جحيم الحب

الفصل السابع عشر

الفصل السابع عشر

سليم كان رايح مقر الشركة يخلص شوية اوراق مطلوب توقيع رئيس مجلس الادارة

دخل المكتب عند كرم

سليم : السلام عليكم ... الباشمهندس كرم موجود

مروة : وعليكم السلام اتفضل يا باشمهندس سليم .. هاديله خبر

جريت سلمى قبلها ... : خليك انتى شوفى شغلك انا هروح اديله خبر ...اقوله الباشمهندس سليم مش كده

سليم هز دماغه وهو مستغرب

خبطت سلمى على الباب ودخلت كان كرم بيكلم عمر اخو لى لى

كرم : والله انا اسعد انى اتعرفت عليك ..خلاص زى ما اتفقنا اسبوع بالكتير ان شاء الله وتكونوا هنا .. عمى كامل محتاجكم جدا كفاية سفر بقه

:.........................................

كرم : زى ماتفقنا شغلكم موجود

:....................................

كرم : يا رب ..ان شاء الله .. مع السلامه فى رعاية الله

سلمى : مين ده ... ومين عمى كامل ده

كرم بزعيق : افندم .؟ .. انتى بتهزرى ..انتى مالك انتى ..وايه اللى دخلك انتى.... مروة هى اللى تدخل وانتى متدخليش الا لما اطلبك مفهوم

سلمى اترعبت من صوته العالى ...: ماشى اللى تشوفه يا باشمهندس ...الباشمهندس سليم بره وعاوز حضرتك

كرم : خليه يدخل....ومتتكررش تانى

خرجت بسرعه ووشها احمر من الكسوف والرعب ..: اتفضل يا باشمهندس

دخل سليم وسلم على كرم

سليم : انا جايب لحضرتك ميزانية الموقع عن الشهور اللى فاتت علشان كنا مأجلينها لحد ما حضرتك تيجي بالسلامه

وكمان كشف بالمواد الخام اللى استهلكناها فى المشروع الجديد و الكمية المتبقيه فى المخازن ..

وده كشف المكافأت اللى حضرتك وعدت العمال بيها لو انهو المشروع فى اقل من وقته

كرم : شاف الورق اللى على بيقدمه واتصل على مروة : ابعتيلى الباشمهندسه لى لى

مروة تحت امرحضرتك يا باشمهندس

اتصلت مروة ب لى لى : ايوه يا باشمهندسه .. تعالى كلمى الباشمهندس كرم ومعاه الباشمهندس سليم 

لى لى : حاضر يا مروة جايه حالا

دخلت لى لى مكتب مروة ... سلمت على مروة وبصت ناحية سلمى : مين حضرتك موظفة جديده معانا هنا