* طيب ح احكي ليك القصة من الاول اتصلت علي تغريد بتبكي
- سجى الحقيني انا محبوسة شاكر حبسني ف شقة جابني غصبا عني عشان ابيت اوافق بيو وقال لي ح اخليك تموتي ف البيت دا وماف زول ح يجيب خبرك تعالي سريع وطلعيني من هنا 💔
* اهدي انا اسي بجيك رسلي لي العنوان
قفلت منها وطلعت بي سرعة واتجاهلت مناداة امي لانو بالنسبة لي معروف لو الموضوع بتعلق بي تغريد م بشوف حاجة تاني بالنسبة لي شاكر فهو ود عمها واتقدم ليها كم مرة بس رفضت
وصلت المكان الرسلتو لي تغريد هو مبنى وفيو شقق شفت عمو البواب اتجاهلتو ودخلت بسرعة وصلت الشقة الوصفتها لي والغريبة الباب كان فاتح قلت خلاص معناها جا م يمشي يعمل فيها حاجة لزيت الباب ودخلت بقيت بنادي فيها بس ماف رد لحدي م سمعت باب الشقة قفل اتلفت لقيتو نواف قلت ليو بإستغراب...
- نواف؟! بتعمل ف شنو هنا ووينها تغريد ؟!
* هنا ماف غيرنا اوك وتغريد أنصح منك دي كانت خطة
- خطة؟! طيب الدخلني فيها شنو
* تفتكري جبتك هنا انا وانتي برانا عشان شنو مثلا
بتكلم وبقرب مني ونظراتو مقرفة م حس الا بي كف ف وشو
- انت حقير؟! يعني عشان بحبك تفتكر اني ح اغلط معاك انت واحد مريض
لزيتو عشان اطلع مسك يدي وقال لي
* وانا م ح اخليك تطلعي من هنا مالم اخد الشي الجبتك عشانو
- نواف انت جنيت ناسي اني حبيبتك
* انا م حبيت غير تغريد كنتي عاجباني ساي واتقربت منك عشان اوصل لليوم دا
م حسيت الا وطرحتي اتقلعت مني ولقيت نفسي مرمية ف الكنبة بقيت بقاوم فيو استغليت اظافري شلخت وشو وجريت بسرعة اتجاه الباب بس حسيتو جراني تاني قاومتو كتير لحدي م جسمي اتشخبط ف النهاية رماني في الأرض م حسيت الا وراسي بضرب تربيزة القزاز الدنيا بقت لافة بي وشايفة طشاش وهو جاي علي زحفت لحدي م بقيت مع الحيطة وقفت على حيلي وهو خلاص كان قريب لي💔
عيني وقعت على مزهرية شلتها وقلت ليو
- نواف والله تقرب مني ح اضربك بيها
* طيب وبتهددي كمان ح اوريك
فعلا قرب علي مد يدو علي كدا بس لقيت نفسي ضربتو ف راسو بالمزهرية في ثواني بس بقى ف بركة دمو اتخلعت من المنظر طوالي طلعت بسرعة شافني من بعيد البواب وانا جارية بس م من ورا ما شاف وشي وبقى بكورك لي ي بت اقيفي بس انا ف الوقت داك م حاسة بحاجة ولا سامعة همي كلو كان انو نواف م يموت ركبت اقرب ركشة لقيتها وجيت البيت وياها حالتي الشفتيها 💔
كانت بتحكي وبتبكي هي وامها سكتت مسافة وواصلت..
- انا اتكسرت يا امي ف اغلى اتنين بحبهم القاها من منو فيهم واسي وقتلت حب حياتي بيدي قلبي بتقطع وضميري م مرتاح 💔
