جحيم الحب

الفصل الخامس عشر

الفصل الخامس عشر

خرجت لى لى من الغرفه وروحها مسحوبه ... راحت غرفة باباها ونامت على السرير وهى مش عاوزة تفكر فى اللى حصل ده

طلع النهار عليهم وكل واحد فى افكاره لى لى خاصم النوم عيونها وقامت دخلت الحمام واتوضت وصلت وبعدها دخل سيف عليهم ... كشف على والدها ولقاه بقى احسن

سيف : خلاص كده يا عم كامل تقدر تروًح واحنا مطمنين عليك ...انا هاكتب لك خروج وهابقى اجى انا اتابع معاك فى البيت

لى لى تمام كده يعنى اروح انا اشوف الحساب واطلع اجهز بابا

اتصلت لى لى على حمزة ..: الو ايوه يا استاذ حمزة انت فى الشركه ولا بره

تمام كويس علشان الحاج هيروح وعاوزاك تيجي لنا كمان ساعه كده ... تمام ماشى

لى لى مامتها كانت جايبه لها فلوس علشان تحاسب المستشفى .. نزلت الحسابات علشان تقفل الحساب

لى لى : السلام عليكم كنت عاوزة حساب الغرفه .... علشان خارجين

الموظف : الحساب مدفوع يا فندم واتفضلى المخالصه

لى لى اخدت الفاتورة لقت المبلغ فعلا35 الف جنيه

طلعت لى لى الفلوس من معاها ... اتفضل فلوس الفاتورة

الموظف : بس حضرتك حساب الغرفه اندفع

لى لى : اقدر اعرف المبلغ اللى اندفع كام بالظبط

الموظف : كان فيه 100 الف تحت الحساب ... طيب هات باقى الحساب

لى لى : اخدت من الموظف ال65 الف وحطت عليهم ال35 الف اللى هى جايباهم وحطتهم فى ظرف

لى لى للموظف : ممكن حضرتك تطلع ال100 الف دول للباشمهندس كرم وتقوله ان الحساب اندفع

الموظف : تحت امرحضرتك .. واخد منها الفلوس واداهم لواحد تانى طلعهم لغرفة كرم

طلعت لى لى غرفة والدها جهزت شنطتهم وجهزت باباها وجابت له كرسي متحرك قعدته عليه ... وجه سيف : استنى يا لولو انا ساعه كمان وهخلص واروح اروحكم انا

لى لى : ملوش لزوم احنا معانا العربيه

سيف طلع ظرف من جيبه واداه ل لى لى

لى لى : ايه ده

سيف : ده نصيبي فى متابعة حالة والدك .. انا مش معقول هاخد منكم فلوس يعنى

لى لى : لا طبعا لازم تاخد حقك

سيف : خلاص يا لولو مش محتاجه عند هى ..متقول حاجه يا عم كامل

كامل : خلاص يا لولو .... اناتعبان ومش عاوز مناهده

اخدت لى لى الظرف وحطته فى الشنطة ... ابتسم سيف على طريقتها وهى بتدخلهم فى الشنطه ومتغاظة