حب رغم الحواجز

البارت الثاني

( حب رغم الحواجز )
#Akbal_Mahmeed
###################+

ردت احجي وية مها بس ترددت مها متشددة بالدين واحتمال تعدمها اذا تعرف احسن شي اروح اكول لورد وهيه تخلي عمو احمد يكنسلها.1

صحت لورد وغمزتلها عود تلحكني للغرفة شوية وجتي شايلة علاوي ويبجي اخذتة منها وطلعتلة مصاصة انطيتة.

- هههههههه ولج رياحين شكبرج شكدج وضامة المصاص.

- ورد اريدج بموضوع.

- شنو كولي.
حجيت الها كل الي كالتة روئ.

- الحل هسه شنو ابوج شكلة اقتنع بذولة الي اجوي.

- ولج هيه رافضة رافضة ما تريد تزوج ابد.

- لعد خوما تبقى العمر كلة هيج.

- قابل انزوجها غصب الي اريدة منج تكولين لعمو أحمد روئ ماقابلة وتخلي يكنسل الموضوع لان تدرين بابوي اذا تبقى علي وعلى مها يجبروها.

- ماشي راح اخلي عمج يرفضة ولو هذا مو حل، مايصير تبقى العمر كلة بدون زواج

- عود بعدين نحجي وياها ونقنعها هسه هية منهارة

- عوفيها اني اقنعها واحجي وياها هسه ماتسمع لاحد لان هستوها طالعة من تجربة فاشلة

- ماعرف بس انقهرت عليها كلش.

- الي صار وياها مو شوية بس لازم الحياة تمشي وتستمر هو هسه عايش وية مرتة ويمكن نساها وهيه موقفة حياتها.

- هم صحيح
- لعد عوفي علاوي يمج وعوفي الموضوع هذا علية

- الله وايدج.
نزلت جوة وعافت علاوي يمي طلعتلة اغاني بالموبايل مال اطفال وكعدت اركص واصفك وياة.

دخلت امي شافتني باست ايدها وخلتها على كصتها.
- ها يمة شبيج

-الحمدلله على نعمة العقل يايمة.

- اي والله ماما.

- دكومي كومي انزلي سوي غدة وية ورد.

- خلي روئ تساعدها لو الا رياحين تحط روحها.

- اختج معتكفها بغرفتها عشتو زعلانة.

- هاج هاج علاوي لا تكلبين علية أنوب وتزوجيني.
نزلت لكيتها داتسوي برياني.

- بشنو اساعدج.

- تسلمين عمري كملت.
رحت اسوي زلاطة ودخل روكان كعد على الكرسي مال ميز الطعام كال ابوي وين جاوبتة ورد طلع قبل شوية.

لعد ليش خابرني كال تعال.

جاوبتة يريدك تسئل عن الولد الي جاي يخطب روئ.+

- منين هذا.

- من معارف رجل مها ويريد يجون ابوك كال خلي روكان واحمد يسئلون عنة.