جحيم الحب

الفصل الرابع والعشرون

الفصل الرابع والعشرون

كرم قاعد جنب لى لى وبيصالحها : خلاص بقه يا لولو علشان خاطر اليوم المفترج ده ...مش تضيعى فرحتى بوجودك فى بيتى

طيب اقولك اجلي القمصه لبعد الحفله .. وفكر شويه كده وراح قايل .. لا لا ..بلاش بعد الحفله خليها بكرة ..ايوه ازعلى بكره ... امممم بكره احنا طالعين شرم .. وشرم لا يجوز فيها الزعل

خلاص يا لولتى خليها لما نرجع من شرم

ضحكت لى لى على طريقته وهو بيصالحها

كرم : ايوه كده والنبى تبسم ... بقولك ايه متيجى نرقص

شاور كرم لل دى جى يشغل حاجه هاديه

وقام كرم ورقص مع لى لى على انغام اغنية غمض عينيك واحلم معايا وهات ايديك واحضن هوايا

كرم كان حاضن لى لى ومقربها منه جامد وهى لفه ايديها حوالين رقبته ...وحاطط جبينه على جبينها وعمال يتغزل فيها ويقولها هو قد ايه بيعشقها وبيموت عليها

لى لى : ممكن اسألك سؤال

كرم من غير مايتكلم : همممم

لى لى ضحكت وابتسم كرم : انت كنت بتعامل مراتك كده ...

كرم فتح عينيه و رفع راسه وبص ل لى لى : انتى عبيطه ... فيه واحده تسأل جوزها السؤال ده يوم فرحهم وفى اللحظه الرومانسيه الجميله دى ... اكيد عبيطه

لى لى : ده مش انا اللى عبيطه وحياتك ... اللى يبقى معاها راجل زيك كده وتفرط فيه ... هى اللى عبيطه

كرم : افهم من كده انك عمرك ما هتفرطى فيه

لى لى : دا انا اموت قبل ما ابعد عنك

كرم : بعد الشر عليكى يا حياتى ... بس ايه الرضا ده كله ... انتى بتتحامى فى الناس علشان عارفه انى مش هرضى احرجك وابوسك قدامهم

لى لى : بصراحه .. اه وضحكت

كرم راح حاضن لى لى من وسطها ورفعها ولف بيها

لى لى : خلاص يا كوكى نزلنى والنبى ... انا بدوخ على فكرة

كرم : عز الطلب يا قلب كوكى .. انا عاوزك دايخه .. هو انا لسه هدوخك

قام بعض المدعويين وشاركو فى الرقص والكل كان سعيد من الجو الرومانسي ده

انتهت الرقصه وقعد كرم ولى لى ... وكرم عمال يقولها كلام كله غزل وحب وهى هتموت من كلامه

جت اسيا قعدت جنب مامتها .. وراح كرم منادى ريان كمان قعد جنبه

وفضلوا يتكلموا كأسرة ... واستأذن كرم ريان واسيا انه يطلع هو و لى لى الرحلة دى بس لوحدهم وبعد كده مفيش رحلات الا و كلنا مع بعض