حب رغم الحواجز

البارت الاول

(حب رغم الحواجز)
#akbal_ Mahameed
حبايب ان شاء الله راح ابدي انشر بقصة حب رغم الحواجز من اليوم واريد تنطوني رأيكم مشتاقة الكم كومة
&&&&&&&&&&&&&&2

جنت كاعدة بالكافترية انتضر فراس لان دزلي مسج
( لا طلعين انتضريني اخلص المحاضرة واجي اشوفج) كل شوية اشوف موبايلي خاف دزلي رسالة
لان تأخر
اجتي يمي صديقتي اية كالت شعجب بعدج ماطلعتي+

- انتضر فراس بس شكلة تأخر.

- والله انتي بطرانة.

- ليش بلة.

- ولج هيه مال حب بهازلك بعدج ماشفتي شي من الكلية وكبل حبيتي.

- قابل بيدي.

- لا برجلج

- هسه شلون انتظرة لو اروح.

- خابري شوفي وين صار.

- خاف بالمحاضرة

- دزي مسج.

- هم صحيح.
دزيتلة مسج ( وينك فراس )
جاوبني بسرعة هياتني اجيت رفعت راسي شفتة دخل للكافترية.

باوعت لاية وكتلها اتزحلكي.

- شكو.
- تزحلكي لج اجة فراس.

- صدك لو كالو من لكة احبابة نسى اصاحبة.

- دكومي تدرين بي يستحي يحجي وياي كدامج.

- كمت عيني كمت اخذي راحتج.
راحت وهو اجة وابتسامة خفيفة مرسومة على شفايفة

- شلونج عمري.

- بخير الحمدلله انتة شلونك.

- بخير مدام شفتج.
ابتسمت ودنكت.

- ارفعي راسج خلي اشوف عيونج قبل لا اروح.

رفعت راسي وبسرعة كتلة وين.

- هههه للبيت قابل وين اليوم الوالد مسوي عزيمة وصاني ما تأخر.

- ها ماشي.

- يلة اوصلج للكراج واروح.
مشيت وياة اني صعدت بالخط مالتي وهو راح لسيارتة
رجعت للبيت تلكتني مرت عمي جانت شايلة علاوي ابنها وتفتر بالحديقة
اجيت يمها

- شبي علاوي

- ماعرف بس يبجي وعمج اجة من الدوام تعبان يريد ينام طلعنة وعفتة يرتاح
اخذتة منها والاعبة شوية سكت
دخلنة اني وياها للمطبخ.

- روحي بدلي واني راح اصبلج غدة.

- خاف اتعبج.

- تعبج راحة عمري، واني هم جوعانة اكل وياج

- خوش لعد اخذت حمودي وصعدت لغرفتي
بدلت ونزلت كعدنة واني اسولف الها عني يومي.

اني رياحين عمري 20 سنة طالبة كلية تربية قسم شريعة اسلامية حياتي حلوة والي زايدها حلاوة فراس، فراس تعرفت علي بالكلية طالب وياي بس هو مرحلة ثالثة واني ثانية صار سنة على علاقتنة ومتفقين من نتخرج يجي يخطبني ونتزوج