طلعنا وركبنا ركشة بيتهم بعيد مننا آرام متوترة شديد قلت ليها اهدي يا بت قالت لي اهدأ كيف وضاح ببكي انتي عارفة اخر مرة شفت دمعتو زمان شديد ي حنين وضاح م ببكي بالساهل رغم نقاشاتو الكثيرة مع اخوهو واختو بس الموضوع خطير طالما ببكي قلت ليها ان شاء الله كلو خير بس ادعي م يكون خطير💔
بعد مسافة وصلنا نزلنا سريع من الجنينة اصواتهم عالية دخلنا لقينا وضاح بتشاكل مع اخوهو وامهم بتبكي وقاعدة ف الكرسي واختهم صوتها من فوق بتكورك
- فاكر يعني الشي البتعمل فيو دا صاح احسن ليك افتح الباب دا وطلع البت م تموت جوا انت عارفها عيانة
* م انت البتقول لي افتح ولا لا انت مجرد نكرة وفاشل قايل نفسك يعني لو قريت قانون ح تفضحني لا والله انا ماف زول بقدر علي والشي الدايرو بجيبو
- اسمع يا صداح انا م ح ارد عليك اديني المفتاح دا
سريع ورب الكعبه اختي تحصل ليها حاجة م بخليك
* ولو قلت م بديك ليو
وضاح رفع يدو ولصق بووكس 👊 في وش اخوهو م شاف الا الدم نازل من وشو قال ليو احسن تجيب المفتاح دا
صداح قال ليو بترفع يدك علي انا يا واطي وطوالي رجع ليو البوكس واداو بنية في بطنو اجبرتو يقع في الأرض على ركبتو آرام كوركت ليو وضاححح وجرت عليو انت كويس قوم على حيلك دموعها نزلت وهي بتتكلم مع صداح يخخ انت بشر لي بتتعامل مع اخوانك كدا م بتهمك غير مصالحك اناني وم عندك ذرة إنسانية م عندك اعتبار لي امك القاعدة دي ولا الحيحصل ليها شنو مسكها من يدها طوالي جاو كف من امو قالت ليو الله ينتقم منك قرفتني حياتي ابوك ومات بسبب عمايلك واختك مرضت وانت استغليتها بأسوأ طريقة وف النهاية حبستها ف الغرفة اخوك وعاديتو وكرهتو حياتو وداير تمد يدك على حرمتو طيب اقتلني وارتاح اصلك مغضوب انا ولدت داهية وانهارت بالبكاء وضاح حضنها وقال ليها هشش خلاص قالت ليو انا عملت شنو يا ولدي قال ليها م عملتي شي يا امي انا العملت انا السمحت ليو يتمادى في الشي البعمل فيو انا الما قدرت اكون سند ليكم بعد موت ابوي بس خلاص هانت بوعدك تاني م بحصل ليكم شي وانا عايش ..كلنا بقينا بنبكي بالجد الموقف بقطع القلب الأب سند وعمود البيت في ناس بتقول الخال والد بس انا بقول لا الخال والد ولا العم سند ابوك ماف زول بياخد مكانو مهما عمك وخالك عملو ليك بكون في ناقص جواك والنقص دا م بملاو الا ابوك.. وضاح أتلفت علي اخوهو وقال ليو جيب المفتاح صداح عاين لي امو ودموعو نزلت طلع المفتاح من جيبو واداهو لي وضاح مشى على امو بس هي سبقتو ومشت ورا وضاح على غرفة اختو وقف عاين لينا بإنكسار ونحن برضو مشينا وراهم خليناو وضاح فتح باب غرفة اختو ......
اتفاجأنا من المنظر الشفناهو كفاح قاعدة في الأرض وبتقص في شعرها بالموس وضاح قال ليها كفاح دا شنو البتعملي فيو دا جيبي الموس دي وقفت على حيلها وقالت ليو اوع تقرب مني بقتل نفسي قال ليها انتي مجنونة كيف تقتلي نفسك كفاح جيبي الموس دي ضحكت وقالت ليو مجنونة؟! كلكم بتقولوا علي مجنونة بس انا م مجنونة قلت ليكم م مجنونة وبقت تبكي قال ليها خلاص م مجنونة انا اسف يلا جيبي الموس قالت ليو قلت ليك متقرب مني وختت الموس في شريين يدها امو قالت ليو خلاص ي وضاح زح منها طيب ي بتي اديني ليها انا قالت ليها لا انتي بالذات متقربي مني وجرحت يدها آرام قالت ليهم يجماعة خلوني اجرب كفاح قالت ليها مش كان قلتي انتي بتحبيني آرام قالت ليها اي بحبك يلا جيبي الموس كفاح قالت ليها اول جيبي لي مهاب انا دايراو آرام قالت ليها اي بجيبو ليك يلا اديني الموس وقربت منها شوية شوية لحدي م شالتها منها ومدتها لي كفاح لمن شافتني انفعلت وقالت لي اطلعي برا انتي السبب في الحصل دا كلو مهاب بحبك انتي وم دايرني بسببك ح اقتلك وجات علي آرام مسكتها وقالت ليها كفاح اهدي مش اتفقنا انا وانتي ح اجيب ليك مهاب ارقدي خليني اربط ليك يدك دي قالت ليها خليهم يطلعوا كلهم م دايرة اشوفهم آرام عاينت لينا وغمضت عيونا ونحن فهمناها وطلعنا قفلنا الباب لقينا صداح واقف ومتابع الحصل كلو وضاح قال ليو عجبك صدقني لو حصلت ليها حاجة م بخليك وبقى ببكي زي الشافع وامو سندتو ونزلو تحت 💔
