جحيم الحب

الفصل الواحد والعشرون

الفصل الواحد والعشرون

تانى يوم بدأ كرم ولى لى يجهزو اوراقهم ونزلت اشترت الفستان اللى كان تحفه عليها واتفقوا مع القاعه وبدأوا يعزموا اصحابهم واقاربهم وبعض الموظفين فى الشركة ...وطبعا الوقت ده كان الكل متوتر ومشحون .. لى لى متعصبه وبتزعل من اتفه الامور .. بس كرم كان بيمتص غضبها ... وبيحول الزعل للحظات رومانسيه جميله ... وهو كمان كان خايف ومتوتر ان يحصل حاجه تفركش الجوازة .. وكان خايف جدا من سلمى

سلمى عرفت بموضوع كتب كتابه من ناس صحابهم فى النادى وعملت نفسها ولا هممها ... وانها هى اللى سابته علشان موضوع الخلفه

سلمى : عادى يا نهى ... يا حبيبتى انا لو كنت عاوزاه مكنتش سيبته .. بس انا مقدرتش اكمل معاه... انا بحب الاطفال وعاوزه اخلف

نهى : اه ... بس احنا سمعنا ان هو اللى طلقك يا سلمى وانك اتحايلتى عليه علشان يرجعك وهو مرضيش

سلمى : كدب يا حبيبتى ... ده بالعكس هو اللى بعد ما يأس من انى ارجعله قرر يتجوز علشان يعاقبنى

نهى : بس ايه يا سلمى ده بيغير على عروسته دى جدا وبيخاف عليها زى ما يكون بنت لسه صغيره مش واحده متجوزة ومخلفه اتنين

سلمى : مانا قولت لك هو عاوز يغيظنى علشان عارف ان الكلام ده هيوصلنى

سلمى : سيبينا بقه من الموضوع ده ....وغيرت الكلام وهى هتموت من جوه من الغيره والغيظ.. لانها سمعت فعلا عن معاملته ل لى لى وازاى بيظهر حبه لها قدام الناس من غير كسوف واحتفاله بكتب الكتاب اللى كل مصر بتتكلم عنه

بس هى مش هتسكت وهتنكد عليهم عيشتهم ... ازاى يتجوز قبلها ويخلى الناس تتكلم عليها ( بكرة تشوف يا كرم سلمى هتعمل فيكم ايه )

الليلة اللى قبل كتب الكتاب لى لى نزلت شقتها وهى قلقانه ومتوترة جدا .... المفروض علشان تنام ... بس طبعا جافاها النوم وهى بتحاول تنام لقت تليفونها بيرن ..ابتسمت قبل ما تشوف مين اللى متصل علشان عارفه انه كرم

لى لى : السلام عليكم

كرم : وعليكم السلام ... نمتى ولا ايه

لى لى : لا ... مش عارفه انام

كرم : وانا كمان مش جايلى نوم ... بس انا من السعاده وانتى

لى لى : وانا كمان ... بس خايفه قوى

كرم : ليه يا عمرى ... انا قولت لك طول مانا عايش اوعى تخافى من حاجه

لى لى : انا خايفه من الحياه الجديده اللى داخلين عليها ... انا مش عارفه هقدر اسعدك ولا ..لا .. طيب واولادى خايفه اقصر معاهم ... مش عارفه

كرم : انا معاكى يا حبيبي وهاساعدك فى كل خطوة... واولادنا هيكونوا اسعد من دلوقتى صدقينى ... انا بحبك وبموت فيكى وولادك هما اولادى ..بجد والله ده احساسي