جحيم الحب

الفصل الثالث عشر

الفصل الثالث عشر

صفيه بصت لقت ابنها فى دنيا غير الدنيا ... وسرحان فى البنت اللى لسه داخله ... مين دى

صفيه : اهلا وسهلا اتفضلى

دخلت لى لى وهى عيونها فى الارض راحت على صفيه سلمت عليها

لى لى : السلام عليكم .. ازاى حضرتك ... الحمد لله على سلامة الباشمهندس

صفيه : وعليكم السلام .. الله يسلمك يا حبيبتى ... اتفضلى اقعدى

قعدت لى لى على الكرسي اللى جنب صفيه من غير ما تبص لكرم خالص

لى لى : الف سلامه عليك يا باشمهندس .. الحمد لله انها جت على قد كده

كرم ابتسم على خجلها منه ..( دى حتى مكسوفة تبصلى ): الله يسلمك يا باشمهندسه

البركه فيكى انتى ... انتى انقذتى حياتى

لى لى : ابدا يا باشمهندس .. اى حد مكانى كان عمل كده

المهم حضرتك احسن دلوقتى ؟

كرم : احسن جدا .. الحمد لله

والدك اخباره ايه؟

لى لى : لسه فى العناية المركزة ومانعين الزيارة ... ربنا يسترها

كرم : هو انتى ملكيش اخوات ولاد

لى لى : ليا اتنين ربنا يبارك فى عمرهم .. بس مسافرين الامارات

كرم : ربنا يجيبهم بالسلامه

امال انتى تعرفى الدكتور سيف منين .. قريبكم

لى لى اتصدمت من السؤال ... واتلجلجت فى الرد

لى لى : ده .. كان اخو واحده ...صاحبتى ... وكانوا جيرانا زمان ....وو...

كرم استغرب من اللخبطة اللى هى فيها

كرم : وايه يا هندسه

لى لى : وبس ...بعد اذنكم انا ماشيه ..حمد الله على سلامتك يا باشمهندس وربنا يكمل شفاك على خير

كانت بتقول الكلام ده وهى طالعه من الغرفه بس صوت كرم وقفها مكانها

كرم : لى لى ... انتى لسه مشربتيش حاجه .... اقعدى شويه كمان

لى لى بصت لكرم باستغراب

لى لى : معلش ...لازم امشى .. علشان اطمن على والدى ...

كرم : انا خلتهم يعملولك بكرة كمان اجازة .... ولو حبيتى تزودي الاجازة عرفينى

لى لى : انا متشكرة جدا يا باشمهندس ... ان شاء الله بابا يتحسن من هنا لبكرة

كرم : وريان واسيا عامليين ايه

لى لى برقت بعينيها ..(هو عرف اسماء ولادى منين .. اكيد عادل) وبصت على عادل