جحيم الحب

الفصل الثامن

الفصل الثامن

سلمى راحت لفيلا كرم علشان تنفذ خطتها وقاعده فى الصالون مستنيه مرات عمها صفية

دخلت صفية وبصت على سلمى نظرة احتقار وغضب

صفية : اهلا يا سلمى يا بنت طاهرشرفتى ... خير

سلمى وهى ماسكة نفسها بالعافية .. بقى دى اللى كانت بتتمنى لها الرضا : اهلا يا ماما... ايه بنت طاهر دى ... هو انا مش بنتك ولا ايه ... ووقفت علشان تسلم عليها ومدت ايدها

صفية فاهمة سلمى كويس قوى وعارفة هى جاية ليه... سلمت عليها من طراطيف صوابعها: كنتى بنتى لما كنتى مرات ابنى .. بس هو طلقك خلاص وكل واحد راح لحاله ... خير بردو جايه ليه

سلمى دموعها راحت نازلة وراحت مرمية على صفية : يعنى يرضيكى يا ماما اللى كرم عمله فيه ده ..

كلمى لى كرم يرجعنى تانى انا مش هقدر اعيش من غيره

صفيه راحت باعده سلمى من حضنها وطبطبت على كتفها : بصى يا سلمى ... انا مرات عمك وانا اللى مربياكى للاسف وعشتى معايا اكتر ما عشتى مع امك ... وفاهمة ان كرم مش فارق معاكى خالص وانتى جاية النهارده علشان حاجتك اللى كنتى محوشاها من فلوسه .. بس احب اقولك متتعبيش نفسك ملوش لزوم التمثيل

قولى نيتك على طول ...

سلمى مسحت دموعها وراحت واقفة قدام صفية وبصت لها بحقد وغل : حلو انك فاهمانى ياااا .. مرات عمى .. انا عاوزة حاجتى كلها اللى عند ابنك ... هدومى ومجوهراتى ماذا والااا .... انتى عارفه انا ممكن اقول ايه واعمل ايه

صفية :هتقولى ايه يا سلمى متعرفينى

سلمى : هقول انى عمرى ما حبيت ابنك وانك انتى اللى غصبتى عليا اتجوزه علشان ميتجوزش البنت اللى كان بيحبها فى الجامعه ... ولما عرفتى انه .. عاقر ومبيخلفشى كنتى بتدفعيلى شهرية كبيرة علشان ارضى اعيش معاه ولولا كده كان زمانى سيباه من زمان وشايفه مصلحتى

صفية رفعت ايدها علشان تضرب سلمى بالقلم على وشها ...سمعت صوت كرم من وراهم : هتعملى ايه يا صفية هانم ... يتضربيها ليه ... انتى استأجرتى واحدة بفلوسي علشان تمثل عليا الحب .. والست نفذت تعليماتك واجرتها لازم تاخدها

بس احب اقولك يا سلمى هانم انك مبتعرفيش تمثلى .. عمرى ماحسيت انك بتحبينى من اول يوم جوازنا وكان باين عليكى جدا انك مش بتحبينى بس مكانش ينفع اطلقك علشان انتى بنت عمى ... وكنت باستغرب جدا ان جاتلك فرص كتير تتطلقى منى ... بس انتى كنتى بترفضى

وانا اللى كنت فاكر ان عمى هو اللى ضاغط عليكى طلعت سبوبة عاليه وصفية هانم مش مقصرة معاكى .... اطلعى خدى حاجتك يا مدام سلمى .... ويا ريت مشفش وشك تانى ولا حتى صدفة