جحيم الحب

الفصل الثانى والعشرون

الفصل الثانى والعشرون

ركبت لى لى مع كرم عربيته اللى اصر يسوقها بنفسه علشان ينفرد ب لى لى ...

وهما مروحين على بيت والد لى لى كرم بعد عن العربيات اللى كانت ملاحقاهم وزوغ منهم وراح على مكان فاضى ووقف العربيه

لى لى : ايه يا كرم انت وقفت هنا ليه ... واحنا فين هنا

كرم : خطفتك يا قلب كرم .. مراتى وخطفتها .. حد له عندى حاجه

لى لى : لا بس هيقلقوا علينا

كرم : متخافيش يا حبيبي انا قايل لعمر

لى لى : قايل لعمر ايه ا ن شاء الله .. انا عاوزة اروح

كرم : خارج مع بنت اختى ... اهدى يا بنتى شويه فيه ايه ... مالك دا انا جوزك مش غريب

لى لى : المكان مريب يا كرم .... انت جايبنا فى الحته المقطوعه دى ليه

كرم : عاوز اتكلم معاكى يا قلبى فى مكان هادى ... طلع من العربيه وطلعها ... ووقفوا قدام العربيه ... ومسك ايديها

بصى يا روحى ان شاء الله مش هينفع نطول فى موضوع الخطوبة دى... يعنى من بكرة نجهز وخلال اسبوع او اسبوعين بالكتير تكونى فى بيتى وفى حضنى ... ومن النهارده انتى واولادنا مسئولين منى ... مصاريف و اى مواضيع تخص حياتنا

اهم حاجه انا مش عاوزك تخبى عليا اى حاجه ... لانى لو عرفت من غيرك هكون زعلان جدا .. وانا زعلى وحش انتى لسه مشوفتيهوش

انا عاوزك تعرفى انك مراتى حبيبتى وروحى فيكى ... وانا وانتى ستر وغطا على بعض ... يعنى اللى بينا محدش يعرفه ولا مامتى ولا مامتك ...

كمان عاوزك تحاولى تتعاملى معايا كزوج قدام الاولاد علشان يتعودوا ... ولما تيجو معايا بيتنا يبقى عادى اننا ننام فى غرفه واحده وميتضايقوش ... يعنى بطلى كسوف شويه ... لما امسك ايدك قدامهم متسحبيهاش

لما ابوسك من خدك ..خدى الموضوع عادى ...احط ايدى على كتفك واحضنك ..اثبتى كده ..علشان نرتاح بعد كده والموضوع يجى لهم بالتدريج

سلمى بنت عمى ملكيش دعوه بيها خالص ... اوعى تسمعى لها او تصدقيها ... او تعرفيها حاجه عنك وعن حياتك اللى فاتت او القادمه

.. طبعا مفيش شغل ... احنا عندنا اولاد فى سن حرجه ومحتاجينك جنبهم .. ولو حابه تشتغلى اشوف لك مشروع تديريه من البيت

كرم : لى لى انتى ساكته ليه ... انتى نمتى ولا ايه

لى لى : ساكته باسمعك ... وموافقه على كلامك ومعنديش اى تعليق عليه

كرم : فاضل بس تعرفى انى بغيرعليكى بمووووت من الغيره ..وغيرتى وحشه جدا فحاولى تتجنبى اى حاجه ممكن تسبب لى الغيرة ... وغيرتى دي من شدة حبى ليكى ...