Fire Phoenix 《မီးလျှံဇာမဏီ》 MM Translation

Part-4 *​​မွေးရာပါ မီးလျှံဇာမဏီ အမှတ်အသား*

[Unicode]
စစ်သူကြီးအိမ်​တော်...ယွင်စန်းလန်၏ အခန်းထဲ၌....

အနီ​ရောင် အဝတ်တို့ကို အ​စေခံအဝတ်တို့နှင့် လဲလှယ်ထား​သော ​ကောင်မ​လေးသည် တိတ်ဆိတ်စွာ မတ်တပ်ရပ်လျက်...

သူ​မ​လေးသည် ဆံနွယ်တို့ကို ​သေသပ်စွာ ချည်​နှောင်ထားသဖြင့် ရှင်းလင်း​ လှပ​သော မျက်နှာသွင်ပြင်​ နှင့် ကြီးမားဝိုင်းစက်​သော မျက်ဝန်းတို့မှာ ​ပေါ်လွင်​နေ၏....​နောင်နှစ်အနည်းငယ် ကြာလျှင် ဤက​​လေးမ​လေးမှာ လွန်စွာချော​မောလှပ​သော မိန်းမပျို​လေးဖြစ်လာမည်မှာ သံသယဖြစ်စရာမလို​ပေ...

၁၂နှစ်ခန့်သာရှိ​သေး​သော်လည်း ကုန်သည်ဝမ်က သူ၏သားနှင့် အတင်းအကျပ်လက်ထပ်ခိုင်းခြင်းမှာ အံ့ဩစရာ​တော့မဟုတ်....

"​သေစမ်း...ကုန်သည်ဝမ်က အရှင်မင်းကြီးကို တကယ်တိုင်​ပြောရဲတယ်....အခု​တော့ ငါက အပြစ်​ပေးခံရပြီး ၁လကြီး​တောင် အပြင်မထွက်ရ​တော့ဘူး....​ငါပျင်းပြီး ​သေသွားနိုင်တယ်....ဟမ့်..​..သည်အတွက် သင်းရဲ့သားကို ခံစားရ​အောင်လုပ်ပစ်မယ်.."

ယွင်စန်းလန်၏ မျက်နှာမှာ ​ဒေါသ​ကြောင့် နီမြန်း​နေပြီး....အခန်းသို့ ပြန်လာသည့် လမ်းတစ်​လျှောက်လုံး ကြိမ်ဆဲ​နေ၏....သူ၏​ဒေါသနှင့် ​ခေါင်းမာမှုတို့​ကြောင့်သာ မဟုတ်လျှင် စန်းလန်မှာ ​ကောင်းကင်မှ နတ်သား​လေးဟု ထင်ရက်စရာပင်...သို့​သော်..အကြင်သူမှာကား..နတ်သားမဟုတ်​ပေ...

ဘန်း!!!!

အခန်းတံခါးအား ​ကန်ဖွင့်လိုက်ခြင်း​ကြောင့် ​မိန်းက​လေးငယ်မှာ လန့်ဖြတ်ကာ အိပ်ယာ​ဘေး၌ ပုန်းကွယ်လိုက်၏..

"မင်းအဲ့သည်မှာ ဘာလုပ်​နေတာလဲ..? ခိုးဖို့ကြိုးစား​နေတာလား...?"

"မ...မဟုတ်ပါဘူး...သခင်မက..သခင်​လေးကိုခစားဖို့ သည်မှာ​နေခိုင်းလိုက်လို့ပါ..."
မိန်းက​လေးငယ်သည် ​ကြောက်ရွံ့စွာ ဒူး​ထောက်ရင်း အ​ဖြေပြန်​ပေးသည်...

"ငါ့အ​မေက မင်းကို​နေခိုင်းတာ...?"

ယွင်စန်းလန်သည် မိန်းက​လေးငယ်အား ငုံ့ကြည့်လိုက်သည်...က​လေးမ​လေးက ဒူး​ထောက်​နေသဖြင့် သူက အနည်းငယ်ပိုရှည်​လေသည်..ဤက​လေးမကား အဝတ်အစားလဲထား၍ ယခင်နဲ့​တော့မတူ​တော့​ပေ..