الجميلة والوحش

الجزء الثاني عشر

- في بداية يوم جديد في شركة علي سليم وبالاخص في مكتبة
- جميلة : ممكن اطلب من حضرتك طلب
- علي وهو ينظر الي حالتها أصبحت أقوى من الاول ولاكن يطغي علي وجهها الحزن الذي لا يعلم عن سببه اي شئ
- علي : اكيد يا جميله قولي
- جميلة : احم... ممكن ارجع سكرتيرة أستاذة سارة تاني
- علي بتعجب : ايه... ليه يعني ايه الي حصل
- جميلة : مفيش انا حسيت اني مرتاحة هناك اكتر لو دة مش هيدايق حضرتك
- علي : هو انا الحقيقة مش فاهم بقالك كام يوم فيكي حاجة غريبة وفجأة كدة عاوزة ترجعي تاني ذي ما كنتي مع ان المفروض اني جايبك هنا علشان ترتاحي من المشاكل بس انتي الظاهر انك مرتحتيش هنا وعاوزة ترجعي
- جميلة : انا مقدرة تعب حضرتك واهتمامك اني ميحصلش ليا مشاكل وانا فعلا كنت مرتاحة معاك بس انا هبقي مرتاحة اكتر هناك... احم... لو مش هدايق حضرتك
- علي : مفيش مشكلة يا جميلة انا هحل الموضوع دة روحي انتي دلوقتي لمكتبك وانا هبلغك هترجعي امتة
- جميلة : شكرا لتفهمك يا فندم عن اذنك
....................................................................
- استيقظت تقي لم تجدة بجانبها بل واقف أمام تلك المرآة الذي تظهر انعاكس صورتة وهو يمشط شعرة للخلف وهو مرتدي قميص باللون الاسود وبنطال باللون الاسود حتي نظر الي تلك التي تنظر له باعجاب من وسامتة تقدم فارس إليها وهو يطبع قبله علي رقبتها ومرة اخري علي شفتيها
- فارس بأبتسامة : صباح القمر
- تقي بابتسامه خجولة : احم.. صباح العسل
- فارس بقهقه : خلاص بقي زمن الكسوف دة انسية
- تقي وهي تضربة بقبضتها الصغيرة علي صدرة : انتا مش محترم
- فارس : انا قليل الادب
- تقي : انا قولت مش محترم
- فارس : الاتنين واحد يا روحي
- تقي بهيام : قولت ايه
- فارس وهو يطبع قبلات متفرقة علي وجهها وبين كل قبلة كلماته تلك التي أصبحت هي عاشقة لهم من بين شفتية... حياتي... وروحي... وقلبي.... والوحيدة.... الوحيدة هااا
- تقي بهمس : الوحيدة ايه قول
- فارس : الوحيدة القصيرة في حياتي
- تقي بزعل : بقي كدة شكرا
- فارس : لا متزعليش اوي كدة... خلاص يا ستي سحبتها حلو كدة
- تقي : كدة قمر
- فارس : انتي الي قمر.... بس قومي بقي علشان انا عاوز افطر وامشي
- تقي : طيب انزل وانا هنزل بعدك
- فارس : ليه.. هااا
- تقي بخجل وهي تحكم الملاءة المغطاة بها:لم نفسك وامشي
- فارس : مع ان لسانك طول اكتر ما هو طويل بس ماشي يا ستي هنزل بس لو اتأخرتي هطلع متفقين كدة
- تقي : متفقين انزل بقى
- فارس : خلاص يا ستي متزقيش نازل اهو
- هطل فارس الي الاسفل وجد صفية حضرت الفطور وتضعة علي السفرة
- فارس : صباح القمر النشيط
- صفية : صباح النور يا حبيبي فين تقي
- فارس : شوية ونزلة.. كنت عاوز اقولك حاجة
- صفية : قول... تقي زعلتك في حاجة
- فارس : لا خالص... هو عماد انتي عاوزة تطلقي منه
- صفية : ياريت يا ابني انا كنت عايزة اقولك بس اتكسفت اكون هتقل عليك كفاية اني قاعدة معاكو
- فارس : انا قولتلك انك منوراني وكمان تقي مبسوطة بوجودك يعني لامتقلة ولا حاجة
- صفية : ربنا يبارك فيك يا ابني
- فارس : خلاص انا همشي في الإجراءات من بكرة ولو في حاجة هقولك
- صفية : انتا تؤمرنى
- فارس : انا بس عاوزك لو كلمك مترديش عليه خالص وحتي لو حصل وجة هنا تاني متفتيحيش ليه خالص
- صفية : حاضر
- نزلت تقي وهي ترتدي فستان قصير رقيق باللون الاسود ورفعة شعرها علي شكل كعكة فوضاوية وينسدل علي وجهها ورقبتها بعض من الخصل التي تزينها بمنتهي الرقة
- صفية : صباح الخير يا روحي
- تقي وهي تطبع قبلة علي وجنتها : صباح العسل يا احلي ام في الدنيا
- فارس : وانا مليش صباح العسل ولا ايه
- ذهبت إليه تقي وطبعت علي وجنتة قبلة رقيقة : صباح العسل يا احلي فروس في الدنيا
- فارس بهمس : ينفع أصبح انا بطريقتي
- ابتعدت تقي عنة وهي تنظر له بتحزير : نفطر بقي
- بعد جلوسهم علي السفرة وأثناء تناوله الطعام
-صفية : صح عجتبك الكيكة الي كانت عملاها تقي مخلتنيش اعملها معاها علشان ليك انتا
- فارس وهو ينظر لتقي بجانبة : احم... عجبتني بس دى مفيش زيها
- لم تنظر له تقي وظلت تاكل بسرعة وقد ظهر عليها الاحمرار أثر كلماته التي تيقن معناها هي فقط
- فارس بهمس : براحة طيب هتموتي من كتر الاكل
- تقي وهي تحاول بلع الطعام الذي في فمها بصعوبة حتي ابتلعته : انا شبعت وانتا شبعت صح يلا علي الشغل بقي
-فارس : لا لسة مشبعتش ولا هشبع وعندي استعداد مروحش الشغل انهاردة قولتي ايه
- تقي وقد توقف الكلام في حلقها ولم تعد تقدر علي الكلام
- صفية : خليك يا ابني انتا كل يوم عندك شغل ارتاح انهاردة
- تقي بسرعة : لا يا ماما لازم يروح الشغل اكيد محتاجينة في الشغل
- فارس : لا مش محتاجني
-تقي : خلاص خليك قاعد اهو تقعد مع ماما برضو تلاقيها وحشتك ووحشتها بقي
-فارس : ومالو ماما حببتي برضو ومش هتدايق هتعزورني يعني دة انا عريس جديد مش كدة يا ماما ولا ايه
- صفية وهي تنهض : طبعا يا ابني دة بيتك اقعد فيه ذي ما انتا عاوز
- تقي : انتا رايحة فين يا حجة
- صفية : شبعت يا بنتي
- تقي : ليه بس يا أمي اقعدي معانا طيب
- صفية : اقعد اعمل ايه بس انا ممكن اطلع برة شوية بقالي كتير مشوفتش الشمس لو مش هدايقك يا ابني
- فارس : لا ابدا ادايق ليه بس خلي بالك متطلعيش برة القصر او تفتحي لحد
- صفية : حاضر عن اذنكو
- تقي : طب استني اجي معاكي
- صفية :اقعدي مع جوزك يا تقي
- تقي بقلة حيلة : حاضر قعدت مع جوزي
- بعد خروج صفية
- تقي : ينفع اقوم
- فارس وهو يتناول طعامة : لا
- تقي : طب اقوم اعملك حاجة حلوة
- فارس : مش لازم هحلي بيكي
- تقي بارتباك : انتا.... انتا
- فارس وهو يضع اصبعة علي شفتيها : انا قليل الادب ومش محترم وجوزك وبحبك.... رفعها من علي الكرسي الي رجلية وهو يطبع قبلة علي شفتيها دامت للكثير من الوقت... ابتعد عنها وكلاهما يتنفس بصعوبة أثر تلك القبلة
- فارس بنفس متقطع : انا شكلي هقطع كل الفساتين دي
- تقي وهو مازالت مغلقة عينيها من قوة مشاعرها وبهمس : ليه
- فارس وهو يقبل عينيها برقة : كل حاجة عليكي بتحليها اكتر وبتحليكي مليون مرة علي حلاوتك وانا مقدرش علي السكر دة كلة
- تقي وهي تفتح عينيها ببطء وتنظر الي عينية السوداء التي تزيدة قوة وحزم : انا ممكن اريحك من السكر دة كلة
- فارس وهو يعطى لشعرها الحرية بالهطول علي ظهرها : ازاي
- تقي : الاسدال... ممكن البسة علطول وكدة لا هيبقي فية سكر ولا عسل
- فارس وهو ينظر الي عينيها : والعسل الي فيعنيكي دة نخبيه ازاي
- تقي : لا انتا طلباتك كترت كدة
- فارس : وممكن تكتر اكتر لو فضلت قاعد انهاردة
- تقي : هي جوليا بتشتغل معاك ايه
-فارس : اممم ابتدينا الغيرة بقيى
- تقي : مش كدة بس عوزة افهم مش اكتر
- فارس : يا ستي جوليا كانت معايا من المدرسة وبعدين لما ابتديت انا اعتمد علي نفسي كانت معايا هي في كل حاجة وبعد ما كبرت وفتحت فرع واتنين وثلاثة لحد ما بقيت ليا فرع في كل بلد بقت مساعدتي يعني يعتبر مديرة أعمالي هي بتعمل كل حاجة انا مش فاضي اعملها
- تقي : طب هي مجتش تاني ليه
- فارس : انتي عوزاها تيجي
- تقي : عادي انا معنديش مشكلة معاها بالعكس حبتها وحبيت صراحتها.. بس خايفة تكون زعلت يعني
- فارس : لا بالعكس هي عرفت انتي ايه بالنسبالي ودة خلالها تعيد حسابات كتير... وهو ينظر الي ساعته... انا اتاخرت لازم امشي
- تقي : انتا مش قولت هتقعد انهاردة
- فارس : شوفتي مين الي قليل الادب فينا بقي
- تقي وهي تضربة علي كتفة : بطل بقي
- فارس وهو ينهض ويضعها علي الكرسي : بطلت اهو مع السلامة بقي
- تقي وهي تنهض تقبلة برقة : سلام
- فارس : ياريت كل السلام كدة
.......................................................................
- سوز ى : عاوزة رقم ام البنت
- عماد : لامواخذة مش فاهم عاوزة رقم امها ليه
- سوزي : وانتا مالك... انتا مش هتاخذ فلوس
- عماد : ومالو كله يهون علشان الفلوس برضو
- سوزى : طب نخلص بقي وتديني الرقم علشان اسلمك الفلوس وامشي
- عماد : طب مش هتشربي حاجة الأول
- سوزى : مش عاوزة حاجة.. هات الرقم علشان نخلص
- عماد : سهلة التليفون كلة تحت امرك
.....................................................................
- في فيلا سليم بعد انتهاء عمله
- خالد : انا جتلك بس علشان حسيت فعلا ان مشاعرك صادقة وانك فعلا بتحبها وعرفت ان جوزها مش بيحبها وكمان ذي ما انتا قولت كان متجوزها لسبب معين غير كدة هو ممكن يرميها بمنتهي السهولة
- علي : انا مش محتاج لتبرير علشان تجيلي يا خالد انتا صاحبي وعمري ما اقدر ادايق او ازعل منك بس انا كان نفسي تفهمني بس
- خالد : واديني فهمتك ومعاك في اي حاجة بس انتا قولي ناوى علي ايه
- علي : انا لسه مش عارف هعمل ايه امبارح كان أول يوم في الشركة وانهاردة التاني ومفيش اي شغل اشتغلته يعني ذي قلتي
- خالد : وبعدين هتفضل ساكت يعني كدة ولا في حاجة في دماغك
- علي : انا بس عاوز اوصل لبيتها ويبقي عندي صلاحية ادخل وأخرج براحتي او اكلمها وسعتها اعرف اخليها تطلق منه بسهولة
- خالد : خلاص اول ما تعرف انتا هتعمل ايه قولي
- علي : خلاص ماشي
.......................................................................

- في القصر.... صعد رنين هاتف صفية
- تقي وهي تجلس أمام التلفاز وصفية بالمطبخ : ماما تليفونك بيرن
- صفية : مين
- تقي وهي تنظر للهاتف : مش عارفة رقم
- صفية : طيب معلش ردي علشان ايدى مش فاضية
- تقي : ارد مردش ليه يعني.... الو
- علي : تقي
- تقي بتعجب : ايوة انتا مين
- علي : مش مهم
- تقي : هو ايه الي مش مهم هتقول ولا اقفل
- علي : كنت عاوز اقولك حاجة اهم... جوزك الي متجوزك علشان الورث وهيسيبك من غير حتي ما يطلقك
- تقي : العب غيرها يا اسمك ايه
- علي : طب لو قولتلك انك جوزك متجوز قبلك وبرضو سبها من غير حتي ما يطلقها
- تقي : انتا بتقول ايه انتا كداب
- علي : لو مش مصدقاني اسأليه وهو مش هيعرف يخبي وأغلق
- هطلت تقي دموعها وهي مترددة هل تصدق هذا الحديث ولاكن لما لا انه لم يصارحها بماضية او اي شئ من حياته ونهضت وصعدت الي غرفتها حتي سمعت صوت فارس.. نزلت الي الأسفل
- فارس : مال عنيكي حمرا كدة ليه.. انتي تعبانة
- تقي : طلقني