حب رغم الحواجز

البارت التاسع

( حب رغم الحواجز )
#Akbal_Mahameed
&&&&&&&&&&&&&&3

كلام امي خلانة بصدمة يعني روكان فقد رجولتة وتحطمت حياتة اذا ماتعالج

ورة يومين طلع من المستشفى
طلعنة تلكيناة بالباب اني وروئ خلاني جوة كتفة وروئ جوة كتفة الثاني باس راسي وراسها.
- شلونك حبيبي خوما تعبان
-كلبنة نار عليك والله محد يقبل نجي للمستشفى
-مابيه شي بعد اخوجن
- شوكت تسافر روكان.
- اليوم الساعة ب6 طيارتي ان شاء الله.
- بالسلامة تروح وترجع ان شاء الله.
- تسلمين ريحانة يلة دخلن جوة خلي ادخل الولد
دخلنة جوة وهو راح للاستقبال لان اصدقائة جايين يودعونة
كمنة نحضر الغدة اني وروئ
جاي اصب واجة عمو معصب
- رياحين.
- ها عمو
- ليش علاوي طالع برا والسيارات رايحة جاية طفل شلون تخلينة يطلع.
- عمو مادري بي التهيت بالغدة.
خزرني وشالة وراح.
اوووف والله عقل مابقى عندي منا حادثة روكان وسالفتي وية جلال خلتني اهمل علاوي اعرف هذا طفل مالة ذنب بس مجاي اكدر اركز بشي
ورة الغدة كعدنة بالصالة واخذت علاوي اني خليتة بحضني
روئ اجيت قدمت الجاي لاهلي واسمع روكان يحجي وية ابوي يحجي عن القاضي فلاح
اخر شي كالة اليوم من اجة طلب روئ مني.
- انتة شعرف عنة.
- خوش رجال واخلاقة ذهب.
- روئ خوية.
- هاا عيني.
- فلاح اليوم خطبج مني وانتي اشتغلتي وياة وعرفتي اذا موافقة علمود اردلة خبر ويجي يطلبج من ابوي.
سكتت ماجاوبت.
- فكري زين خوية.
كمت من يمهم صعدت لغرفتي هذا سواها صدك وخطبني واني من غير شي مارتاحلة مو انوب عاند وخطبني.
خايفة لا يقتنعون اهلي بي وتوصل للجبر.
بقيت حايرة وافكر ساعة اكول أوافق ساعة اكول لا يولي ماوافق.
فزيت على صوت الموبايل
رقم غريب عرفتة مهدي
ماجاوبت دز رسالة الحمدلله على سلامة روكان روئ اريد اجي باجر اخطبج مابقى عندي صبر.
ماجاوبتة ماشاء الله ثنين سوة يريد يخطبون1

رياحين صار وقت سفر روكان وعمو قبل لا يروحون عمو صاحلي لغرفتة رحت انطاني فلوس مصرف لعلاوي
- عمو ديري بالج على علاوي امانة هذا عندج اعرف حملتج فوك طاقتج بس شنسوي .
- لا تهتم عمو راح افرغ نفسي اله وبس.
- باس راسي وطلعنة
ودعناهم وخايفين على روكان جان واضح القلق والتوتر على وجهة.

روئ ثاني يوم العصر اجتي ام مهدي وياها نسوان ثنين عرفت خالاتة رتبت نفسي ونزلت قدمت الهم العصير وكعدت هاي حسب اوامر امي ومها طبعا
فتحن الموضوع وية امي
- ام روكان عيوني الولد رايدها ولا توكفون بطريقة والله يسعدها ويخليها بعيونة.
- والله دادة الشور شور ابوها اني مابيدي شي غير ابلغة واردلكم الجواب.
- ان شاء الله خير
مها كالتلها شنو شغلة ابنج الله يحفظة.
- عيوني طالب كلية مرحلة ثالثة ويشتغل وية ابو بالمعمل
بقن شوية وراحن.

- شنو رأيج روئ.
- شعجب سئلتي.
- غير انتي العروس .
- ماموافقة.
- والقاضي صديق روكان شنو رأيج بي.
- هذا مافكرت بي اصلا.
- لعد شتريدين ولج.
- ماريد شي عوفيني بحالي.
- شوفي لج كملتي دراسة وتخرجتي وتوضفتي يجي ابوي واحجي توافقين على واحد منهم غصبن عليج.
- مو كيفج ومااوافق هاي حياتي اني مو حياتج.
- شنو ولج تعاي جاي اشو طلع لسانج.
- مها لا تدخلين بحياتي
- اتدخل وغصبن عليج يجي ابوي واحجي وياه انتي مالي كلام وياج.