قفلت منها وعدلت الكرفت الباب ضرب قلت اتفضل والصدمة كانت انو دي امي 💔
اي امي زاتها الكانت بتعاملني بقسوة💔
امي الكانت بتحامي لي سجى وبتضربني انا كأني م بتها 💔
و معاها منو ؟! دقيقة دا نفس الإنسان المتوحش الضربني بقسوة مع امي ف اليوم المستحيل انساو💔
دا عمر نفسو ديل تسعة سنوات بحالهم تسعة سنوات وم قادرة انساهم ولا أنسى معاملتهم معاي جاتني رعشة وبعدها عدلت قعدتي وبتماسك قلت ليهم اتفضلو
- السلام عليكم ي سيادة المحامي
* عليكم السلام اتفضلوا كيف اقدر اساعدكم ؟!
- انا عمر محمد ودي عمتي بصراحة عندنا قضية ويمكن تكون معقدة شوية وبصراحة اكتر نحن ناس على قدر حالنا وم عندنا المبلغ الكافي حتى الموعد دا لقيناهوو بعد جهد ومتمني اننا م نرجع مخذولين بس بجتهد عشان اجمع المبلغ و....
قاطعتو ...
* يا أخ عمرو الإنسان م بعمل حاجة عشان قروش يعني الانسانية فوق كل شي وانا مستعدة اكون معاكم لحدي م تتحقق العدالة ويظهر الحق بس الدايرو منكم توروني الموضوع من اول واهم حاجة ف شغلي هو الصدق لانو بعدين انا البتحاسب اتفقنا؟!
امي بقت تبكي وقالت لي بصوت متشهق ....💔
^ ربنا يعدل طريقك وين م تقبلي قليل الزيك الزمن دا انا ح اوريك كل شي والله العظيم من غير زيادة ولا نقصان
- طيب ي خالة اهدي شوية عشان اقدر افهم منك حاجة دقيقة اطلب حاجة تهديك
رفعت سماعة التلفون واستدعيت السكرتيرة ....
ي رماز جيبي حاجة تهدي اعصاب الخالة تاني عندي موعد الليلة؟!
* لا دا اخر موعد تطلبي حاجة تانية ؟!
- خلاص تمام جيبي العصير وبعدها ممكن تتفضلي دوامك خلص
* طيب ي استاذة شكرا
طلعت وبعد دقيقتين جابت عصير ليمون وفاتت خليتها هدت شوية وبعدها قلت ليها ...
- ح تقدري تقولي حاجة ؟!
* اي ح اوريك الحصل شنو
عندي بت تقريبا ف عمرك دا وبصراحة كدا معذباني شديد مصاحبة بنات كدا م عجبوني نهائي بطلعو كتير وبساهرو وعادي بتجي بالليل من مرقة الصباح للجامعة أبوها متوفي وانا يداب قادرة اوفر لقمة ناكلها حصلت لي مشكلة مع أهل راجلي اللي هم اهلي برضو لانو كان ود عمي طلعت خليت البيت من كم سنة وماف زول فيهم تاني سأل مني غير ود اخوي عمر دا المهم بتي دي قدر م حاولت ابعدها منهم أبت لي نهائي غلبتني😔
قبل تلاتة يوم بالتحديد بعد المغرب جاها اتصال من صحبتها اسمها تغريد تقريبا ما عارفة قالت ليها شنو لانو بعدها بقت ترجف لفحت اقرب عباية وقلت ليها ماشة وين قالت لي تغريد في مشكلة ح احكي ليك بعد ارجع وبعدها طلعت انا قلبي اكلني طوالي اتصلت على عمر دا ووريتو يشوف تغريد دي ساكنة وين الوقت أتأخر شديد وم رجعت رقمها مغلق وعمر قال لي م قدر يوصل لي شي💔
