حب رغم الحواجز

البارت 39

( حب رغم الحواجز )
#Akbal_mahameed
&&&&&&&&&&&&&&& +

الفاتحة صارت ابيتنة وبيوم الجابو الجنازة حرت اصد للناس لو اودع عمي وابوي العشت وياة عمري ومايوم سمعني كلمة الي حتى من غلطت ما جرحني وشال الحمل عني والله لو ميتة ولا شايفة هاليوم
ابوي صاح علينة ابوي نطلع نودعة علمود يشيلون الجنازة 3

شهرزاد شمرت نفسها على التابوت رفعت الغطة عن وجهة ولطمت على وجهة وصاحت سوودة بوجهي خليتك تروح ما ادري الموت راح يأخذك
روئ ملخت نفسها بس تريد توصل للتابوت ومهدي مجتفها بحضنة واني كاعدة بصف شهرزاد
اباوعلة وارجف هيج اخذة الموت وبعد ما نشوفة
مصدومة مجاي اصدك
انجريت من زندي شفتة جلال حضني على صدرة
- البقية بحياتج يا روحي كلنة على هالطريق
- جلال عمو، عمو مات
- ابجي لا تبقين ساكتة و مصدومة طلعي الي بداخلج
- الي بداخلي خراب ولك مات عمي بعد ما اشوفة
باسني براسي
- اكعدي شوفي  و ودعي خمس دقايق ويشيلون الجنازة
فزيت على صرخة شهرزاد صاحا بعلو حسها وين ما ماخذي بعدني ماشبعت منه عطت وركضت ورة التابوت شالة ابوي ورجل مها وعمامنة وصلت الباب وجرني جلال
- وين رايحة
- خلي يرجعو جلال ما ودعتة
ابجي ودموعي تجري احس هسه يلة صحيت على الصار
- خلي يروح لمواه الاخير لا تعذبينة بدموعج
جرتني مها ودخلنة شهرزاد وصلت باب الكلدور وكعت نصحي بيها ما تصحة صاحت امي على روئ خلي رجلج ياخذنة للمستشفى
خابرت روئ على مهدي واخذوها هو وامها وامي
هستوهم راحو ودخلت اني أقدم مي للنسوان وصرخة روكان هزت البيت طلعنة نتراكض كلنة 3

هاي ثاني مرة اشوف اخوي هيج منهار اول مؤة بالعيد من جان سكران وهسه على وفاة عمو منضرة جان صعب جدا راكع بالكاع ويصيح ولجن رااااح رررراح عمي وهو زعلان عليه ركضت علي مها صمت حلكة وتسكت بي لان النسوان طلعن يباوعن علي وهو فقد كام يخرط كلشي
رحت حضنتة حضني يبجي ويكولي مات عمنة رياحين يعني راح ابونة وسندنة
اني ابجي وهو يبجي ما اعرف اواسي لو هو يصبرني
جرتة مها دخلتة لمطبخ
- طب يمعود طب لا تفضحنة
كعد بالكاع يبجي ويضرب على راسة
- راح ولجن راح وهو زعلان مني
كعدت كباله ولزمت ادينة
- ما زعلان والله ما يزعل لان امي حجت وياة هواي وفهمتة 1

- شفهمتة ولج شفهمتة قبل خمس ايام اني جنت
سكت ورجع يبجي 1

للضهر اجوي من الدفنة كام روكان يريد يسلم على ابوي دار وجهة على مها كاللها حضرو الغدة
وعافه وطلع ما قبل يسلم علي
جانن النسوان الكبار هنه يطبخن واني ومها وروئ نساعدهن شهرزاد جابوها من المستشفى ونومتها امي بغرفتها

ثلاث ايام وكمل العزة روكان بقى بالبيت بس ابوي ما يحجي وياه ولا يباوع بوجهة شهرزاد تكعد تبجي شوية وترجع تنام باليوم السابع
اجتي امها تريد تأخذها
كامت لبست عباتها والحجاب ولمت ملابسها الي يمنة اني وياها اساعدها وارتفع صوت ابوي وابو روكان
طلعت وكفت يم باب الاستقبال ابوي اسمع ابوي يكولة تبقى يمنه تلزم عدة
وأبوها يكولة انته عندك ولد شاب وبنتي مرجعها لبيت ابوها
طب روكان جان برا كال شنو شصاير
- اهل شهرزاد يريدون ياخذوها
هز راسة وكمل طريقة يريد يصعد لغرفتة صاح ابوية
بنتك حامل باابن اخوية خليها تبقى وابني يومين ويسافر ما باقي بالبيت
دار وجهة عليه روكان
- شهرزاد حامل
- ما ادري خوية علمي علمك
صعد لغرفتة وطلعت شهرزاد شايلة جنطتها نزلت النقاب على وجهة ودخلت للاستقبال