جحيم الحب

الفصل الاول

:خلاص يا ماما تعبت معنتش قادرة استحمل

:ولادى.. مهو انا مستحملة بقالى سنين علشان خاطر ولادى بس خلاص بقه معدش عندى طاقة استحمل اكتر من كده

: ماشى يا ماما ... حاضر .. هشوف واكلمك .. ربنا يسهل

انا لي لي عندى 40 سنه بقالى تقريبا 20 سنه متجوزة جواز تقليدى جوزى يعنى ... نقول بخيل فى مشاعره و بيخاف على صحته لدرجة الهوس ... عندى ولد وبنت

الولد (ريان)15 سنه شبه ابوه فى كل حاجه الشكل والطبع بس مش بيتفقوا نهائيا

والبنت (اسيا ) 10 سنين شبهى انا فى كل حاجه بردو

انا متوسطة الجمال بس عندى شخصيه جذابة الكل بيحب يتعرف عليا ويتعامل معايا يعنى فيا انوثة من نوع خاص مش الجمال التقليدى انا قمحية وعيونى عسلى وشعرى كستنائى

باشتغل مهندسة ومرتبى كويس جدا وزوجى مهندس بردو بس دخلة مش كبير وده عامل عنده عقدة ... علشان رفضت انى اديلة مرتبى وهو يتصرف فيه

في بينا خلاف تقريبا من اول جوازنا كسر فرحتى مش حسيت انى عروسه وملهوف عليا لا عادى جدا 

 يعنى جواز من غير حب 

اتاخرنا فى موضوع الخلفة لانه كان عنده مشكله طبيه ومكانش ينفع اسيبه ضميرى مسمحش لى بده و صعب على علشان ملوش ذنب ( يا ريته ماصعب ... ) طبعا مش بس الموضوع ده اللى بينا خلاف فيه اختلافات كتير بس مكانش عندى الجرأه انى اصعدها  

يعنى اتعودت انى استحمل واعدى اي حاجه علشان مينفعش اغضب واسيب بيتى 

بيكذب وبيصدق نفسه ... راجل فاشل فى ادارة امور حياته سواء المادية او العائلية او الزوجية  وملوش اصدقاء حاسس ان الناس كلها مش كويسه وهو بس اللى كويس

لما خلفت ابنى اتغيرت معاملته معايا 180 درجة بعد ما كان بيحاسب على زعلى احسن اسيبه واطلب الطلاق لا خلاص اتاكد انه ربطنى بيه خلاص وعلشان ابنى هستحمل وفعلا ده اللى حصل

اهلى بيحبوه  وشايفينه راجل طيب وانا اللى مفتريه

وبعد ما خلاص قررت انجد نفسى منه واسيبه واطلق منه جات بنتى علشان تربطنى بيه اكتر واكتر ...

وبعد خلفة بنتى امورنا اتغيرت خالص للاسوء فالاسوء

حالته المادية ادهورت وبدأ يطلع زهقه عليا انا والولاد ومعدش بيصرف فى البيت حتى لو معاه وانا اللى متكفله باولادى اكل ولبس ودراسه وهو (بيه) بياكل على الجاهز حتى مفيش شكرا

بس انا خلاص قفلت منه خالص وحابه اخلص بقه من العيشه دى انا كده كده مش مستفيده منه حاجه لا ماديا ولا عاطفيا ولا فى تربية الولاد ده غير ان حالتنا النفسيه بقت تحت الصفر ...