حب رغم الحواجز )
#Akbal_mahameed
&&&&&&&&&&&&&&
روئ كعدت من النوم جسمي يوجعني ومهدي ماكو يمكن رايح للشغل شفت ساعه ب٦ اووو شكد نايمه كمت غسلت وبدلت ونزلت لكيت عمتي كاعده
- بعد وكت عيني هسه يله كعدتي
- مادري عمه راحت عليه نومه
- منا وهيج اكعدي من وكت وروحي نظفي وسوي عشه مهدي وابو على جيه
- أن شاء الله
رحت نظفت البيت نظيف مابيه شي بس هي مهوسته عزلته ورحت للمطبخ لكيت مواعين شكد بالسنك عفتهن ورحت سلكت البتيته وخليت اللحم على نار
ورحت غسلتهن ع سريع خلصت نظفت المطبخ وسويت العشه كملته طفيت النار إذن صعدت اصلي نزلت اشم ريحه حرك ركضت للمطبخ اشوف لكيت عمتي شالت الاكل كله وشمرته بالسنك شافتني وعاطت
- يثوله جان حركتينه عايفه الاكل على نار هي هاي ندارتج هي هاي معلمته أمج الج
- عمه اني مطفيته اصلا وامي معليها لاتجيبين طاريها وهسه اسوي غيره
- اجيبها شتسوين بله وامشي اني اسوي عشه
- براحتج +
عفتها ورحت شسويلها يعني هي حركت الاكل لان اني متأكده مطفيته وهو كامل
رحت كعدت بصاله وبيدي تلفوني اكلب بيه شويه ودخل عمي كمت سلمت عليه
كعد يمي بالصاله وره مابدل حجه ويايه
اسلوبه حلو حواره حلو تردين تستمرين وياه بالحجي بعد وراها اجه مهدي
سلم وصعد للغرفه يبدل عمي كال روحي وره رجلج بابا استحيت منه وكمت وراه
دكيت الباب مهدي اجاني صوته
- تعاي
دخلت لكيته يلبس بتشيرته دنكت راسي سويت نفسي اخلي تلفوني ع شحن
الله يساعدك
- ويساعدج شلون صرتي
- الحمدلله زينه
- جبتلج علاج وياي اخذي منه
- تمام
- تره جوعان مخلصين عشه
- اي صار هسه
- نزلي صبي علما اصلي
عفته ونزلت رحت للمطبخ لكيت عمتي تصب
- عمه اساعدج بشي تردين
- طلعي منا اني اكمل
أخذت نفس وطلعت اكره واحد يحجي ويايه بهل اسلوب بس مره جبيره عيب ارد عليها واحترام لمهدي هم ساكته
رحت كعدت شويه نزل مهدي صبت الاكل هي وجابته حته المي والخبز هي جابته
مهدي باوعلي وباوع لأمه
كعدنه كلنه ع الاكل
دناكل وهي حجت
- مهدي يمه هي هاي اختيارك
- شبيها يمه شكو
- اليوم حاركه الاكل الخاتون وطولت لسانها عليه متستحي
- مو وكتها ام مهدي البنيه مصارلها جم يوم يمنه عيب
- عيب عليه لو عليها طبعا شترجه منها تربايت منو
- يمه شهل حجي هذا
حجت حجت واني ساكته لحد مجابت سيره تربيتي
- من رخصه عمي ومهدي
شوفي عمه اني معاجبتج وشسوي تحجين علي" ميخالف سكتت وشتسوين سوي بيتج وانتي حره بيه بس ماسمح لأي واحد يجيب سيره اهلي لو تربيتي
ومن خطبتوني كلش زين تعرفون بت منو وتربيه منو من رخصتكم
عفتهم وكمت صعدت لغرفتي واني افور نار عصبتني كلش
وفشلتني كدام عمي مو عيب منه هيج تحجي رحت كعدت ع جربايه من جهتي
ظهري للباب شويه ونفتح الباب عرفته مهدي اجه وكف شويه عني
- رؤى
- ها
- شصاير
- مصاير شي لاتهتم
- شنو ماهتم احجي
- كتلك مصاير شي شغله تافه بس رجاءا كول الها لتجيب سيره اهلي تره ماتحمل ينحجي عليهم كلمه اني سكتت احتراما الك وشتسوي وشتحجي عليه عادي بس اهلي لا
- بس انتي رديتي عليها كدامي اي احترام تحجين عليه
- اني كلت من رخصتك ورخصه عمي وحجيت تره جبيره اني واعرف شحجي وشتصرف هاي وحده اثنين من حجيت ماكو حرف كلته بيه تجاوز عليك او على اي واحد من الكاعدين من رخصتك رحت اطلع من الغرفه
-تعاي وين رايحه
- اريد اشم هوا اختنكت 2
أنت تقرأ
حب رغم الحواجز
ChickLitجنت احجي وابجي اريدة يفهم اني ماصير لغيرة اسمعة يكول لعد شلون اني ماعوفج مستحيل اعوفج بيوم ولا اني اعوفك ثق بية لغيرك ما اصير شلون ماتصيرين والعالم باجر تجي تشوفج يعني انتهى كلشي يولي انطيني الضوة الاخضر وخليني اتصرف والله احركها على روسهم. لا تخرب...
