حريمي بتعمل ايه عندك هنا ياسي خالد ممكن ترد عليا دلوقت لا وفي الحمام ما ترد
- خالد : ليكي كنت جيبها ليكي
- جوليا : لا الحبتين دول مش عليا هاا
- خالد : يا بت والله ليكي وبعدين كان في الحمام علشان ميبقاش وسط الهدوم الي في الأرض دي
- جوليا بتردد : لا م... مش مصدقة بردو
- خالد : انا مش بتاع الحاجات دي يا جوليا ولو في دماغي الي انتي بتقولي عليه دة مكنتش اتجوزت وهتجوز ليه وانا متاح عندي اعمل الي انا عوزة ومن غير تقيد بس انا مش كدة
- جوليا : انتا زعلت مني
- خالد : لا طبعا ليكي حق تغيري عليا وتسألي الي انتي عوزاة بس من غير نبرة الشك الي في صوتك دى غير كدة ازعل
- جوليا : عمرى ما هشك فيك ابدا
- خالد : طيب انا تحت لو عوزتي حاجة
- جوليا : خليك هنا
- خالد : خليني هنا فين
- جوليا : هنا معايا
- خالد : متأكدة ما الي بتقوليه انتي
- جوليا : اصل انا بخاف ومش هنام كدة خليك هنا
- خالد : بشرط
- جوليا : شرط ايه دة بقا
- خالد : في حضنك..... هنام في حضنك
- جوليا : نعم... ايه... لا هتنام في الأرض
- خالد : انتي شيفه الأرض عمله ازاي صح... خلاص انا مش هزن عليكي انا تحت لما تعوزيني ابقي نادي عليا
- جوليا : اووووف بقا.. خلاص ماشي موافقة
- خالد : طيب غيري وانا برة خلصي ونادي عليا ولا تحبي افضل وتغيري قدامي ايه رأيك
- جوليا : اطلع بره
- خالد : انا بقول لمصلحتك يا بت صدقيني محدش هيخاف. علي مصلحتك قدي
- جوليا وهي تدفعه للخارج بخجل : اطلع برا بقا
........................................................................
في الصباح افتتحت جميلة عينيها علي اسمها ينطق بزعيق
- تقي وهي تدخل الغرفة مسرعة : قومي بسرعة احنا اتفضحنا قومي
- جميلة بفزع : في ايه... في ايه.. مين بيزعق كدة
- تقي : حبيب القلب فضحنا يختي... وفارس ثواني ويقتلة مش عارف ينام منه شغال ينادي من الفجر
- جميلة : بينادي ليه من الفجر يعني
- تقي : علشان يوديكي المدرسة
- جميلة : مدرسة... اروح المدرسة ليه انا
- تقي : وانا اش عرفني بينادي عليكي ليه ما تقومي شوفيه عوز ايه
- نهضت جميلة مسرعة
- تقي : خدي هنا يا بت هتطلعي البلكونة بالشورت الله يخرب بيتك هتطلق علي ايديكو والله
- جميلة : نسيت والله نسيت انا هدخل اغير واطلعله
- تقي بأبتسامة فرحة : الحب بهدلة يا بنتي
........................................................................
- استيقظت جوليا وهي تري تلك العسليتين التي تنظر لها بتفحص وعشق
- جوليا : في ايه
- خالد وهو يطبع قبله رقيقة علي وجنتيها الحمراء بخجل : تعرفي اول مرة اشوف القمر بيطلع مع الشمس... دة اسمة ايه
- جوليا : مش عارفة بيقولو خسوف او كسوف حاجة ذي كدة
- خالد : طب لما القمر يكون قدامي ياتري دة يتعمل معاه ايه
- جوليا : ولما اصحي علي شمسين بيبصولي بكل الحب دة دة يبقي اسمة ايه
- خالد : شمسين فين دول
- جوليا : عيونك.. عمله ذي الشمس الي مليانة عسل وانا الصراحة بعشق العسل
- خالد : يالهوي علي القمر لما يبقي رايق ياناس
- جوليا : طول ما الشمس رايقة والعسل موجود انا هبقا ريقه
- خالد : هو لازم نقوم انهاردة
- جوليا : هي الساعة كام دلوقت
- خالد : يعني دخله علي تمنية كدة
- جوليا نهضت بفزع : ايه انا لازم امشي
- خالد : تمشي تروحي فين يا مجنونة
- جوليا : الشغل اتأخرت علي الشغل... فارس هياكولني
- نهض خالد واوقفها عن الحركة : اولا مفيش حد ليه الحق ياكلك غيري واظن فهماني
- جوليا : قليل الادب طبعا
- خالد : طبعا... ثانيا بقا من انهاردة مفيش شغل انا محتاج للوقت الي انتي بتضيعيه في الشغل دة... محتاج تبقي قدامي ٢٤ ساعة..
- جوليا : ابتدينا بقا شغل سي السيد اهو
- خالد : جوليا اخر مرة تتكلمي معايا بالطريقة دي
- جوليا : كمان بتزعقلي... انا همشي يا خالد وهروح الشغل وسع بقا اطلع بره
- خالد : انا هطلع علشان تغيري مش اكتر مع ان عندي استعداد اخليكي تغيري قدامي.. بس تمام انا خارج وبعدين نتكلم يا جوليا
بعد قليل نزلت جوليا وجدت خالد منتظرها ويكسو ملامحه الغضب
- جوليا : متزعلش مني ممكن
- خالد : مش زعلان.. انا بس عوز يبقي في نقاش بنا في تفاهم واحترام
- جوليا : مكنش قصدي
- خالد : عارف يا جوليا انه مش قصدك... بس انا مش هقدر تشاركيني مع شغلك انا مش هخليكي محتاجة حاجة ولو قصرت في يوم ابقي سبيني
- جوليا : انا بحب شغلي مش هقدر اعد من غير شغل كدة اتعودت علي الشغل
- خالد : خلاص تشتغلي معايا.. ايه رأيك اهو تبقي قدام عيني طول الوقت
- جوليا : اشتغل معاك... اشتغل معاك ايه
- خالد : مديرة أعمالي...
- جوليا : هو انتا عندك شركة
- خالد : اه
- جوليا : ايه انا ازاي معرفش حاجة ذي دي
- خالد : انتي مسالتيش علشان كدة متعرفيش
- جوليا : بس انتا تعرف عني كل حاجة من غير ما اتكلم
- خالد : علشان بعشقك يعني كل حاجة حواليكي او فيكي لازم اعرفها انتي دنيتي الي دخلتها جديد وانتي لسه هتعرفي دنيتي وحدة وحدة متقلقيش انا مش بعمل حاجة غلط تخافي منها علشان انا عارف تفكير البنات انا عندي شركة صغيرة والمطعم الي شوفتية دة بس
- جوليا : عوزة اعرف كل حاجه عنك
- خالد : تعالي معايا وانا هعرفك كل حاجة عني
- جوليا : يلا بينا
- خالد : يلااا
........................................................................
- علي :جميلة
- خرجت جميلة الي ذلك الذي ينطق اسمها بهذا الصوت الغاضب بشدة : في ايه... ايه الفضايح دي
- علي : جميلة... انا محتاجك بجد
- جميلة : محتجني ازاي مش فاهمة
- علي : مش هقولك اني حبيتك في يوم وليله كدة... بس انا عمري ما اهتميت بحد ولا كنت محتاج حد كدة... انا عمر ما حد اتمسك بيا وحبني... عمر ما حد وافقني علي جنونى ذي ما انتي وفقتي واتجوزتيني... لو سمحتي انزلي
- جميلة : خايفة يكون دة كله وهم وفي الاخر تحس انك ندمت انك اتجوزتني
- علي : عمري... صدقيني عمرى ما هعمل كدة انا حبيت ضحكتك.. حبيت قربك واتعودت عليه... حبيت اهتمامك بيا... حبيت غيرتك عليا... حبيت كسوف عيونك قصادي.. حبيت توترك من قربي.. مش ناقص غير اني اوصل لقلبك.. انا حبيت كل حاجة فيكي كل تصرفاتك وكل تحركاتك.. كل كلامك.. كل نظراتك... مستحيل اندم
- جميلة ودموعها تهطل بصمت لا تقدر علي الكلام بعد كم المشاعر دي كلها حتي سمعت ذلك الصوت الآمر
- فارس : انزلي
- جميلة من بين دموعها : اروحله
- فارس : روحيله بس لو حصل منه حاجة صدقيني مش هيلاقي غيري في وشه
- جميلة بأبتسامة سعادة اعتلت ملامحها : ربنا يخليك ليا يارب
- فارس : خدية من هنا علي المستشفي علطول هو واقف من امبارح علي رجلة ومنمش ولا كل و لا شرب حتي
- جميلة : حاضر
ذهبت جميلة
.......................................................................
- جوليا : ايه دة يا خالد
- خالد : ايه يا قلب خالد مالك
- جوليا : ايه الشركة دي
- خالد : مالها ياروحي الشركة....... صباح الخير
- جميع الموظفين بهذا الصوت الانثوي الناعم : صباح النور يا فندم