حب رغم الحواجز

البارت30

حب عبر الحواجز )
#Akbal_mahameed
&&&&&&&&&&&&&& 2

كاعده بغرفتي وحدي وره مراح مهدي
بعد وكت هسه يله اجه واذكر عنده مره ويم أهلها مخنوكه حيل وضايجه من الي سواه كلش دخلت رياحين باوعت الها
-ها رورو
-ها عيني
-شبيج ليش كاعده وحدج
-هيج ماعندي شي ومنعسه اريد انام
-اعرفج من تضوجين تنعسين
-لا على شنو ماكو شي ضايجه منه
-ومهدي
-شبيه
- لشوكت تضلين تكابرين رؤى احجي الي بداخلج ليش تضمين
-شحجي يعني رياحين شحجي
-احجي شصاير بينج وبين مهدي خلاه هيج يتصرف وياج
-مصاير شي بس هو شبع جنت يمه
والي يريده اسويه إله وهسه صار مالي داعي وخصوصا أمه ولا اخواته تريدني
-يعني تطلكين
-أكثر شي اي
-ليييش
-لأن اني مو رخيصه شامرني شمره جلاب لا سأل ولا اجه ولا حته كلف نفسه
يخابر واحد منكم يسأل عني لو يبرر
يستاهل هذا ارجعله 3

-اهدي اهدي حبيبتي
-تعبت تعبت والله تعبت أخذته غصب عني تحملته وسويت الي يطلبه غصبن عني تحملت أمه وهي تحجي وتعير وتغلط وتامر وكلشي تسوي بيه واسكت ماكول إله لان ومارد عليها احترام إله
صح ماحبه بس احترمه هذا كله وبخطوبتج علمود شنو وشصار شامرني راح يصيرله شه، واحنه صارلنه ٥ شهور بس متحملت طكيت وبجيت
-علكيفج

-مو تردين تعرفين الي بداخلي هذا كله
اني نغدرت رياحين وصعب اثق بأحد بعد
وتردوني احبه واخذه صعب وحته من زوجته انطيت لنفسي فرصه احترام الها
الي دست هوايه عليها خليته يتقربلي بس صعب اخليه يتقرب مني واني لا حابته ولا حته متقبلنه لان اني مو حيوانه اني بشر بشر
هسه انتي تقبلين اغصبج ع واحد تزوجينه وتعيشين وياه حته لو هو زين
غير وقت يمر بينكم حته تشوفينه وساعتهه وحدج تحبينه مو كله بسرعه بسرعه ويله صار رجلج بيها دكولين يله خل اتعايش وياه سهله عليج
-طبعا لا ماكدر بس خاف لان ماتتقربيله وتمنعينه منج ضايج من هل شي مو كل رجال يتحمل مره تبعده يحس هان نفسه هيج
-لعد ليش تردوني اني اكدر ليش اي مو ع اساس مانعته كلش اني بس غير نفسي تتقبله الله يخليكم تزوجته اي بس غير اني من اريده واميل إله ساعتها يتقرب غير احترام الي لان اني لا عبده عنده َولا بت ليل حته هيج بسرعه بسرعه شغله والله صعبه والله ونوب
شامرني هل شمره وعايفني معلكه شهر
شيسموها هذا الي يارؤى يحبج ويحبج
يله هذا الي يحبني شوفي شسوه
تعرفين شككني بنفسي خلاني افكر شمسويه مسويه شي وياه لو ويه امه لو ويه اخواته أو أهله استاهل هيج تصرف منه خله اهلي يفكرون بتنه شمسويه وهيج عايفها عبالج ميفكرون إذا اني خلاني اشك بنفسي شلون اهلي وهو خابرني وكالي راح اجي باجر ومااجه
-ميخالف حبيبتي مسحي دموعج ان شاء الله تصفه الكلوب وداعتج تصفه اول مره اشوفج هيج تبجين
-اريد انام
-نامي حبيبتي يله اعوفج
طلعت رياحين درت وجهي نزلت دموعي ليش هلكد بجيتني مهدي مو ماخذ عهد على نفسك ماتكسر بيه لو تضوجني وين كلامك وحبك لعد
راسي ضل يوجعني لان بجيت شويه وغفيت 1