بعد ثواني جاتني رسالة فيها رقم عناب طوالي فتحتها واتصلت عليها المكالمة الأولى م ردت رجعت واتصلت تاني بعد مسافة ردت....
- الو سلام عليكم عناب كيفك
* وعليكم السلام بس منو معاي
- انا حنين عليك الله اسمعيني للنهاية م تقفلي💔
* حنين ؟! صحبت آرام؟!
- اي ياها زاتها
* خير متصلة علي لشنو؟!
- دايراك في قضية مهمة تقدري تساعديني لو ممكن يعني؟
* اسمعي انا حاليا في الخرطوم وكل شي جدعتو وراي م ح اقدر اساعدك ب شي وانا بعيدة ف شنو اسفة
- استني ي عناب لو م الموضوع ضروري م بتصل عليك وبعدين بهمك برضو
* بهمني انا ؟ ف شنو ؟
- امجد ....!
سكتت وعرفت انها بتبكي لانو سامعة صوت تشهقاتها واصلت كلامي ....
- امجد ي عناب لازم يتعاقب محتاجة منك ترفعي عليو قضية هو لازم يدفع ثمن العملو فيك وفين.....
....سكت💔...
وفي كل بت انتي م الضحية الوحيدة ولمن تخطي الخطوة دي انتي ح تفتحي الطريق لبنات كتار غيرك صدقيني وافقي عشان نفسك وعشان كل بت اتعرضت للاتعرضتي ليو انتي.....
...الو عناب معاي انتي؟!
- انا ي حنين اتعذبت 💔
امجد كسرني ودمر ثقتي ف نفسي عشان حبيتو😔
ندمانة اني حبيتو تعبانة انا شديد نفسي اخنقو وانتهي من امرو...
م قادرة انسى💔
م قادرة انسى الشي العملو فيني
* خليك قوية وم تتكسري اقعي وقومي بس م تستسلمي واسي الفرصة جاتك لحدي عندك استغليها ارفعي عليو قضية وانا ح استلمها اوك؟!
- شكرا ي حنين انا كنت منتظرة اسمع كلام زي دا ومستعدة اعمل كل شي عشان اخد حقي منو ارفعي القضية الليلة دي وبكرة دي ف اول باص ح اجي مدني
- ايوا دي القوة المطلوبة منك ح اكون ف انتظارك بكرة الليلة ح اخلص إجراءات القضية
* طيب نتلاقى بكرة ان شاء الله
- يلا سلام لي بكرة
وعن كمية القوة والسعادة الحسيت بيها بعد المكالمة دي....
حسيت نفسي جعانة اتصلت على مطعم وطلبت دليفري وبديت أجهز الاورق
عمر كان ف الطريق مسافر لي ناس امو جاهو اتصال من علي....
- اهلين علي كيفك
* بخير ونعمه الحمد لله ومبروك الخطوبة م عرفت الا امس بالليل كان جينا
