- ماهر ؟! ماهر؟! لا بس م تقولي لي 💔
* اي ياهو ماهر عمي ....
- ي منى قولي بسم الله هو م الإنسان الوحيد الاسمو ماهر ف العالم دا
* لا انا متأكدة عندي احساس انو هو اصلا نحن م ح نخسر حاجة خلينا نتأكد
- ح نعرف كيف لكن ؟
* اتصل على عمر واسألو يمكن بعرف حاجة عنها
- منى م تجننيني الوقت أتأخر م اسي خلي لي بكرة
* ح تتصل ولا اتصل انا؟
- خلاص ح اتصل بس ح تقولي ليو شنو؟!
* انت بس اتصل
رفع تلفونو اتصل على عمر ورد عليو من الجرس التاني....
^ خير يا علي ف شي حاصل منى والبنات كويسين؟!
- لالا كلهم كويسين الحمد لله اسف الوقت أتأخر بس اتصلت عليك أسألك عن المحامية بتعرف عنها حاجة؟!
^ بالنسبة لشنو يعني؟!
- بالنسبة لي........
يعني اهلها وكدا من مدني يعني؟
^ اي مش وريتك قبل كدا انو أبوها صاحب وكالات الحنين للسفر والسياحة واخوها صاحب شركة المهام تاني ف حاجة ولا شنو؟
- لالا بسأل عشان الزول المتفق معاو ف العقد وكدا مسافر سألني منها شكلو عايز يتواصل مع أبوها بس كنت حابي اتأكد😁
^ ايوا اي أبوها صاحب وكالات الحنين خليو يمشي ساي
منى أشرت ليو نظام اسألو من اسم امها
- طيب امها اسمها منو وشغالة حاجة ؟!
^ تقريبا اسمها اماني بس م اظن شغالة لي؟
- شفت الأسرة كلها متوفقة ما شاء الله قلت يمكن شغالة 😹
( الله اكبر عليك🌚🔪)
^ لالا م شغالة انا برضو لاحظت كدا 😹
- طيب مع السلامة وبعتذر تاني
^ م مشكلة يخخخ الله يسلمك
قفل منو وعاين لي منى بي غيظ 😒
- عجبك احرجتيني معاو....
* خلينا قال ليك شنو؟
- أبوها ماهر صاحب وكالات الحنين واخوها صاحب شركة المهام وامها اسمها اماني بس م اظن شغالة
* ياها والله ياها ي علي اماني خالتي ياها م قلت ليك
- اهدي ي منى طيب اهدي
* وديني اشوفهم
- م كدا طوالي اصبري علينا شوية اول نشوف حنين والباقي هين
