الفصل الثالث والعشرون
سلمى عرفت بميعاد فرح كرم من فريده .... ومش عارفه تعمل ايه علشان تمنع الجوازة دى انها تتم
سلمى ( لازم تتصرفى يا سلمى فكرى ... فكرى .. ايوه .....كرم لو عرف ان لى لى بتعرف واحد تانى عمره ما هيتجوزها ... مفيش قدامى غير الدكتور سيف جوزها الاول )
راحت سلمى ل سيف المستشفى وطلبت تقابله
سلمى : اهلا دكتور سيف .. حضرتك متعرفنيش ... انا صاحبت لى لى
سيف : اهلا وسهلا ... اتفضلى ... خير لى لى فيها حاجه
سلمى : حضرتك عارف طبعا انها اتجوزت صاحب الشركة اللى هى بتشتغل فيها
سيف بتنهيده حزن : ايوه بلغنى الخبر ده
سلمى : بس هى كانت نويه تديلك فرصه يمكن تقدروا تعوضوا اللى حصل زمان ... بس
سيف : بس ايه ... ايه اللى خلاها توافق على الباشمهندس كرم
سلمى : كرم هددها انها لو مش اتجوزته هيرفدها ومش هيخليها تشتغل فى اى مكان تانى ... فاضطرت توافق علشان ولادها
انا جيت اقولك الكلام ده علشان تلحق لى لى .. دخلتها على كرم بكرة ... انا هخليك تقابلها وتقنعها انك مش هتسيبها هى واولادها وهتقف جنبها
سيف شك فى سلمى .. وراح فاتح تليفونه على تصوير الفديو
سيف : طيب وانا هستفيد ايه .. هى خلاص اتجوزت من كرم واظن انه مش ممكن يطلقها
سلمى : لا مهو كرم فيه عيب كبير .. انه بيغير غيرة عمياء ... واول ما هيشوفك مع لى لى ويسمعها وهى بتوافق على انها تكون معاك هيطلقها على طول
سيف : اظن الانسان اللى يهدد بقطع عيش واحده علشان توافق تتجوزه ... ممكن يقتلها لو حس انها خانته
سلمى : لا متخافش هو مش مجنون علشان يضيع نفسه
سيف : بس لى لى عمرها ماهترضى تقابلنى وهى على ذمة راجل تانى
سلمى : متخافش انا هتصرف وهخليها تيجى لك لحد هنا بنفسها ... استعد بكرة الساعه 1 الظهر هتكون عندك حاول تقنعها ....... وانا هجيب كرم يسمعها وهى بتوافق على عرضك ليها
خرجت سلمى من عند سيف .... وهى فاكرة انها عرفت تخطط صح ... مسكينه
سيف بعد سلمى ما خرجت ... مين دى وعاوزه ايه من لى لى ... انا عارف ان لى لى عمرها ماكانت هتوافق اننا نرجع لبعض ... ولا هى من النوع اللى تتجوز حد علشان هددها
اتصل سيف على لى لى ... اللى كانت مع كرم ... بيحطوا اللمسات الاخيرة على قائمة الطعام بتاع حفلة جوازهم
أنت تقرأ
جحيم الحب
Romanceهل الحب بعد الاربعين مسموح به هل من حقى ان احب بعد هذا السن كرم : ليه تحرمينى منك لي لى : علشان مينفعش يا كرم انا خلاص كبرت واولادى كبروا
