حب رغم الحواجز

البارت 35

( حب عبر الحواجز )
#Akbal_mahameed
&&&&&&&&&&&&&&& 3

رياحين انطاها العلاكة وصعد لغرفتة
- شنو هاي شجايب
- جايبلج غدة ههه اكعدي تغدي ما اكلتي اليوم
- يلة هم نعمة
عفتها ورجعت اكمل شغلي بس بالي مو وياي تفكيري كلة يم جلال من اخر مشكلة بيناتنة وهو منطيني حضر من كلشي اطخ براسي انهي كلشي بس شلون اعوفة هذا حب عمري وتعذبنة يلة صارت قسمتنة شلون انسة حبه شلون انسة شلون تعب وخطبني لحد ما ملل اهلي
ما اكدر اعوفة حياتي لا شيء بدونة
كملت شغلي وصعدت لغرفتي نمت حتى العيد ما حسيت بطعمة
فزيت موبايلي يدك ردت بلهفة لان شفتة رقم جلال
- الوووو
- اريد الخط
- يا خط
- الخط القديم مالج
- كسرتة
- يمتة كسرتي
- بيوم التعاركنة
- ليش كسرتي
- لعد شسوي بي ليش عايفتة
-شوفي يمكن جنت اكول ما اظلمها ويمكن ما عدها شي بس مدام كسرتي انتي اكبر خاينة وحقيرة لان لوما عندج بي شي ما جان كسرتي من عرفت اني بي بس الضاهر جنت مخدوع بيج
بقى يحجي واني ساكتة خلص حجي وسدة
باوعت على رقمة وغميت نفسي من القهر هو هذا الحب الذبحت نفسي علي تاليتة بس مشاكل وشك 4

شهرزاد فتحت العلاكة بيها لفتين لفه كص ولفة كباب وياها قوطيتين ببسي كعدت اكل صدك جنت

جوعانة بس مقهورة رجلي ما اهتملي ولا على باله اذا اكلت او لا وهو يهمة أمري شافني ما اكلت راح جابلي اكل
الك بيها ارادة ربي
كملت واخذت الببسي شربت وحدة وبقت وحدة خليتها بالثلاجة اجاني علاوي يريد ينام نومتة وطلعت ساعدت رياحين داشتغل
واجتي ام روكان خلت ايدها على جتفي الدمع مبين بعيونها
- خاله اصبري لخاطري كم يوم وراح يرجع يسافر
- ان شاء الله خاله
- عفيه بنيتي ادري بيج شريفة وعفيفة بس ابني مو بيدة تسودن تالي وكت
- لا تهتمين خاله اني هم العصر راح اروح لاهلي ابقى كم يوم
- سلميلي عليهم
- الله يسلمج خاله يوصل
وفعلاً العصر كلت لاحمد وداني لأهلي 1

رياحين نزلت العصر جوة جانت شهرزاد رايحة لأهلها باقية بس روئ ومها روئ مسوية كيكة صبيت كلاص عصير واخذت قطعة كعدت يمهن بالمطبخ واكل
رياحين: روكان وين
روئ : قبل شوية صعد لغرفتة
مها: خوما بعدة يحوم على شهرزاد
رياحين: اول ما اجه عيونة دور عليها والضهر شافها ما تغدت راح جابلها غدة
روئ: ترا حرام الجاي يسوي
رياحين: روكان يحبها مو بيدة
روئ: هذا مو حب رغبه روكان ترا يريدها بفراشة بس وتصرفاتة كلها جاي تثبت هالشي
مها: الصراحة اني كمت احقد على روكان واضوج منه لان هذا 1

عرض عمه وهو مخلي عينة علي
رياحين: يمعودة انتي ماشفتي شي كم مرة ومرة خرعنة اجه يصير بية سكر من وراه بس شنسوي يبقى اخونة وهو اي واحد يحدي وياه يكول احب..
داحجي ودخل عمو
سكتت واشرت للبنات يسكتن
مشى راح وكف يم الدرج صاح على روكان ينزل
نزل روكان واني ارجف بس لا سمع شي من كلامنه
اباوع لعمو تمشة للسكن جانت سجينة موجودة اخذها بيدة
فزيت وهيه فزة هية عيطة رووووكان اطلع
البنات اخترعن من عطت لان ما شافن عمو اخذ السجينة
دخل يركض روكان للمطبخ يصيح شكو
ركضلة عمو ودفعة على الحايط ركضت مها تجر بعمي
وتصيح دخيلك عمو لا تسويلنة مصيبة
بقيت واكفة بمكان وارجف اكيد سمعنة وسمع كلامنة يضرب بروكان بوكسات ويصيح عار ولك انته عار مخلي عينك على مرتي وتريدها بالفراش
لروكان وجهة صار اصفررر وانخرطت من ايد عمو وكع
ومها وروئ لطمن على وجوهن
ابتعد عنه عمو وشمر السجين كلها دم
واخوي وكع بالكاع تكومنة فوكاها روئ تصحي بي ومها تنزعة قميصة
ركضت اصيح اريد احد ياخذة للمستشفى امي وابوي طالعين لكرايبنة يودون وجب
اخذت موبايلي اريد اتصل على بابا تيهت حتى الرقم سبقتني مها لبست عبايتها وركضت لبيتها تصيح رجلها عمو كعد بالصالة يدخن
1