حب رغم الحواجز

البارت 48

( حب رغم الحواجز )
#Akbal_ mahameed
&&&&&&&&&&&&&&&

- وهسه ما ناوية تحنين عليه، لو اسويها صدك واروح يم وحدة
اندريت خزرتة ورجعت راسي على المخدة
- نامي نامي نوم الظالم عبادة

ضحكت وهو مد أيدة جوة راسي حضنت أيدة ونمت
هو بقى كاعد احس بي الليل كلة يحوص لو يحضني لو يبوس بركبتي من ورة
كعدت الصبح قبلة نزلت سويت ريوك وصعدت ام روكان بعدها نايمة يمكن لان ما شفتها
صعدت علاوي كاعد اخذتة ريكتة وانطيتة علاجة
صحتة زين حاليا بس يرادلة رعاية واهتمام باكلة
نزل روكان عاقد حواجبه ومبين الطنكورة صاعدة عندة فول
- صباح الخير
- صباح النور، تتريك
- لا ما اشتهي
ورث جكارة وطلع للحديقة يرش بيها
نضفت البيت وكملت كل شغلي وصعدت سبحت اني بالحمام وسمعتة يخابر بالغرفة يعني صعد
لبست وطلعت
باوعلي ودنك على الموبايل
- شنو ما تروح للشغل اليوم
- اليوم جمعة
- نسيت
كعدت امشط شعري وهو خابر وسام
اول مرة ما انتبهت بعدين شغلت اذاني عشرة على عشرة لان كالة
- هاهيه ضلعي عليها اليوم
- اي اني ما عندي شي
- ماشي اليوم سهرة للصبح يعني
- ايي بعد اخوك تعبان واريد اريح
- ماشي امرلك المغرب ونطلع
سدة واني الشاطين كامت تكمز فوك راسي
- وين تريد تروح
- هيج بشغلة
- هاا شغلة
- اكلج لا تضلين تشمرين حجي شعندج
- تعبان وتريد تريح استاذ روكان
- لا تتدخلين ما يخصج
- ما يخصني شنو اني مرتك
- ايباااخ مرتي من شوكت اشو ما ادري
- لا تستهزء
- لا يأبه ليش انتي مرتي هههههههه
- انته ليش هيج تسوي تريد تجلطني
- لا اجلطج ولا تجلطيني شرايدة من الاخير
- وين تروح وية وسام
- طلعة مال شباب لا تدخلين
- شباب مصدك نفسك شاب
- ليش يمة شبية
- ترا صرت شايب وينك وين الشباب
فتح عيونة حيل
- انيي شايب
- ايي ومعجز احسب شكد عمرك
كام وكف فوك راسي ودنك
- اشوفج المعجز شيسوي
باوعتلة صفح شيسوي يعني
جرني بخفة من زندي علي
- هسه اشوفج مهارات الشايب
شمرني على السرير
- وخر لا يجي علاوي
كمز قفل الباب واجة يمي
- انتي عاجبج الشايب هي كوة
ابتسمت بوجهة منو يكول
- غيرتج تكول
- كل مرة تغار على رجلها
- لا اذا ما تحبه ما تغار
- وهسه شنو يعني
- انتي تحبيني
- ايي احبك واغار عليك لان انته حبيبي وزوجي
- اوووووويليي ولج سنين انتضر كلمة منج وهسه شمرتيهن شمرة وحدة
- ههههههه صدك تريد تروح وية وسام
- ايي
- روكااان
- وعيونج اتفقنة نروح لحمام مغربي مساج للجسم
- والكادر نسائي لو رجالي
- حسب الزبون شيطلب
- وانته شتطلب
- برأيج اكو احلى من النسوان وفوكاها تجي تسويلي مساج
- انته واحد ادبسزز وخررر مني
باسني من شفتي بسرعة وعضني
- منو هذا الادبسز
- وخررر
- سويلي انتي مساج وما اروح
- وخرر خلي النسوان تسويلك
رجع عضني
- هاا شكلتي
- داتذيني روكان
ابتعد وباس مكان العضة
اندك الباب وصوت علاوي يصيح ماما
- وخر علاوي بالباب
جر موبايلة وخابر على امه
- يمه رحمه لاهلج اصعدي اخذي علاوي
- شبيك ولك انته فوك وتخابر
- دصعدي اخذي شعل اهلي
من سدة ضربتة على صدرة
- شكد عيب ليش خابرتها
- اذا تبقى علي ابقى صايم عمري كلة
- امممم
كام يبوس بخدودي
- شهرزاد ما اريد اسوي شي ما راضية علي حبيبتي
- ما تروح وية وسام
- وربج ما اروح عندي انتي واروح شبيه مخبل
- اممم
- اقتحم سيدي
ضحكت وهو أخذ موافقتي تقربلي وصرت مرتة
هاي الدقايق الجمعتني بي عبرلي عن حبه بكل همسة منه وكل لمسة أنفاسه ترجف وايدة ترجف شفت غير روكان صار طفل بحضني مثل الطفل بحضن امه ويريد حنانها