( حب رغم الحواجز )
#akbal_mahameed +نزل جلال وخازرني من شفتة سدين الباب وكلبي يدك قوي ما اعرف شتصرف وياة دخلت للبيت صحت روكان
- ولد برا يريدك
- وانتي شطلعج للباب
- ما ادري ولد صحت منو وما جاوب
طلع شوية ودخل وياه جلال والولد دخلهم للاستقبال واجه كال سوي جاي وكعدي ابوي علمود نحجي بموضوعج
- عوفة مو هسه
- ليش
، ابوي حالته تعبانة مة مال تحجي وياة هسه 5- بابا هذا الموضوع ما يتاجل لازم ينخصم با اسرع وقت يلى سوي الجاي وروحي كعدي
هزيت راسي سويت الجاي حضرت الاستكاين ورحت دكيت الباب على اهلي
صاح ابوي اتفضل
فتحت الباب ودخلت
- ها يابه
- بابا اجه جلال و روكان كال كعدي ابوي
- خير ان شاء الله هسه اجي
سديت الباب وطلعت صبيت واجه روكان اخذ الصينية
- هذا مصدك نفسه جاي يحدد موعد العرس
- روكان اني خايفة
- لا تخافين واخوج موجود
- فدوة لعمرك خوية
اخذ الصينية وراح ورا ابوي راح يمهم 1شوية وصاح ابوي رياحين تعاي
لبست شالي وكفت يم الباب لان الولد جوة
- هاا يابه
- فوتي بنتي ماكو غريب
دخلت للاستقبال الولد طالع باقي بس جلال
ما باوعت بوجهتة
- ها يابه
- صحيح حجي اخوج
- ايي يابه
- بس رجلج جاي ينكر يكول ما عندي غيرها
- يابه شي خصة هذا هو متزوج بالسر واعترفلي بهالشي واني ما اقبل 3باوع ابوي على جلال كالة اني من البدايه ماارتاحيت الك
- عمي جاي اكلك جذب ما عندي غيرها
- تكوم تحلف على القران ما متزوج انته
- ايي احلف ما عندي شي مرتي واريدها اني
كام يريد يحط ايدة على القران صحت خاف ربك الحلفان مو هين 1ما اهتم لكلامي حط ايدة وكال اقسم بالقران الكريم ما عندي غيرها ومرتي واني رايدها واحبها
بجيت بقهر
- روحي بابا
- يابه اني ما اريدة كارهتة
- كتلج روحي بنيتي
طلعت صعدت لغرفتي دموعي تجري كذاب خاين حقير عندة الحلفان سهل همداني بيوم حبيتة 3كعدت ابجي اخذت موبايلي كتبتلة تموت وما اصير الك بعد ما كشفتك يا نذل
دزيتها ودخلت امي
- ابوج يصيحلج انزلي
- ماما فدوة احجي وياه لا تخلي يوافق على العرس
- ابوج ما يجبرج اذا يشوف الشغلة تضرج انزلي
نزلنة اني وياها جان كاعد ابوي و روكان بالصالة
- هاا يابه
- شفتي نكر وحلف قران
- يابه جذاب والله
- اني مو غشيم واعرف الجذب من الصدك وهذا جذاب مدامة حلف قران جذاب يحفة ومايطولج 1- والله لاخلي يطلك غصبن على شاربة
ما اهتم ابوي لكلام روكان كال لا تهتمين ما ابقيج على ذمتة
رحت بستة براسة
- الله يحفظك اليه يابه
طلعت من الصالة اجة علاوي
- عمه يمتة نروح على ماما
- روح كول لجدو
راح يركض على ابوي
وكفت ورة الباب اسمع يكولة جدو انلوح على ماما
- بعدين وليدي مو هسه
- اني اريد ماما
- مو اليوم ابني
روكان: يابه ودي خطية دوم يبجي عليها 1
أنت تقرأ
حب رغم الحواجز
Romanzi rosa / ChickLitجنت احجي وابجي اريدة يفهم اني ماصير لغيرة اسمعة يكول لعد شلون اني ماعوفج مستحيل اعوفج بيوم ولا اني اعوفك ثق بية لغيرك ما اصير شلون ماتصيرين والعالم باجر تجي تشوفج يعني انتهى كلشي يولي انطيني الضوة الاخضر وخليني اتصرف والله احركها على روسهم. لا تخرب...