حب رغم الحواجز

البارت 11

( حب رغم الحواجز )
#Akbal_Mahameed
&&&&&&&&&&&&&&2

واكفة كدام المراية واباوع لشكلي الي انكلب 180 درجة لابسة لبدلة البيضة والتاج مثل الاميرات الي جنت اشوفهن بالافلام كارتون واحلم اصير مثلهن
اجتي اختي سحر كالت راح يجي رجلي ياخذنة
اليوم ليلة عرسي اليوم راح ادخل لحياة جديدة وماعرف ربي العالمين شنو ضام الية 
اجة رجل سحر لبستني البرنص وطلعنة .
- مبروك خوية زواجة الدهر ان شاء الله.
همست الله يبارك خوية.+

اخذنة للبيت وتلكتني امي وخالاتي بالهلال كعدت بالصالة ونزعت البرنص هلاهل وركص الى ان سمعت صوت السيارت وكفت بالباب احس اطرافي ثلجت 
وكلبي علت دكاتة وية صوت الموسيقى.
دخلن بنات اخو وام روكان وهو وياهن دخل بكل هيبة كعد بصفي اجتي امي روكان بوستني وباركتلي هيه وبناتها
وامي واكفه يمها وتوصي بيها علية وهي تكوللها بعيوني اخليها
شوية وكام وكف كال ام روكان يلة اجتي كومتني ولبستني البرنص 
امي خلت ايدي بيدة.
- شهرزاد امانة عندك اريدك تراعي الله بيها وتصون الامانة.
- بعيوني اخليها لو ربت ابني وراعت الله بي.
- ان شاء الله تربي مثل ما اني ربيتها.
باس راسها ولزم ايدي وطلعنة ودعت بيت اهلي وراح ادخل بيت زوجي.
السيارة مال الزفة داخلة للطرمة فتحلي الباب علمود وشفت ابوي اجة علي دنكت على ايدة بستها ودموعي تجري.
- ارفعي راسي بعد ابوج. صوني رجلج.
- ان شاء الله راسك دوم مرفوع ياتاج راسي 
باسني براسي ومسح دموعي.
- كافي بجي مو بعيدة عنهم انتي 
حجاها وفتح الباب وصعدت وهو اندار صعد

طلعت الزفة افترت ابغداد شوية واخذونة للبيت زفونة كبل للغرفة.
الخوف ملة كلبي واحس رجلية بعد ماتعيني كعدت على السرير وافرك بادية واحاجي نفسي شبيج شهرزاد انتي مو طفلة ليش هالخوف هدي نفسج.
اباوعلة نزع سترتة وعلكها بالزاوية ودخل للحمام يصير داخل الغرفة طلع ينشف بوجهة وفتح اول ثلاث دكم من قمصية اباوعلة وادنك.

- كومي غسلي وارتاحي بين مااجيب العشة.
هزيت راسي هو طلع واني كمت نزعت بدلتي وعلكتها وطلعت السيت الي اشترتة امي اليه 
سيت ابيض يصير للركبة وربع ردن كيبور خفيف ومن الصدر حفرتة دائرية وجبيرة فوكاة روب طويل وبي فتحة للفخذ
لبستة وكفت افتح بالتسريحة هيه بسيطة وبسرعة انفتحت فتحتة على طولة وكعدت اباوع للغرفة حلوة كلش لونها ماروني وابيض وكلها امرايات.
اندك الباب كلت اتفضل دخلت رياحين شايلة صينية بيها اكل خلتها على الطبلة.
- شهالجمال ولج.
- حياتي شكرا.
- عادي احجي وياج مثل روئ يعني بدون مااكلج عمة لان متعلمة على ورد اعاملها حالها حال خواتي.
- منوو ورد.
- اممم مرت عمو الله يرحمها.
- اهاا ايي عادي بكيفج اصلا اني بعمرجن.

دخل احمد وهيه ترخصت وطلعت.
بقيت كاعدة بمكاني ومدنكة واغطي برجلية الي طالعة من الفتحة 
- تعاي تعشي
هزيت راسي وكعدت كعدامة على القنفة وهو كاعد على السرير.
بدة ياكل بدون مايباوعلي واني مدنكة اكل رغم جوعانة بس استحي اكل بقيت انقمش بالسلطة.
هو كمل بسرعة وراح للحمام غسل واجة شال الصينية واخذها بدون كلام غسلت وكعدت على السرير خاف جنت شوية خايفة هسه الخوف كام يقرا الف 
شوية واجة كح وكعد بصفي.
- شلونج شهرزاد
- همست الحمدلله
- شفتي علاوي 
- ايي شفتة اليوم وية رياحين.
- شوفي شهرزاد اكو كم شغلة اريد انبهج عليهن علمود ما تتعبين.
هزيت راسي.
- اني عندي علي ابني بغلات روحي اذا تريديني مرتاح وياج اعتبري ابنج.
- ان شاء الله بدون ماتوصيني.
- خوش لعد، شغلة ثانية اخوي ابو روكان اني اعتبرة والدي اريدج تحترمي وتسمعين كلامة عرفتي بي أمام مال جامع 
- ايي
- عندة الاغاني حرام وممنوع تشغليها بالبيت والمكياج داخل غرفتج بس برا ماكو.
- ان شاء الله.
- واريدج تعتربين اهل البيت اهلج وام روكان والبنات خواتج 
هزيت راسي مد ايدة على خدي ويحرك ابهامة على خدي شفايفي غمضت عيوني حسيت بي تقرب
طبع بوسة على كصتي مد ايدة على خصري قربني اله 
شوية وابتعد عني فتحت شفتة يفرك بوجهة وركبتة عبالك مختنك.
- بيك شي .
- لا هسه اجي.
طلع وعافني بقيت صافنة هذا شبي.
تأخر حييل كمت شلت الفرشة وتمددت غفيت من التعب 
وين حسيت بيد تتلمس خصري ونفس على ركبتي فزت حييل همس باذني اني احمد لا تخافين
انوب زادت رجفتي والخوف ملة كلبي
تقرب مني دقايق وابتعد
كعدت متوجعة كلش واحس حيلي مهدود.
- كومي غسلي هسه ترتاحين.
هزيت راسي وجريت ملابسي لبستها
كمت كوة للحمام وهو كاعد يدخن
سبحت شوية ارتاحيت وفتحت الدوش مي دافي ينزل على جسمي.
صحصحت ولفيت نفسي بالبرنص وطلعت لان ماجايبة وياي ملابس
لكيتة كاعد على السرير ولازم موبايلة من شافني سدة وكام يريد يدخل للحمام بس عيونة تلمع بالدموع
هذا شبي والله راح يخبلني.
فضولي كالي روحي افتحي موبايلة وشوفي شنو جان يشوف
وصدك مشيت جريتة وفتحتة طلعتلي راسا صورة بنية طلعت بكدي وشايلة علاوي ابنة عرفتها مرتة الماتت يعني شنو بعدة يتذكرها ويحبها لعد ليش تزوجني هاي اول يوم النة ومبين ضايج وجاي يباوع على صورتها وعيونة مدمعة.
اوووف ياشهرزاد حضج اعوج وكعج بقسمة عوجة مبينة من بدايتها.
عفت موبايلة بمكانة وتمددت.
شوية واجة تمدد غفيت بعد تفكير طوويل.
فزيت الصبح على حركة بالغرفة وصوت طفل
فتحت عيوني شفتة كاعد بالكاع ويمة ابنة يلاعب بي
شافني بالمراية مال الكنتور.
- صباح الخير.
- صباح النور.
كعدت باوعت للساعة ب9 ونص كمت رحت للحمام غسلت وكعدت على السرير استحي اطلع وحدي.
- بدلي وخلي نطلع.
هزيت راسي وكمت طلعتلي دراعة لون وردي وصخ امي محضرتها كالت البسيها اول يوم.
رحت للحمام لبستها ومشطت شعري ولفيت حجابي لفة راخيه.
من طلعت باوعلي من فوك ليجوة وكال لفي شالج زين 
ماحجيت خليت دنوبس وضبيتة.
طلعت وياة الطل يباركلنة سلمت على اخو ابو روكان اله هيبتة بالبيت والكل يخاف منة 
كال زوجة الدهر إن شاء الله .
- شكرا حجي.
كعدت بصف احمد شوية واندك الباب دخلت امي وخواتي سحر ومنى ركضت لحضن امي افيش ياريحة هلي حسيت هسه يله تنفست.
جايبين ريوك وجايين.
مابقو شوية وترخصت امي تريد تروح انطتني علبه بيها محبس ذهب حضنتها حيل كوة وخرت من حضنها.
من طلعت ام روكان كالتلي روحي يم رجلج ارتاحي.
رجت للغرفة لكيتة متمدد ومخلي ابنة بحضنة من شافني.
كال تعاي بدليله تلف ملابسة بالكاكو.
- بس وين ملابسة ماندلهن 
- اسئلي رياحين ونزلي ملابسة اهنا بالغرفة.
- تمام 
طلعت سئلت رياحين كالت ملابسة بغرفتي 
- احمد كال نزليهن .
- ايي تعاي وياي انزلهن.
صعدت وياها فوك تمشي وتكولي هاي غرفة روئ وذيج غرفتي وهاي غرفة روكان وهذا الحمام الفوك.
- زين روكام اخوج شو مااجة.
- عندة علاج بلبنان ويطول يلة يرجع 
- ماا معافاة ان شاء الله 
- تسلمين حبي
دخلت وياها وكعدت تصفط بالملابس وتحجيلي عن حياتهم وعن علاوي شلون متعلق بيها على طارف الساني اريد اسئلها عن مرتة السابقة واتردد الى ان كملت اخذت الجنطة ونزلت صفطت ملابسة بالكنتور
وطعتلة لبسة شلتة اريد ابدلة وهو يبجي.
- على كيفج وياة 
- ممسويتلة شي بس يمكن مستغرب 
- ايي انطيني ملابسة اني ابدلة 
انطيتة الملابس وكعد يبدلة ويحجي وياة 
- بابا هاي خالة تحبك وانتة لازم تحبها وتتعود عليها.
- لا تعلمة على كلمة خالة اريدة يصيحلي ماما
سكت ماحجة 
من كمل كالي اكو نساتل بالجرار جيبيلة وحدة وانطيهيا علساس منج علمود يتعلم عليج 
كمت طلعت وحدة وصحتلة
- وهاي النستلة لعلاوي تعال هاك.
دفن وجهة بصدر ابو مااجة وهو ضحك وحضنة
- يتعود شوية شوية .
- ان شاء الله 
سكتنة فترة هو متمدد على السرير واني كاعدة على القنفة.
الى ان حجة هو كال انتي خريجة شنو.
- ليش ما كالولك 
- لا 
- خريجة جامعة تكنلويجا.
- حلو خوش مهنة 
- اممم.
- ليش وافقتي علية.
- وليش ارفض.
- يعني اني اكبر منج وارمل وعندي طفل.
- بس احسن من غيرك والناس مدحت بيك وباخلاقك 
- هاا.
شوية وسمعنة عياط برة طلع بسرعة واني لبست شالي وطلعت ورة شفت مرة كاعدة بالطرمة تلطم على وجهة وتعيط عمت عيني عليج يمة ورد اجت التاخذ رجلج وابنج صارتلة مرت اب تعذبة حسبي الله ونعم الوكيل اووويلي عليج يمة ذاك اليوم طلعت السنة مالتج وراح تزوج.
هدت على أحمد تضرب بصدرة
- وين كلامك من كتلك اخذ اختها علمود ابنك وينه مو كلت ماتحلى بعيني مرة غيرها مو صرت عريف واعتكفت عن الزواج شو مصار سنتين من ماتت ورحت تزوجت وجبت وحدها بمكانها.1