كرم فى غرفة المكتب سرحان فى لى لى
( انسانه غريبه تبان قوية من بره بس فى الحقيقة ضعيفة جدا ... عيونها فيهم حزن كبير وحنان اكبر ... هى فعلا مش جميلة قوى تقريبا عادية بس هى من الستات اللى تشدك بضعفها وتخليك عاوز تكون مسئول عنها وتحميها ... انا مش عارف انا عاوز منها ايه او بعمل كده ليه .. ليه حاسس انها تعيسه فى حياتها وانا عاوز اسعدها
هنشوف الايام مخبيالنا ايه ..)
كرم : استاذ احمد انت كلمت الباشمهندسة لى لى
احمد : ايوه يا باشمهندس وهى زمانها على وصول
كرم : تمام زى مافهمتك تقول لها ده قرار الباشمهندس كرم ولو معترضة روحى كلميه هو ..
احمد : حاضر يا فندم
كرم قاعد على مكتبه يتابع الشغل وعينه على كاميرات المراقبه فى انتظار وصولها
كرم : مروة لو سمحتى تعالى لى حالا
مروة : تمام يا فندم
دخلت مروة السكرتيرة
كرم : الباشمهندسة لى لى جاية دلوقتى عاوزة تقابلنى ... هتقولى لها مفيش ميعاد سابق ولازم تحددى ميعاد
مروة باستغراب : حاضر يا باشمهندس
كرم : اتفضلى على مكتبك
مروة خرجت وهى بتكلم نفسها ماله ده ... ليه عاوز يستفزها
قدام باب الشركة ....
نزلت لى لى من التاكسى ووقفت تكلم السواق وتبتسم له وكرم شايفها فى كاميرة المراقبة وهو على اخره منها
كرم : مالها دى واقفه مع سواق التاكسى بترغى فى ايه وليه بتبتسم بالشكل ده
لى لى اتجهت لباب الدخول وسلمت على الامن وبردو وقفت معاه ونفس الابتسامة اللى بتبين غمازاتها
كرم : لا بقه دى ماشيه توزع ابتسامات على الكل حتى موظف الامن واقفه تتكلم معاه مالها دى
لى لى راحت على الاستقبال وسلمت على البنات اللى هناك واتكلمت معاهم ضحكت شوية وبعدها اتوجهت للاسانسير علشان تروح مكتب شئون العاملين
دخلت لى لى مكتب الاستاذ احمد ...
لى لى : السلام عليكم يا استاذ احمد
احمد : وعليكم السلام يا باشمهندسة لى لى.... ايه النور ده كله ...اتفضلى
لى لى : ده نورك يا استاذ احمد خير ان شاء الله انت قلقتنى جدا
احمد وشه جاب الوان : والله يا باشمهندسة ... النهاردة طلع قرار بنقل حضرتك للعمل فى قسم المشروعات بمقر الشركة هنا
أنت تقرأ
جحيم الحب
Romanceهل الحب بعد الاربعين مسموح به هل من حقى ان احب بعد هذا السن كرم : ليه تحرمينى منك لي لى : علشان مينفعش يا كرم انا خلاص كبرت واولادى كبروا
