جحيم الحب

الفصل الرابع

الفصل الرابع

محمد وهو مش على بعضه : قررتى من نفسك كده ... من غير ما تسألينى

انا مش موافق انك تسيبى الشغل ....

لى لى : وانا مش بسألك ... انا حرة فى نفسى ... اشتغل اقعد انا حرة

محمد : مفكرتيش حضرتك هنعمل ايه فى المصاريف اللى عندنا دى ... انا خلاص معنديش مانع اقعدى بس مترجعيش تشتكى من المصاريف وقلة الفلوس

لى لى : خلاص يا محمد انا تعبانه طول النهار سيبنى استريح .. وبعدين نتكلم ونشوف هنعمل ايه

محمد خرج وهو بيبرطم : ( دى واحده عيشه فى الغيبوبه مش بتفكر غير فى نفسها وراحتها وبس ... انا مالى ان شاء الله تولع على دماغها و دماغ ولادها )

لى لى وهى بتبكى : ( ده حتى مسألنيش عاوزة تسيبى الشغل ليه ... كل اللى همه الفلوس اللى بتيجي من الشغل واللى معيشاه ملك زمانه )

لى لى بتفكير اعمل ايه يا ربى ... مليش غيرك يا رب اشكيله حالى .. افرجها عليا من عندك يا رب

سليم لسه قاعد يكلم نفسه ويفكر هيعمل ايه فى المصيبه دى ..كده كده لى لى هتبعد عنه يا اما توافق على النقل .. يا اما تستقيل

دخلت هنا زوجته بتتكلم معاه وهو سرحان وفى دنيا غير الدنيا

هنا : سليم ... يا سليم

سليم : هاه ايوه يا هنا كنتى بتقولى حاجه

هنا : اللى واخد عقلك يا باشمهندس ولا اقول اللى واخده عقلك

سليم : ايه الكلام الفارغ بتاعك ده ... فيه مواضيع فى الشغل شاغله بالى وبفكر فيها

مش كل حاجه واحده واحده ... خلى عندك ثقه فى نفسك وفيا

هنا : ههههه ثقه فيك ... هو فيه ست بتثق فى راجل ...دى تبقى عبيطة

سليم : شكرا يا ست هنا يا ذوق ... كلامك وصل كله كلمه كلمه

عن اذنك بقه اطفى النور علشان عاوز اناملى شوية

( هنا زوجة سليم .. جميلة جدا وعيون سماوى وشعر كراميل .. بتحب سليم جدا جدا .. وبتغير عليه موووووت ... كانت شغاله   موظفة وسابت شغلها علشان تتفرغ لاولادها وبيتها )

هنا : والله شكلك ميطمنش .. بس مسيري هاعرف يا سليم

.

.

.

كرم كان قاعد فى غرفته وبيفكر فى اللى هو عمله ... وانه اخيرا هيرتاح من الذل والكلام اللى زى الدبش ليل نهار ... واحساسه دايما بإنه ظالمها معاه وانه لازم ييجى على نفسه ويستحملها مهما عملت علشان كفايه انها راضية تعيش معاه بظروفه دى