من الصباح لبست الزي الرسمي للمحامي شلت اوراقي ونزلت تحت لقيت امي لابسة ومنتظرة ....
- دا شنو ي امي يعني جادة انتي ؟!
* اي لازم اشوف المقرف وهو بتعاقب قلبي م ببرد الا اسمع الحكم ب اضاني
- طيب مدام مصرة ارح عشان م نتأخر
طلعنا وانا لسة بفكر ف ال ح يحصل شنو امي م عارفة انو امجد هو الدمرني💔
طيب لو عرفت؟!
وابوي موقفو ح يكون شنو؟!
بسأل في نفسي لحد م وصلنا المحكمة والمفاجأة الكانت بالنسبة لي انو كمية من العالم واقفة قدام المحكمة.....
كمية من الناس منتظرة المحاكمة العادلة....
نزلت من العربية مع امي شقينا ب نصهم ودخلنا القاعة شفت حسام ومهاب وأحمد قاعدين مما شافونا جو علينا سلمت عليهم امي مشت قعدت جمبهم وحسام فضل واقف معاي
- حاسي بيك خايفة
* متوترة شوية بس من القضية
- م من القضية لأنك م اول مرة تدخلي القاعة دي انتي خايفة عشان م عارفة تجيبي حقك ك سمر صاح؟
* بصراحة ايوا
- طوال التسعة سنوات كنتي حنين وربنا اراد اننا نطلع اخوان بالدم💛
حاليا انتي ف القضية العشتي طوال السنوات الماضية بتقري عشانها....
ماف زول ح يمنعك توصلي صوتك
ماف زول ح يقول ليك م تاخدي حقك
بالعكس كلنا معاك انا وامي وابوي وشفتي الناس البرا ديك كلها معاك
وحتى العالم كلو معاك
ويمكن جا الوقت المناسب عشان العالم يعرف قصتك فهمتي يلا ربنا معاك وان شاء الله تتوفقي
كلامو لمس قلبي بطريقة م قادرة اعبر بيها
عارفين احساس انو العالم كلو معاك عشان تجيب حقك ؟
ناس م بتعرفك وجات عشان قضيتك؟
حسام اداني الكلام دا ف الوقت الصح ويمكن كلامو صح والوقت المناسب جا
نزلت الدرجات ووصلت مكاني قعدت في الكرسي
امجد على يميني وبعاين لي بنظرات ندم ونظراتي ليو بتقول الندم م ح يفيدك ب شي وانت ح تواجه مصيرك الراجيك ي ام الموت أو الموت وم عندك مفر منو
شويتين القاضي وصل كلنا وقفنا والمرافعة بدت وطبعا هو عشان م عندو محامي المحكمة عينت ليو محامي
* سيادة القاضي نحن هنا اليوم ف هذه القاعة لمعاقبة هذا المجرم الذي يعتبر من الذين يفسدون العالم ....
