جحيم الحب

الفصل العشرون

الفصل العشرون

تانى يوم ... لى لى صحيت من النوم وعملت الروتين اليومى بتاعها ولبست اتصل عليها حمزة :صباح الخير يا باشمهندسه انا تحت البيت

لى لى : ماشى يا استاذ حمزة انا نازله حالا

نزلت لى لى لقت كرم هو اللى واقف مستنيها

لى لى : ايه ده انت جيت امتى وحمزة فين

كرم : صباح الحب ... ايه مالك مخضوضه كده

لى لى ابتسمت من طريقته : صباح النور ... اصل حمزة لسه مكلمنى انه واقف تحت البيت

كرم : اه ... ما انا جيت مشيته .... محبش مراتى تركب مع رجل غريب ... انا بغير

لى لى وشها احمر وبصت فى الارض

كرم : طيب انا قولت حاجه للكسوف ده كله

لى لى : طيب مش احنا قولنا ندارى لحد بعد كتب الكتاب ... هتوصلنى ازاى بقه

كرم : متخافيش يا قلبى هنزلك قبل الشركه ...

لى لى : طيب ماكنت تخلى حمزة ....

كرم : لى لى .. قولت لك بغير عليكى .. متنطقيش اسم اى راجل تانى غيري فاهمه ... يلا اركبى علشان مش تتأخري

فتح لها باب العربيه اللى جنبه وهو زعلان

دخلت ركبت وهى زعلانه هى كمان ( هو انا قولت حاجه ولا عملت حاجه .. يزعل بقه ...)

ساق كرم العربيه( هى زعلانه ولا ايه .. انا بقولها بغير عليكى ..تقوم تزعل ..) كرم : انتى هتفضلى ساكته كده

لى لى : اه هفضل ساكته

كرم : هو انتى زعلانه ولا ايه

لى لى : اه زعلانه

كرم : هو انا عملت لك حاجه ... كل ده علشان مخلتكيش تركبى مع حمزة بيه

لى لى : كرم انت عارف ان مش ده السبب

كرم وقف العربيه على جنب : طيب ايه اللى مزعلك يا قلب كرم ... يا عيون كرم ...يا روح كرم ...كان بيتكلم وهو بيقرب منها واحده واحده لحد ما وصل قدام وشها بالظبط

فاقت لى لى على وضعهم : كرم مينفعش كده احنا فى الشارع الناس تقول علينا ايه

كرم : هاه ... بتقولى حاجه

لى لى : كرم

كرم : يووووه يا كرم بقه ....هههه

لى لى راحت ضاحكه : كنت هقولها .... ههههه

كرم : ضحكت ..يعنى قلبها مال ...وخلاص الفرق مابينا تشال

يلا يا قلبى روح لها يلا ... قول لها كل اللى بيتقال