جحيم الحب

الفصل التاسع عشر

الفصل التاسع عشر

كامل مش مصدق نفسه : الحمد لله اخيرا يا لولو طلعتى روحنا يا شيخه ...

والولاد راحوا واقفين : هااااااااه ... هاااااااه ..ماما وافقت ... ماما وافقت

لى لى ابتسمت ..: ياه هو انا كنت مزهقاكو اوى كده .... ومصدقتوا هتخلصوا منى

حنان جت من جوه تزغرط : الف مبروك يا لولو ... ايوه كده فرحى قلبنا ....

ريان راح متصل على كرم

كرم رد على التليفون سمع الزغاريط والهيصه .... قلبه ارتعش من الفرحه : السلام عليكم

ريان : وعليكم السلام مبروك يا عمو كرم ... اخيرا ماما وافقت ... خد جدو مع حضرتك

كامل : السلام عليكم ... مبروك يا كرم يابنى ... لولو وافقت ... مستنينكم بعد صلاة العشا ان شاء الله

كرم : وعليكم السلام ... الله يبارك فى حضرتك يا عمى .... الحمد لله اخيرا ابو الهول نطق

ان شاء الله هنكون عند حضرتك بعد العشا...

قفل كرم مع كامل وبلغ مامته وعمه على الميعاد

عند لى لى الدنيا كانت دوشه وهيصه

حنان : طيب احنا هنلحق نعمل حاجه .... طيب ماتخلوها لبكرة

كامل : انتى عاوزة تعملى ايه دى قراءة فاتحه يعنى حاجه ساقعه وجاتوه

حنان : ازاى لازم نجهز عشا لكرم واهله

كامل: خلاص يا سيتى هنبعت نشترى جاهز ولا تتعبى نفسك ... شوفى انتى عاوزه ايه ونبعت نجيبه

يلا سيبينى بقه انا لسه عاوز اكلم محمود وعماد علشان يحضروا معانا

حنان : يلا يا لولو شوفى هتنزلى تجيبي لك حاجه تلبسيها وتروحى تظبطى نفسك ... يلا مش هنلحق ... يوووه كنتوا خليتوها بكره وخلاص ايه السربعه دى

لى لى نزلت شقتها اتوضت وصلت ودعت ربنا ان اللى عملته ده يكون فيه الخير ليها ولاولادها ... وجهزت نفسها علشان تنزل تشترى فستان وتروح الكوافير تظبط نفسها

لقت تليفونها بيرن نمرة كرم 

لى لى : السلام عليكم

كرم : وعليكم السلام ... مبروك يا روحى

لى لى : الله يبارك فيك

كرم : بس ..... مش ناسيه حاجه

لى لى: يووووه .. كرم بقه

كرم : ايه يا عيون كرم .... بتتكسفى منى ... داحنا لسه هنقرا الفاتحه .. امال يوم كتب الكتاب هتعملى ايه ... مش هيبقى كلام بس